ރާއްޖޭގައި ވެކްސިންޖެހި މީހަކު ކުއްލިގޮތަކަށް ނިޔާވެއްޖެއެވެ.
މައުލޫމާތު ލިބިފައިވާ ގޮތުގައި ވެކްސިން ޖެހިފަހުން ނިޔާވެފައިވަނީ އއ. މާޅޮހުގައި ވެކްސިން ޖެހި އުމުރުން 46 އަހަރުގެ ދިވެހި ފިރިހެނެކެވެ.
އޭނާ ވެކްސިންގެ ފުރަތަމަ ޑޯޒް އިއްޔެ ޖަހާފައިވާއިރު، ވެކްސިން ޖެހި ފަހުން އޭނާގެ ބޮލާއި ގައިގައި ރިއްސާތީ އުޅުނުކަމަށް މައުލޫމާތު ލިބެއެވެ. އަދި ހާލު ކުޑަކޮށް ރަނގަޅުވުމުން އޭނާ މިއަދު މަހަށް ދިޔަކަމަށާއި، އޭނާ ނިޔާވީ މަހަށް ގޮސް އުޅެނިކޮށް މިއަދު ހެނދުނު 9:00 ހާއިރުކަމަށް މައުލޫމާތު ލިބެއެވެ.
ވެކްސިންޖެހި މީހަކު މިއަދު ކުއްލިގޮތަކަށް ނިޔާވެފައިވާ ކަމަށް ދާދި ދެންމެ އަކު އެޗްޕީއޭއިން ވެސް ވަނީ ބުނެފައެވެ. އެޗްޕީއޭއިން ބުނީ މަސް ދޯންޏެއްގައި ހުރި އުމުރުން 45 އަހަރުގެ ފިރިހެނަކު ބަލި ހާލު ބޮޑުވެގެން މިއަދު ހެނދުނު މާފުށީ ހެލްތު ސެންޓަރަށް ގެންދެވިފައިވާ ކަމަށެވެ. އަދި އޭނާއަށް ފަރުވާ ދެމުން ދަނިކޮށް މިއަދު ހެނދުނު 9:13 ގައި އޭނާ ނިޔާވެފައި ވާކަމަށް ވެސް އެޗްޕީއޭއިން ބުނެފައި ވެއެވެ. އޭނާއަށް ކޮވިޝީލްޑް ވެކްސިންގެ ފުރަތަަމަ ޑޯޒް ދީފައި ވަނީ މިމަހުގެ 8 ވަނަ ދުވަހު ކަމަށްވެސް އެޗްޕީއޭއިން ބުނެފައި ވެއެވެ. އަދި މި މަރުގެ ހަގީގަތް ހޯދުމަށްޓަކާ ފުރިހަމަ ތަހުގީގެއް ހިންގާނެ ކަމުގެ ޔަގީންކަން ވެސް އެފަރާތުން ވަނީ ދީފައެވެ.
ރާއްޖޭގައި ކޮވިޝީލްޑް ވެކްސިން ޖެހިފަހުން މީގެ ކުރިން ވެސް ދެމީހަކު ވަނީ ނިޔާވެފައެވެ. ނަމަވެސް ވެކްސިން ދިން ފަހުން މަރުވި މިދެމީހުންނަކީ ދާއިމީ ބަލިތަކަކަށް ބޭސްކުރާތާ އަހަރުތަކެއްވެ ބަލި އެނދުގައި ތިބޭތާވެސް އަހަރު ތަކެއް ވެފައިވާ ދުވަސްވީ ދެމަފިރުންނެވެ.
އެޗްޕީއޭއިން ބުނެފައިވަނީ ވެކްސިން ޖަހާ ފަހުން މަރުވުމާއި ސިއްހީ ގޮތުން އެކި ކަހަލަ ހައްސާސް މައްސަލަތައް މެދުވެރިވި ނަމަވެސް އެއީ ވެކްސިނާ ގުޅިގެން ދިމާވާ މައްސަލަތަކެއް ކަމުގައި ނުވެދާނެ ކަމަށެވެ.
އޭނާ ވެކްސިންގެ ފުރަތަމަ ޑޯޒް އިއްޔެ ޖަހާފައިވާއިރު، ވެކްސިން ޖެހި ފަހުން އޭނާގެ ބޮލާއި ގައިގައި ރިއްސާތީ އުޅުނުކަމަށް މައުލޫމާތު ލިބެއެވެ. އަދި ހާލު ކުޑަކޮށް ރަނގަޅުވުމުން އޭނާ މިއަދު މަހަށް ދިޔަކަމަށާއި، އޭނާ ނިޔާވީ މަހަށް ގޮސް އުޅެނިކޮށް މިއަދު ހެނދުނު 9:00 ހާއިރުކަމަށް މައުލޫމާތު ލިބެއެވެ.
ވެކްސިންޖެހި މީހަކު މިއަދު ކުއްލިގޮތަކަށް ނިޔާވެފައިވާ ކަމަށް ދާދި ދެންމެ އަކު އެޗްޕީއޭއިން ވެސް ވަނީ ބުނެފައެވެ. އެޗްޕީއޭއިން ބުނީ މަސް ދޯންޏެއްގައި ހުރި އުމުރުން 45 އަހަރުގެ ފިރިހެނަކު ބަލި ހާލު ބޮޑުވެގެން މިއަދު ހެނދުނު މާފުށީ ހެލްތު ސެންޓަރަށް ގެންދެވިފައިވާ ކަމަށެވެ. އަދި އޭނާއަށް ފަރުވާ ދެމުން ދަނިކޮށް މިއަދު ހެނދުނު 9:13 ގައި އޭނާ ނިޔާވެފައި ވާކަމަށް ވެސް އެޗްޕީއޭއިން ބުނެފައި ވެއެވެ. އޭނާއަށް ކޮވިޝީލްޑް ވެކްސިންގެ ފުރަތަަމަ ޑޯޒް ދީފައި ވަނީ މިމަހުގެ 8 ވަނަ ދުވަހު ކަމަށްވެސް އެޗްޕީއޭއިން ބުނެފައި ވެއެވެ. އަދި މި މަރުގެ ހަގީގަތް ހޯދުމަށްޓަކާ ފުރިހަމަ ތަހުގީގެއް ހިންގާނެ ކަމުގެ ޔަގީންކަން ވެސް އެފަރާތުން ވަނީ ދީފައެވެ.
އެޗްޕީއޭއިން ބުނެފައިވަނީ ވެކްސިން ޖަހާ ފަހުން މަރުވުމާއި ސިއްހީ ގޮތުން އެކި ކަހަލަ ހައްސާސް މައްސަލަތައް މެދުވެރިވި ނަމަވެސް އެއީ ވެކްސިނާ ގުޅިގެން ދިމާވާ މައްސަލަތަކެއް ކަމުގައި ނުވެދާނެ ކަމަށެވެ.
ކިޔުންތެރިންގެ ހިޔާލު