މީޑިއަމް ވޯލްޓޭޖް ޑިސްޓްރިބިއުޝަން ވިއުގަ އަޕްގްރޭޑްކުރުމުގެ މަސައްކަތް މިމަހު ނިމޭނެކަމަށް ސްޓެލްކޯއިން ބުނެފިއެވެ.

ސްޓްލެކޯއިން ބުނީ މާލޭގެ މީޑިއަމް ވޯލްޓޭޖް ޑިސްޓްރިބިއުޝަން ވިއުގަ އަޕްގްރޭޑްކުރުމުގެ މަސައްކަތަކީ މާލޭ ކަރަންޓް ނެޓްވޯކް ފުރިހަމަކުރުމަށް ކުރާ މަސައްކަތެއްކަމަށެވެ. މިމަސައްކަތް މިހާރު ކުރިއަށްދާކަމަށާއި، މިމަހުގެ ނިޔަލަށް މިމަސައްކަތް ނިންމާލެވޭނެކަމަށް ސްޓެލްކޯއިން ބުނެއެވެ.

ސްޓެލްކޯއިން ބުނާގޮތުން މާލޭގެ މީޑިއަމް ވޯލްޓޭޖް ޑިސްޓްރިބިއުޝަން ވިއުގަ އަޕްގްރޭޑް ކުރުމުގެ މަސައްކަތް ނިމުމާއެކު މާލޭގެ ކަރަންޓު ޑިސްޓްރިބިއުޝަން ވިއުގަ އިތުރަށް ފުރިހަމަ ކުރެވިގެންދާނެކަމަށެވެ.

މާލޭގެ މީޑައަމް ވޯލްޓޭޖް ޑިސްޓްރިބިއުޝަން ވިއުގަ އަޕްގްރޭޑް ކުރުމުގެ މަސައްކަތް ކުރިޔަށްދަނީ. މި މަސައްކަތް މިމަހުގެ ނިޔަލަށް ނިންމާލެވި، މާލޭގެ ކަރަންޓު ޑިސްޓްރިބިއުޝަން ވިއުގަ އިތުރަށް ފުރިހަމަ ކުރެވިގެންދާނެ. pic.twitter.com/XN4fpg3o99

— STELCO (@STELCOMALDIVES) March 9, 2021

މުޅި މާލެއަށް ބަލާއިރު 40،000 އަށްވުރެ ގިނަ ގޭބިސީ އެބަހުއްޓެވެ. މި ހުރިހާ ގޭބިސީތަކާއި، އަދި މާލޭގައި ވިޔަފާރި މަސައްކަތްތައް ކުރާ ތަންތަނަށްވެސް ކަރަންޓު ފޯރުކޮށްދެނީ ސްޓޭޓް އިލެކްޓްރިކް ކޮމްޕްނީ ލިމިޓެޑް، ސްޓެލްކޯއިންނެވެ. މުޅި މާލެއަށް ކަރަންޓު ފޯރުކޮށްދިނުމަށް އެ ކުންފުނީގެ ކަރަންޓު ކެޕޭސިޓި ވަނީ 75 މެގަވޮޓްއަށް އިތުރުކޮށްފައެވެ. މި ކެޕޭސިޓީގެ 65 މެގަވޯޓަކީ މިހާރު މާލޭގެ ޑިމާންޑެވެ. ކަރަންޓު ބޭނުންކުރާ މިންވަރު އިތުރުވުމާއި، އަދި މާލޭގެ އިތުރުވަމުން އަންނަ އާބާދީއަށް ބަލާއިރު، މާލޭގެ ފުލް ކެޕޭސިޓީ (75މެގަވޮޓް) އިންވެސް ނުފުދޭނެ ދުވަހެއް އައުމަކީ މިހާރު ގާތްކަމެކެވެ.

ސްޓެލްކޯއިން މިހާރު މަސައްކަތް ކުރަނީ މިކަމަށް ދާއިމީ ޙައްލެއް ހޯދޭނެ ދިމާއަކަށް މިސްރާބު ޖެހުމަށެވެ. އެގޮތުން އެކުންފުނިން ވަނީ މާލެ ހުޅުމާލެ އަދި ހުޅުލޭގެ ކަރަންޓު އެއް ވިއުގައަކުން ގުޅާލުމުގެ މަސައްކަތްވެސް ފަށާފައެވެ.