ދިވެހިރާއްޖޭގެ ޤައުމީ ދިފާޢީ ބާރު (އެމްއެންޑީއެފް) ގެ 74 ވަނަ އަސާސީ ތަމްރީނު ކޯސް ރަސްމީކޮށް އިފުތިތާޙުކޮށްފިއެވެ.
މި ތަމްރީނު ކޯސް ފެށުމުގެ ގޮތުން ސެޕްޓެންބަރު މަހުގެ 24 ވަނަ ދުވަހު އެމްއެންޑީއެފް ސަދަން އޭރިއާ ކޮމާންޑުގައި ޚާއްޞަ ރަސްމިއްޔާތެއް ވަނީ ބާއްވާފައެވެ. މި ރަސްމިއްޔާތު ޝަރަފުވެރިކޮށްދެއްވީ ކޮލެޖް އޮފް ޑިފެންސް އެންޑް ސެކިއުރިޓީ ސްޓަޑީޒްގެ ކޮމާންޑިންގ އޮފިސަރ، ބްރިގޭޑިއަރ ޖެނެރަލް ޑރ. ޙުސައިން އިބްރާހީމެވެ.
ރަސްމިއްޔާތުގެ ޝަރަފުވެރި މެހެމާނު، ބްރިގޭޑިއަރ ޖެނެރަލް ޑރ. ޙުސައިން އިބްރާހީމް ދެއްކެވި ވާހަކަފުޅުގައި، އަސާސީ ތަމްރީނު ކޯހުގެ ބައިވެރިންނަށާއި މުދައްރިބުންނަށް މުހިންމު އިރުޝާދުތަކެއް ދެއްވިއެވެ. އެގޮތުން، ކޮންމެ ދަރިވަރަކީ ވެސް އަޚުލާޤު ރަނގަޅު، ސިފަވަންތަ އަދި ހަރުދަނާ ސިފައިންގެ މީހަކަށް ވުމަށް މަސައްކަތްކުރުމަށާއި، ކޯހުގެ ހުރިހާ މަރުހަލާއަކުން ކާމިޔާބު ހޯދުމަށް ގަދައަޅައި މަސައްކަތްކުރުމަށް އެމަނިކުފާނު ނަސޭހަތްތެރިވެވަޑައިގެންނެވިއެވެ. މީގެއިތުރުން، ކޯހުގެ ހުރިހާ ތަމްރީނުތަކެއް ކުރިއަށް ގެންދިއުމުގައި ދަރިވަރުންގެ ރައްކާތެރިކަމާއި ސަލާމަތަށް ޚާއްޞަ ސަމާލުކަމެއް ދިނުމަށް މުދައްރިބުންނަށް އިލްތިމާސްކުރެއްވިއެވެ.
މި ރަސްމިއްޔާތުގެ ތެރެއިން ކޯހުގެ ބައިވެރިންނަށް އިޤުރާރު ލައިދިނުމާއި، މުދައްރިބުންނަށް ވަޢުދު ލައިދިނުން ކުރިއަށް ގެންގޮސްފައިވެއެވެ. އެގޮތުން ކޯހުގެ ދަރިވަރުންނަށް އިޤުރާރު ލައިދެއްވީ ޗީފް އިންސްޓްރަކްޓަރ، ކެޕްޓަން މުޙައްމަދު ނާއިފެވެ. އަދި މުދައްރިބުންނަށް ވަޢުދު ލައިދެއްވީ ކޯހުގެ ކޮމްޕެނީ ކޮމާންޑަރ، މޭޖަރ ނާމިލް ޢަބްދުލް ޣަފޫރެވެ.
ޖުމްލަ 156 ދަރިވަރުންނާއެކު ފެށި މި ކޯހުގައި 24 އަންހެން ދަރިވަރުން ވެސް ބައިވެރިވެއެވެ. މިއީ ޤައުމީ ޚިދުމަތުގައި އަންހެނުންގެ ދައުރު ފުޅާވަމުން އަންނަކަން ހާމަކޮށްދޭ ކަމެކެވެ.
މި ރަސްމިއްޔާތުގައި ސަދަން އޭރިއާ ކޮމާންޑުގެ އިސް ވެރިން ކަމަށްވާ ކޮމާންޑަރ، ކާނަލް މުޙައްމަދު ޖަމްޝާދާއި، ޑެޕިއުޓީ ކޮމާންޑަރ، ލެފްޓިނެންޓް ކާނަލް މުޙައްމަދު ނިލާމްގެ އިތުރުން ކޮމާންޑް ސާޖަންޓް މޭޖަރ ޢަބްދުﷲ ޖުނައިދާއި އެމްއެންޑީއެފްގެ އެކި ރޭންކުތަކުގެ ގިނަ އަދަދެއްގެ ސިފައިން ބައިވެރިވެވަޑައިގެންނެވިއެވެ.
ރަސްމިއްޔާތުގެ ޝަރަފުވެރި މެހެމާނު، ބްރިގޭޑިއަރ ޖެނެރަލް ޑރ. ޙުސައިން އިބްރާހީމް ދެއްކެވި ވާހަކަފުޅުގައި، އަސާސީ ތަމްރީނު ކޯހުގެ ބައިވެރިންނަށާއި މުދައްރިބުންނަށް މުހިންމު އިރުޝާދުތަކެއް ދެއްވިއެވެ. އެގޮތުން، ކޮންމެ ދަރިވަރަކީ ވެސް އަޚުލާޤު ރަނގަޅު، ސިފަވަންތަ އަދި ހަރުދަނާ ސިފައިންގެ މީހަކަށް ވުމަށް މަސައްކަތްކުރުމަށާއި، ކޯހުގެ ހުރިހާ މަރުހަލާއަކުން ކާމިޔާބު ހޯދުމަށް ގަދައަޅައި މަސައްކަތްކުރުމަށް އެމަނިކުފާނު ނަސޭހަތްތެރިވެވަޑައިގެންނެވިއެވެ. މީގެއިތުރުން، ކޯހުގެ ހުރިހާ ތަމްރީނުތަކެއް ކުރިއަށް ގެންދިއުމުގައި ދަރިވަރުންގެ ރައްކާތެރިކަމާއި ސަލާމަތަށް ޚާއްޞަ ސަމާލުކަމެއް ދިނުމަށް މުދައްރިބުންނަށް އިލްތިމާސްކުރެއްވިއެވެ.
މި ރަސްމިއްޔާތުގެ ތެރެއިން ކޯހުގެ ބައިވެރިންނަށް އިޤުރާރު ލައިދިނުމާއި، މުދައްރިބުންނަށް ވަޢުދު ލައިދިނުން ކުރިއަށް ގެންގޮސްފައިވެއެވެ. އެގޮތުން ކޯހުގެ ދަރިވަރުންނަށް އިޤުރާރު ލައިދެއްވީ ޗީފް އިންސްޓްރަކްޓަރ، ކެޕްޓަން މުޙައްމަދު ނާއިފެވެ. އަދި މުދައްރިބުންނަށް ވަޢުދު ލައިދެއްވީ ކޯހުގެ ކޮމްޕެނީ ކޮމާންޑަރ، މޭޖަރ ނާމިލް ޢަބްދުލް ޣަފޫރެވެ.
މި ރަސްމިއްޔާތުގައި ސަދަން އޭރިއާ ކޮމާންޑުގެ އިސް ވެރިން ކަމަށްވާ ކޮމާންޑަރ، ކާނަލް މުޙައްމަދު ޖަމްޝާދާއި، ޑެޕިއުޓީ ކޮމާންޑަރ، ލެފްޓިނެންޓް ކާނަލް މުޙައްމަދު ނިލާމްގެ އިތުރުން ކޮމާންޑް ސާޖަންޓް މޭޖަރ ޢަބްދުﷲ ޖުނައިދާއި އެމްއެންޑީއެފްގެ އެކި ރޭންކުތަކުގެ ގިނަ އަދަދެއްގެ ސިފައިން ބައިވެރިވެވަޑައިގެންނެވިއެވެ.
ކިޔުންތެރިންގެ ހިޔާލު