ވުޒާރާތަކަށްވަދެ އިހުތިޖާޖުކުރުމަށް ރައްޔިތުންނަށް މަޖުބޫރުވެއްޖެކަމަށް ވިދާޅުވެ ނައިފަރު ދާއިރާގެ މެންބަރު އަހުމަދު ޝިޔާމް ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.
ޑްރައިވިންގ ލައިސަންސް ދޫކުރުން ހުއްޓާލާފައިވާ މައްސަލައިގައި ޓްރާންސްޕޯޓް މިނިސްޓްރީ ތެރޭގައި މިއަދު ކުރި އިހުތިޖާޖާއި ގުޅިގެން ނައިފަރު ދާއިރާގެ މެންބަރު ޝިޔާމް ކުރެއްވި ޓްވީޓެއްގައި ވިދާޅުވީ ރައްޔިތުންގެ ކެތްތެރިކަން ކޮޅުންލައިފިކަމަށެވެ. އަދި ކޯވިޑްގެ ނަމުގައި ރައްޔިތުންގެ އެތައް ހައްގުތަކެއް ނިގުޅައިގެންފައިވާކަމަށް އޭނާ ވިދާޅުވިއެވެ.
ޝިޔާމް ވިދާޅުވީ ލައިސަންސް ނެތިގެން ޒުވާނުން ޖޫރިމަނާކުރަމުންދާއިރު، ޒުވާނުންނަށް ލައިސަންސް ނެގޭނެ ގޮތެއް ނެތްކަަމަށެވެ. އެހެންކަމުން ވުޒާރާތަކަށް ވަދެ އިހްތިޖާޖް ކުރަން ރައްޔިތުންނަށް މަޖުބޫރުވެއްޖެކަމަށް ޝިޔާމް ވިދާޅުވިއެވެ.
ޓްރާންސްޕޯޓް މިނިސްޓްރީގައި މިއަދު އިހުތިޖާޖު ކުރި ފަރާތްތަކުން ވަނީ ކޯވިޑާއި ގުޅިގެން ކަމަށް ބުނެ ލައިސަންސް ދޫކުރުން ޓްރާންސްޕޯޓް އޮތޯރިޓީން ހުއްޓާލާފައިވާތީ އެކަމާއި ދެކޮޅަށް އަޑު އުފުލާފައެވެ. އަދި މިނިސްޓްރީން ވަނި އެފަރާތްތަކާއި ބައްދަލުކޮށް، ކަންބޮޑުވުންތައް ހައްލުކޮށްދޭނެކަމަށް ވިދާޅުވެފައެވެ.
މިމައްސަލައިގައި "ރަސް އޮންލައިން" އާއި ވާހަކަ ދައްކަމުން އެމިނިސްޓްރީން ވިދާޅުވީ ޑްރައިވިންގ ލައިސަންސް ދޫކުރުން މަޑު ޖައްސައިލީ ކޮވިޑާއި ގުޅިގެން އެޗްޕީއޭއިން އާންމުކޮށްފައިވާ އުސޫލު ތަކާއި ގުޅިގެން ކަމަށެވެ. ނަމަވެސް އެޗްޕީއޭގެ އުސޫލުތަކާއި އެއްގޮތަށް ލައިސަންސް ދިނުމުގެ ކަންކަން ކުރިއަށް ގެންދިއުމުގެ މަސައްކަތް ވަރަށް އަވަހަށް ފަށާނެ ކަމަށް މިނިސްޓްރީ ވިދާޅުވެފައި ވެއެވެ.
ޝިޔާމް ވިދާޅުވީ ލައިސަންސް ނެތިގެން ޒުވާނުން ޖޫރިމަނާކުރަމުންދާއިރު، ޒުވާނުންނަށް ލައިސަންސް ނެގޭނެ ގޮތެއް ނެތްކަަމަށެވެ. އެހެންކަމުން ވުޒާރާތަކަށް ވަދެ އިހްތިޖާޖް ކުރަން ރައްޔިތުންނަށް މަޖުބޫރުވެއްޖެކަމަށް ޝިޔާމް ވިދާޅުވިއެވެ.
Rayyithuge kehtherikan kolhun laifi. Covid ge namugai rayyithunge asaasee ethah haqqeh nigulhaigenfi. Haqquthah hoadhan rayyithun vuzaarathakuge ethereygai ihuthijaaj kuran mivanee majbooruvefai. License netheema zuvaanun kuhverivey. Zuvaanunnah License negeyne gotheh neiy. pic.twitter.com/yYvkGydml7
— Ahmed Shiyam (@Shiyamaldives) March 7, 2021
މިމައްސަލައިގައި "ރަސް އޮންލައިން" އާއި ވާހަކަ ދައްކަމުން އެމިނިސްޓްރީން ވިދާޅުވީ ޑްރައިވިންގ ލައިސަންސް ދޫކުރުން މަޑު ޖައްސައިލީ ކޮވިޑާއި ގުޅިގެން އެޗްޕީއޭއިން އާންމުކޮށްފައިވާ އުސޫލު ތަކާއި ގުޅިގެން ކަމަށެވެ. ނަމަވެސް އެޗްޕީއޭގެ އުސޫލުތަކާއި އެއްގޮތަށް ލައިސަންސް ދިނުމުގެ ކަންކަން ކުރިއަށް ގެންދިއުމުގެ މަސައްކަތް ވަރަށް އަވަހަށް ފަށާނެ ކަމަށް މިނިސްޓްރީ ވިދާޅުވެފައި ވެއެވެ.
ކިޔުންތެރިންގެ ހިޔާލު