ކޮވިޑް ޖެހިގެން އަނެއްކާވެސް ރާއްޖެއިން އިތުރު މީހަކު ނިޔާވެއްޖެއެވެ.

ކޮވިޑްގައި މިއަދު ނިޔާވީ އުމުރުން 78 އަހަރުގެ ދިވެހި ފިރިހެނެކެވެ. މިއީ މިހާތަނަށް ކޮވިޑް ޖެހިގެން ރާއްޖެއިން މަރުވި 64 ވަނަ މީހާއެވެ.

އެޗްޕީއޭ އިން ބުނީ އެމީހާ ނިޔާވެފައިވަނީ މިރޭ އިރުއޮއްސި 6:09 ހާއިރު ކަމަށެވެ. އެމީހާ ނިޔާވީ ކޮވިޑް ޖެހިގެން ދަރުމަވަންތަ ހޮސްޕިޓަލުގައި އެޑްމިޓްކޮށް ފަރުވާދެމުން ދަނިކޮށެވެ.



އެޗްޕީއޭގެ އެންމެ ފަހުގެ ތަފާސްހިސާބުން ދައްކާގޮތުގައި ރާއްޖޭގައި މިވަގުތު ކޮވިޑް ޖެހިފައިވާ 2،615 މީހުން އެބަތިއްބެވެ. މީގެތެރޭގައި އިއްޔެ ޕޮޒިޓިވްވި 136 މީހަކު ހިމެނެ އެވެ.