ސިޔާސީ ވިސްނުމެއްގައި ސަރުކާރު ބަލިކުރުމުގެ ބޭނުމުގައި ބޭރުގެ އިންވެސްޓްމަންޓްތައް ރާއްޖެއިން ބޭރުކޮށްލުމަކީ އޭގެ ގެއްލުން ވެރިކަންކުރާ މީހަކަށް ނޫން ކަމަށާއި، އޭގެ ގެއްލުން ލިބެނީ މުޅި ދިވެހި ރައްޔިތުންނަށް ކަމަށް ކުރީގެ ބަންޑާރަ ނައިބު އަދި ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓަރީ އަލްއުސްތާޛާ ޢާއިޝަތު ޢާޒިމާ ޝަކޫރު ވިދާޅުވެއްޖެއެވެ.
މީސްމީޑިއާގައި ހިއްސާކުރެއްވި މެސެޖެއްގައި އާޒިމާ ވިދާޅުވީ، ދިވެހިންގެ ޤައުމީ ލަނޑުދަނޑިއަކީ 2040 ވަނަ އަހަރާ ހަމަޔަށް ތަރައްޤީވެފައިވާ ޤައުމަކަށް ދިވެހިރާއްޖެ ވެގެން ދިޔުން ކަމަށާއި، މިކަން ޙާޞިލުކުރުމަށްޓަކައި ރާއްޖޭގެ ހުރިހާ ވިސްނުންތަކެއް އެ މިޞްރާބަށް ބައްޓަންވާންޖެހޭ ކަމަށެވެ. އަދި ތަރައްޤީގެ ރާސްތާގައި ދިވެހިންނަށް އެންމެ ކަމުދާ ޤައުމަކީ ސިންގަޕޫރުކަން ފާހަގަކުރައްވަމުން އާޒިމާ ވިދާޅުވީ، ސިންގަޕޫރުގެ ތަރައްޤީއަކީ އެ ޤައުމުގެ އިޖްތިމާޢީ އަޚްލާޤާއި، ލަނޑުދަނޑިއަށް ވާޞިލުވާން ތަރައްޤީކުރި ޤައުމީ ވިސްނުންތަކާއި، ޤައުމުގެ ކާމިޔާބީއާ ދެކޮޅަށް ރައްޔިތުން މަސައްކަތް ނުކުރުމުގެ ނަތީޖާ ކަމަށެވެ.
ރާއްޖޭގެ ތަރައްޤީއަށް މިއަދު އޮތް އެންމެ ބޮޑު އެއް ގޮންޖެހުމަކީ ދިވެހި އާބާދީ މުސްކުޅިވުމާ ދިމާލަށް މިސްރާބުޖެހުން ކަމަށް އާޒިމާ ވިދާޅުވިއެވެ. މީގެއިތުރުން ކަރުދާހުގައި ކުރެހިފައިވާ އުންމީދުތައް ޙަޤީޤަތަކަށް ހެދުމަށް ބޭނުންވާ ތަމްރީނުވެފައިވާ އިންސާނީ ވަޞީލަތްތަކާއި އެކަށީގެންވާ އިންވެސްޓްމަންޓްތައް ގެނައުމަށް ބޭނުންވާ ކަންކަން ފުރިހަމަކުރަންޖެހޭ ކަމަށްވެސް ވިދާޅުވިއެވެ.
ރާއްޖޭގެ ބިންތައް ބޭރުގެ ފަރާތްތަކަށް ދިގު މުއްދަތަކަށް ދިނުމާ ގުޅޭގޮތުން އާޒިމާ ވިދާޅުވީ، އެކަށީގެންވާ މުއްދަތެއް ލިބިގެން ނޫނީ އެކަށީގެންވާ އިންވެސްޓްމަންޓްތައް ނުގެނެވޭނެ ކަމަށެވެ. އެހެންކަމުން ކަންބޮޑުވާންޖެހެނީ 99 އަހަރަށް ބިން ކުއްޔަށް ދީގެން ނޫން ކަމަށާއި، ކަންބޮޑުވާންޖެހޭނީ ކިތަންމެ ކުރު މުއްދަތަކަށް ދިން ކަމުގައި ވިޔަސް އެ އިންވެސްޓްމަންޓެއް ދިވެހި ދައުލަތުގެ ދުސްތޫރީ އަދި ޤާނޫނީ އޮނިގަނޑުގެ ދަށުގައި ނެތްނަމަ ކަމަށެވެ.
ބިމާއި އިންވެސްޓްމަންޓް ރާއްޖޭގެ ސިޔާދަތީ އަދި ޤާނޫނީ ބާރުވެރިކަމުގެ ދަށުން ނުނެއްޓޭނަމަ ކުއްޔަށް ދިނުމުގެ އެއްވެސް މައްސަލައެއް ނެތް ކަމަށާއި، ކުއްޔަށް ދިނުމާއި މިލްކުވުމުން ލިބޭ ޤާނޫނީ ބާރުވެރިކަމުގައި ވަރަށް ބޮޑެތި ތަފާތުތަކެއް ހުންނާނެ ކަމަށް އޭނާ ބަޔާންކުރެއްވިއެވެ.
"ސިޔާސީ ވިސްނުމުގައި ސަރުކާރު ބަލިކުރަން އިންވެސްޓްމަންޓްތައް ބޭރުކުރީމާ ގެއްލުންވަނީ ވެރިމީހާއަކަށްނޫން. ގެއްލުންވަނީ ހުރިހާ ދިވެހިންނަށް." އާޒިމާ ވިދާޅުވެފައިވެއެވެ.
މީގެއިތުރުން، ދުނިޔޭގެ މާލީ ބާޒާރުގައި ހުރި މަދު ފައިސާ ޤައުމުތަކަށް ހޯދަން އެތައް ފުރުޞަތުތަކެއް ފަހިކޮށްދެމުންދާއިރު، ރާއްޖެއަށް އިންވެސްޓްކުރަން ބަޔަކު އައުމަކީ އީޖާބީ ނަޒަރަކުން ދެކެންޖެހޭ ކަމެއް ކަމަށް އާޒިމާ ވިދާޅުވިއެވެ. އަދި ސިޔާސީ ވިސްނުމުގައި ރާއްޖެއިން ފަހާލެވުނު ބޮޑެތި އިންވެސްޓްމަންޓްތަކާއި އެ ފައިސާ ދުނިޔޭގެ އެހެން ޤައުމުތަކުގައި އިންވެސްޓްކުރި ގޮތް ތާރީޚުން ފެންނަން އެބައޮތް ކަމަށް ވިދާޅުވިއެވެ.
ޖީއެމްއާރް އެއްބަސްވުމާ ގުޅޭގޮތުން ވާހަކަ ދައްކަވާ ފަރާތްތަކަށް ރައްދު ދެއްވަމުން އާޒިމާ ވިދާޅުވީ، ޖީއެމްއާރް އެއްބަސްވުމަކީ ރާއްޖޭގެ މާލީ، ޤައުމީ ސަލާމަތާއި ފަތުރުވެރިކަމުގެ ސިނާޢަތަށް ސީދާ ގޮންޖެހުންތަކެއް ހުރުމުން، އަދި އެކަންކަން އިޞްލާޙުކުރަން ކުރި މަސައްކަތް ކާމިޔާބު ނުވުމުން ބާޠިލުކުރަން ޖެހުނު އެއްބަސްވުމެއް ކަމަށެވެ. މިއަދު ފެންނަ އެއާޕޯޓާއި އޭގެ ފައިދާ ދިވެހިންނަށް ލިބުނީ އެ އެއްބަސްވުން ބާޠިލުކުރުމުން ކަމަށާއި، އެ އެއްބަސްވުން އޮތްނަމަ ވާނެ ގެއްލުން އެކި ޕްލެޓްފޯމްތަކުގައި ހާމަކޮށްފައިވާނެ ކަމަށް އާޒިމާ ވިދާޅުވިއެވެ.
އެހެންކަމުން ދިވެހިންގެ މަސައްކަތުން ތަރައްޤީކޮށްފައިވާ ކުންފުނިތަކުގެ ޙިއްޞާ ވިއްކައި، އިޤްތިޞާދާއި މުހިންމު އިންފްރާސްޓްރަކްޗަރގެ ކޮންޓްރޯލް ބޭރުގެ ފަރާތްތަކަށް ދިނުމާއި، ކަނޑުމެދުން އެއްވެސް ވަޞީލަތެއްނެތް ފަސްގަނޑެއް ހިއްކައިގެން އެތަން އާބާދުކޮށް ތަރައްޤީކުރަން އިންވެސްޓަރުންނަށް ފުރުޞަތު ދިނުމަކީ މުޅިން ތަފާތު ދެ ކަމެއް ކަމަށް އާޒިމާ މިއަދު ވިދާޅުވެފައިވެއެވެ.
އާޒިމާ މިހެން ވިދާޅުވެފައިވާއިރު، ރަސްމާލެ މަޝްރޫއު ކުރިއަށް ގެންދިއުމުގެ ކުރިން އެ މަޝްރޫއާ ގުޅުންހުރި ބައެއް ގާނޫނުތައް ރައްޔިތުންގެ މަޖިލީހުން ފާސްކުރަންޖެހޭ ކަމަށާއި، މި މަޝްރޫއު ކުރިއަށްދާނީ ގާނޫނުއަސާސީއާއި ގާނޫނުތަކާ އެއްގޮތްވާ ގޮތުގެ މަތިން ކަމަށް ބަންޑާރަނައިބު އަހުމަދު އުޝާމް މިއަދު ވަނީ ވިދާޅުވެފައެވެ.
ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ.
ރާއްޖޭގެ ތަރައްޤީއަށް މިއަދު އޮތް އެންމެ ބޮޑު އެއް ގޮންޖެހުމަކީ ދިވެހި އާބާދީ މުސްކުޅިވުމާ ދިމާލަށް މިސްރާބުޖެހުން ކަމަށް އާޒިމާ ވިދާޅުވިއެވެ. މީގެއިތުރުން ކަރުދާހުގައި ކުރެހިފައިވާ އުންމީދުތައް ޙަޤީޤަތަކަށް ހެދުމަށް ބޭނުންވާ ތަމްރީނުވެފައިވާ އިންސާނީ ވަޞީލަތްތަކާއި އެކަށީގެންވާ އިންވެސްޓްމަންޓްތައް ގެނައުމަށް ބޭނުންވާ ކަންކަން ފުރިހަމަކުރަންޖެހޭ ކަމަށްވެސް ވިދާޅުވިއެވެ.
ރާއްޖޭގެ ބިންތައް ބޭރުގެ ފަރާތްތަކަށް ދިގު މުއްދަތަކަށް ދިނުމާ ގުޅޭގޮތުން އާޒިމާ ވިދާޅުވީ، އެކަށީގެންވާ މުއްދަތެއް ލިބިގެން ނޫނީ އެކަށީގެންވާ އިންވެސްޓްމަންޓްތައް ނުގެނެވޭނެ ކަމަށެވެ. އެހެންކަމުން ކަންބޮޑުވާންޖެހެނީ 99 އަހަރަށް ބިން ކުއްޔަށް ދީގެން ނޫން ކަމަށާއި، ކަންބޮޑުވާންޖެހޭނީ ކިތަންމެ ކުރު މުއްދަތަކަށް ދިން ކަމުގައި ވިޔަސް އެ އިންވެސްޓްމަންޓެއް ދިވެހި ދައުލަތުގެ ދުސްތޫރީ އަދި ޤާނޫނީ އޮނިގަނޑުގެ ދަށުގައި ނެތްނަމަ ކަމަށެވެ.
ބިމާއި އިންވެސްޓްމަންޓް ރާއްޖޭގެ ސިޔާދަތީ އަދި ޤާނޫނީ ބާރުވެރިކަމުގެ ދަށުން ނުނެއްޓޭނަމަ ކުއްޔަށް ދިނުމުގެ އެއްވެސް މައްސަލައެއް ނެތް ކަމަށާއި، ކުއްޔަށް ދިނުމާއި މިލްކުވުމުން ލިބޭ ޤާނޫނީ ބާރުވެރިކަމުގައި ވަރަށް ބޮޑެތި ތަފާތުތަކެއް ހުންނާނެ ކަމަށް އޭނާ ބަޔާންކުރެއްވިއެވެ.
"ސިޔާސީ ވިސްނުމުގައި ސަރުކާރު ބަލިކުރަން އިންވެސްޓްމަންޓްތައް ބޭރުކުރީމާ ގެއްލުންވަނީ ވެރިމީހާއަކަށްނޫން. ގެއްލުންވަނީ ހުރިހާ ދިވެހިންނަށް." އާޒިމާ ވިދާޅުވެފައިވެއެވެ.
މީގެއިތުރުން، ދުނިޔޭގެ މާލީ ބާޒާރުގައި ހުރި މަދު ފައިސާ ޤައުމުތަކަށް ހޯދަން އެތައް ފުރުޞަތުތަކެއް ފަހިކޮށްދެމުންދާއިރު، ރާއްޖެއަށް އިންވެސްޓްކުރަން ބަޔަކު އައުމަކީ އީޖާބީ ނަޒަރަކުން ދެކެންޖެހޭ ކަމެއް ކަމަށް އާޒިމާ ވިދާޅުވިއެވެ. އަދި ސިޔާސީ ވިސްނުމުގައި ރާއްޖެއިން ފަހާލެވުނު ބޮޑެތި އިންވެސްޓްމަންޓްތަކާއި އެ ފައިސާ ދުނިޔޭގެ އެހެން ޤައުމުތަކުގައި އިންވެސްޓްކުރި ގޮތް ތާރީޚުން ފެންނަން އެބައޮތް ކަމަށް ވިދާޅުވިއެވެ.
ޖީއެމްއާރް އެއްބަސްވުމާ ގުޅޭގޮތުން ވާހަކަ ދައްކަވާ ފަރާތްތަކަށް ރައްދު ދެއްވަމުން އާޒިމާ ވިދާޅުވީ، ޖީއެމްއާރް އެއްބަސްވުމަކީ ރާއްޖޭގެ މާލީ، ޤައުމީ ސަލާމަތާއި ފަތުރުވެރިކަމުގެ ސިނާޢަތަށް ސީދާ ގޮންޖެހުންތަކެއް ހުރުމުން، އަދި އެކަންކަން އިޞްލާޙުކުރަން ކުރި މަސައްކަތް ކާމިޔާބު ނުވުމުން ބާޠިލުކުރަން ޖެހުނު އެއްބަސްވުމެއް ކަމަށެވެ. މިއަދު ފެންނަ އެއާޕޯޓާއި އޭގެ ފައިދާ ދިވެހިންނަށް ލިބުނީ އެ އެއްބަސްވުން ބާޠިލުކުރުމުން ކަމަށާއި، އެ އެއްބަސްވުން އޮތްނަމަ ވާނެ ގެއްލުން އެކި ޕްލެޓްފޯމްތަކުގައި ހާމަކޮށްފައިވާނެ ކަމަށް އާޒިމާ ވިދާޅުވިއެވެ.
އެހެންކަމުން ދިވެހިންގެ މަސައްކަތުން ތަރައްޤީކޮށްފައިވާ ކުންފުނިތަކުގެ ޙިއްޞާ ވިއްކައި، އިޤްތިޞާދާއި މުހިންމު އިންފްރާސްޓްރަކްޗަރގެ ކޮންޓްރޯލް ބޭރުގެ ފަރާތްތަކަށް ދިނުމާއި، ކަނޑުމެދުން އެއްވެސް ވަޞީލަތެއްނެތް ފަސްގަނޑެއް ހިއްކައިގެން އެތަން އާބާދުކޮށް ތަރައްޤީކުރަން އިންވެސްޓަރުންނަށް ފުރުޞަތު ދިނުމަކީ މުޅިން ތަފާތު ދެ ކަމެއް ކަމަށް އާޒިމާ މިއަދު ވިދާޅުވެފައިވެއެވެ.
ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ.
ކިޔުންތެރިންގެ ހިޔާލު