މަސްތުވާތަކެތީގެ ވިޔަފާރިން ލިބުނު ފައިސާ ބޭނުންކުރި ބަޔަކަށް ފުރަތަމަ ފަހަރަށް މަނީ ލޯންޑްރިންގެ ދައުވާ އުފުލައިފިއެވެ.
ޕްރޮސެކިއުޓަރ ޖެނަރަލް ހުސައިން ޝަމީމް ވިދާޅުވީ މަސްތުވާތަކެތި އަތުލައިގަތް މައްސަލައެއްގައި، ފައިސާ ދައުރުކޮށްފައިވާ ގޮތް ބަލައިގެން، އެކަމުގައި ޝާމިލުވާ ބައެއްގެ މައްޗަށް ރާއްޖޭގައި ފުރަތަމަ ފަހަރަށް މަނީ ލޯންޑްރިންގެ ދަޢުވާ އުފުލާފައިވާކަމަށެވެ. އެގޮތުން މިމަހުގެ 18 ވަނަ ދުވަހު އެމައްސަލަ ކޯޓަށް ހުށަހަޅާފައިވާކަމަށް އޭނާ ވިދާޅުވިއެވެ.
ޝަމީމް ވިދާޅުވީ މަސްތުވާތަކެތީގެ ވިޔަފާރިން ހޯދާ ފައިސާއިން އެހެން ކަންކަމަށް ބޭނުންކުރާނަމަ މަނީ ލޯންޑްރިންގެ ދައުވާ ކުރަން ޤާނޫނުން ބާރު ލިބޭކަމަށާއި، ޕީޖީ އޮފީހުގެ ސިޔާސަތަކީ އެމަގުން ކުރިއަށްދިއުންކަމަށެވެ.
ޕީޖީ ޝަމީމް ވިދާޅުވީ މަސްތުވާތަކެތީގެ ވިޔަފާރިކުރާ މީހުންގެ ނެޓްވޯރކްތައް ރޫޅާލެވިފައިވާކަމަށާއި، ދެންއޮތީ އެކަމުގައި އުޅޭ އަސްލު "ވިޔަފާރިވެރިން" ފަހަތުން ދިއުންކަމަށެވެ.
ޝަމީމްގެ ވާޙަކަފުޅުފައި މަސްތުވާތަކެތީގެ ވިޔަފާރީގައި އަމަލީގޮތުން ބައިވެރިނުވިޔަސް، އެކަމުގައި ޝާމިލްވެގެން މަންފާ ހޯދާ ހޯދުމަށް ނިމުމެއް ގެންނާނެކަމަށާއި އެފަދަ މައްސަލަތައް ތަހުޤީޤުކޮށް ދައުވާ ކުރެވެން އޮތް މީހުންނަށް ދައުވާ ކުރާނެކަމަށެވެ.
“މިހާރު ހީވެފައި އޮންނަނީ، މަސްތުވާތަކެތީގައި 'އަތްނުލާ' އުޅޭ މީހުންނަށް ސަލާމަތް ވެވޭނެޔޭ. އެމަގު މިއުޅެނީ ބަންދު ކުރަން. އަތް ނުލިޔަސް، ފައިސާ ބޭނުންކުރަންޏާ، އެމައްސަލަ ތަހުޤީޤުކޮށް ދައުވާ ކުރެވެން އޮތް މީހުންނަށް ދައުވާ ކުރަން” ޝަމީމް ވިދާޅުވިއެވެ.
ޝަމީމް ވިދާޅުވީ ކޮންމެ ސަރުކާރެއްގައިވެސް، ޙައްލުކުރުމަށް އެންމެ ބޮޑަށް މަސައްކަތްކުރާ އެއް ކަމަކީވެސް މަސްތުވާތަކެތީގެ މައްސަލަކަމަށެވެ. އަދި އެމައްސަލައާ ނުގުޅޭ އިތުރު އެއްވެސް މައްސަލައެއް، ޖިނާއީ ޢަދުލުގެ ނިޒާމަކު ނެތްކަމަށެވެ. ކޯޓުތަކުގައި ހުރި މައްސަލަތައް ލަސްވަނީވެސް، މަސްތުވާތަކެތީގެ މައްސަލަތަކުގައި ހިމެނޭ މީހުން، އެކަމުގެ "ތާސީރުގައި ޖެހިގެން" ކުރާ ކުދި ކުދި ވައްކަމާއި ފޭރުންތަކުގެ މައްސަލަ ގިނަވެގެންކަމަށް ޝަމީމް ވިދާޅުވިއެވެ. އެގޮތުން ޖަލުގައި ގިނައިން ތިބީ "ޓަރމިނޭޝަން" ޙުކުމުގެ މީހުންކަމަށާއި ނޭޝަނަލް ޑްރަގް އޭޖެންސީން ހިންގާ ފަރުވާގެ ޕްރޮގްރާމް ދާދި މިދާކަށް ދުވަހާ ހަމައަށް އެކަށީގެންވާ ގޮތަކު ނުހިނގާކަމަށްވެސް ޝަމީމް ވިދާޅުވިއެވެ. އަދި މިހާރު، އެ ޕްރޮގްރާމް ހިންގުމަށް ވަރަށް ބޮޑެތި މަސައްކަތްތަކެއް އެބަ ކުރާކަމަށާއި ނަތީޖާވެސް، އިރާދަ ކުރެއްވިއްޔާ މާ ގިނަ ދުވަހެއް ނުވެ ފެންނާނެކަމަށް ޝަމީމް ވިދާޅުވިއެވެ.
ޝަމީމް ވިދާޅުވީ މަސްތުވާތަކެތީގެ ވިޔަފާރިން ހޯދާ ފައިސާއިން އެހެން ކަންކަމަށް ބޭނުންކުރާނަމަ މަނީ ލޯންޑްރިންގެ ދައުވާ ކުރަން ޤާނޫނުން ބާރު ލިބޭކަމަށާއި، ޕީޖީ އޮފީހުގެ ސިޔާސަތަކީ އެމަގުން ކުރިއަށްދިއުންކަމަށެވެ.
ޕީޖީ ޝަމީމް ވިދާޅުވީ މަސްތުވާތަކެތީގެ ވިޔަފާރިކުރާ މީހުންގެ ނެޓްވޯރކްތައް ރޫޅާލެވިފައިވާކަމަށާއި، ދެންއޮތީ އެކަމުގައި އުޅޭ އަސްލު "ވިޔަފާރިވެރިން" ފަހަތުން ދިއުންކަމަށެވެ.
ޝަމީމްގެ ވާޙަކަފުޅުފައި މަސްތުވާތަކެތީގެ ވިޔަފާރީގައި އަމަލީގޮތުން ބައިވެރިނުވިޔަސް، އެކަމުގައި ޝާމިލްވެގެން މަންފާ ހޯދާ ހޯދުމަށް ނިމުމެއް ގެންނާނެކަމަށާއި އެފަދަ މައްސަލަތައް ތަހުޤީޤުކޮށް ދައުވާ ކުރެވެން އޮތް މީހުންނަށް ދައުވާ ކުރާނެކަމަށެވެ.
ޝަމީމް ވިދާޅުވީ ކޮންމެ ސަރުކާރެއްގައިވެސް، ޙައްލުކުރުމަށް އެންމެ ބޮޑަށް މަސައްކަތްކުރާ އެއް ކަމަކީވެސް މަސްތުވާތަކެތީގެ މައްސަލަކަމަށެވެ. އަދި އެމައްސަލައާ ނުގުޅޭ އިތުރު އެއްވެސް މައްސަލައެއް، ޖިނާއީ ޢަދުލުގެ ނިޒާމަކު ނެތްކަމަށެވެ. ކޯޓުތަކުގައި ހުރި މައްސަލަތައް ލަސްވަނީވެސް، މަސްތުވާތަކެތީގެ މައްސަލަތަކުގައި ހިމެނޭ މީހުން، އެކަމުގެ "ތާސީރުގައި ޖެހިގެން" ކުރާ ކުދި ކުދި ވައްކަމާއި ފޭރުންތަކުގެ މައްސަލަ ގިނަވެގެންކަމަށް ޝަމީމް ވިދާޅުވިއެވެ. އެގޮތުން ޖަލުގައި ގިނައިން ތިބީ "ޓަރމިނޭޝަން" ޙުކުމުގެ މީހުންކަމަށާއި ނޭޝަނަލް ޑްރަގް އޭޖެންސީން ހިންގާ ފަރުވާގެ ޕްރޮގްރާމް ދާދި މިދާކަށް ދުވަހާ ހަމައަށް އެކަށީގެންވާ ގޮތަކު ނުހިނގާކަމަށްވެސް ޝަމީމް ވިދާޅުވިއެވެ. އަދި މިހާރު، އެ ޕްރޮގްރާމް ހިންގުމަށް ވަރަށް ބޮޑެތި މަސައްކަތްތަކެއް އެބަ ކުރާކަމަށާއި ނަތީޖާވެސް، އިރާދަ ކުރެއްވިއްޔާ މާ ގިނަ ދުވަހެއް ނުވެ ފެންނާނެކަމަށް ޝަމީމް ވިދާޅުވިއެވެ.
ކިޔުންތެރިންގެ ހިޔާލު