މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ޑިރެކްޓަރުންގެ ބޯޑުގައި ތިއްބެވި ދެ މެންބަރަކު އެ މަގާމުން މިއަދު ވަކިކޮށްފިއެވެ.
ސަރުކާރު ހިއްސާވާ ކުންފުނިތަކުގެ ބޯޑު މެންބަރުން އައްޔަންކޮށް ވަކިކުރުމުގެ ބާރު އޮންނަ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ހާމަކުރި ގޮތުގައި އެމްއޭސީއެލްގެ ބޯޑުން ވަކިކޮށްފައިވަނީ އެ ކުންފުނީގެ އެގްޒެކްޓިވް ޑިރެކްޓަރު ހ. ފިނޮޅު، މުޙައްމަދު މިހާދާއި، ނޮން-އެގްޒެކްޓިވް ޑިރެކްޓަރު މ. ވެލާލުގެ، ސަޙަރު ވަޙީދެވެ.
ޕީސީބީން ބުނީ، އެ ދެ ބޭފުޅުން ވެސް ކުންފުނީގެ ބޯޑުން ވަކިކުރީ މިއަދުން ފެށިގެން ކަމަށެވެ. ނަމަވެސް މި ބަދަލު ގެނައި ސީދާ ސަބަބެއް އެ ބޯޑުން ހާމައެއް ނުކުރެއެވެ.
ބޯޑުން ވަކިކުރެވުނު މުޙައްމަދު މިހާދަކީ އެމްއޭސީއެލްގެ ޗީފް ކޮމާޝަލް އޮފިސަރު (ސީސީއޯ) ގެ މަގާމު ވެސް ފުރުއްވަމުން ގެންދަވާ ބޭފުޅެކެވެ. އޭނާ އެ ކުންފުނީގެ ބޯޑަށް އައްޔަންކުރެވުނީ 2025 ވަނަ އަހަރުގެ އެޕްރީލް މަހުގެ 26 ގައެވެ. އިނގިރޭސިވިލާތުގެ ސީމާ ޗާޓަޑް މެނޭޖްމަންޓް އެކައުންޓެންޓެއް ކަމަށްވާ މިހާދަކީ މާލީ އަދި ވިޔަފާރި ހިންގުމުގެ ދާއިރާގައި ގިނަ ދުވަސްތަކެއްގެ ތަޖުރިބާ ލިބިފައިވާ ބޭފުޅެކެވެ. އެގޮތުން، އެސްޓީއޯގެ ސީއެފްއޯގެ މަގާމާއި އެ ކުންފުނީގެ ބޯޑު މެންބަރުކަމުގެ އިތުރުން، މިފްކޯ އަދި އެމްއެސްއެސްގެ ޑިރެކްޓަރުންގެ ބޯޑުގައި ވެސް އޭނާ މީގެކުރިން ޚިދުމަތް ކުރެއްވިއެވެ. މީގެއިތުރުން ފިއުލް ސަޕްލައިސް މޯލްޑިވްސް (އެފްއެސްއެމް) ގެ ޗެއާމަންކަމާއި، އޮޑިޓް ދާއިރާގެ މަޝްހޫރު ފާމެއް ކަމަށްވާ ކޭޕީއެމްޖީ މޯލްޑިވްސްގެ ޕާޓްނަރެއްގެ ގޮތުގައި ވެސް މިހާދު ވަނީ މަސައްކަތް ކުރައްވާފައެވެ.
މީގެއިތުރުން، ބޯޑުން ވަކިކުރެއްވި ސަޙަރު ވަޙީދަކީ 24 ޑިސެމްބަރު 2023 ގައި އެމްއޭސީއެލްގެ ބޯޑަށް އައްޔަންކުރެވުނު ބޭފުޅެކެވެ. މާލީ ދާއިރާގައި 17 އަހަރަށްވުރެ ދިގު މުއްދަތެއްގައި ޚިދުމަތް ކުރައްވާފައިވާ ސަޙަރަކީ ޗާޓަޑް ބޭންކަރެއްގެ އިތުރުން، ރިސްކް މެނޭޖްމަންޓާއި ކޮމްޕްލަޔަންސް އަދި އޮޕަރޭޝަންސްގެ ރޮނގުން ފާހަގަކޮށްލެވޭ ފަންނީ ތަޖުރިބާކާރެކެވެ. އޭނާ ވަނީ އިނގިރޭސިވިލާތުގެ މަޝްހޫރު ލަންޑަން ސްކޫލް އޮފް އިކޮނޮމިކްސް (އެލްއެސްއީ) އިން އިކޮނޮމިކްސްގެ ދާއިރާއިން ފުރަތަމަ ޑިގްރީ އަދި ޔުނިވަސިޓީ އޮފް ވެސްޓް އިންގްލެންޑުން ކޮމާޝަލް ލޯއިން މާސްޓާސް ޑިގްރީ ހާސިލުކުރައްވާފައެވެ.
ސަރުކާރު ކުންފުނިތަކުގެ ހިންގުން ހަރުދަނާކުރުމަށްޓަކައި ޕީސީބީން ދަނީ ދޭތެރެދޭތެރެއިން ކުންފުނިތަކުގެ ބޯޑުތަކަށް އެކި ބަދަލުތައް ގެންނަމުންނެވެ.
ޕީސީބީން ބުނީ، އެ ދެ ބޭފުޅުން ވެސް ކުންފުނީގެ ބޯޑުން ވަކިކުރީ މިއަދުން ފެށިގެން ކަމަށެވެ. ނަމަވެސް މި ބަދަލު ގެނައި ސީދާ ސަބަބެއް އެ ބޯޑުން ހާމައެއް ނުކުރެއެވެ.
ބޯޑުން ވަކިކުރެވުނު މުޙައްމަދު މިހާދަކީ އެމްއޭސީއެލްގެ ޗީފް ކޮމާޝަލް އޮފިސަރު (ސީސީއޯ) ގެ މަގާމު ވެސް ފުރުއްވަމުން ގެންދަވާ ބޭފުޅެކެވެ. އޭނާ އެ ކުންފުނީގެ ބޯޑަށް އައްޔަންކުރެވުނީ 2025 ވަނަ އަހަރުގެ އެޕްރީލް މަހުގެ 26 ގައެވެ. އިނގިރޭސިވިލާތުގެ ސީމާ ޗާޓަޑް މެނޭޖްމަންޓް އެކައުންޓެންޓެއް ކަމަށްވާ މިހާދަކީ މާލީ އަދި ވިޔަފާރި ހިންގުމުގެ ދާއިރާގައި ގިނަ ދުވަސްތަކެއްގެ ތަޖުރިބާ ލިބިފައިވާ ބޭފުޅެކެވެ. އެގޮތުން، އެސްޓީއޯގެ ސީއެފްއޯގެ މަގާމާއި އެ ކުންފުނީގެ ބޯޑު މެންބަރުކަމުގެ އިތުރުން، މިފްކޯ އަދި އެމްއެސްއެސްގެ ޑިރެކްޓަރުންގެ ބޯޑުގައި ވެސް އޭނާ މީގެކުރިން ޚިދުމަތް ކުރެއްވިއެވެ. މީގެއިތުރުން ފިއުލް ސަޕްލައިސް މޯލްޑިވްސް (އެފްއެސްއެމް) ގެ ޗެއާމަންކަމާއި، އޮޑިޓް ދާއިރާގެ މަޝްހޫރު ފާމެއް ކަމަށްވާ ކޭޕީއެމްޖީ މޯލްޑިވްސްގެ ޕާޓްނަރެއްގެ ގޮތުގައި ވެސް މިހާދު ވަނީ މަސައްކަތް ކުރައްވާފައެވެ.
ސަރުކާރު ކުންފުނިތަކުގެ ހިންގުން ހަރުދަނާކުރުމަށްޓަކައި ޕީސީބީން ދަނީ ދޭތެރެދޭތެރެއިން ކުންފުނިތަކުގެ ބޯޑުތަކަށް އެކި ބަދަލުތައް ގެންނަމުންނެވެ.
ކިޔުންތެރިންގެ ހިޔާލު