ގއ. ކޮނޑޭ މެޖިސްޓްރޭޓް ކޯޓުގެ އިސް މެޖިސްޓްރޭޓް މުހައްމަދު އިބްރާހިމް ގެ ސުލޫކީ މައްސަލައެއް ޖުޑިޝަލް ސާވިސް ކޮމިޝަނުން ބަލަން ފަށައިފިއެވެ.
ޖޭއެސްސީން މިއަދު ނެރެފައިވާ ބަޔާނެއްގައި ވަނީ ކޮނޑޭ މެޖިސްޓްރޭޓް ކޯޓުގެ އިސް މެޖިސްޓްރޭޓް މުހައްމަދު އިބްރާހިމާއި ހަވާލު ކޮށްފައިވާ ކޯޓުތަކަށް ދަތުރު ކުރުމުގައި ކަނޑައެޅިފައިވާ އުސޫލުތަކާ ހިލާފަށް ޢަމަލުކުރާ ކަމަށާއި، ކޯޓަށް ހުށަހެޅޭ މައްސަލަތައް ނިންމުމުގައި، އިސް މެޖިސްޓްރޭޓް މުހައްމަދު އިބްރާހީމް އަދާކުރަން ޖެހޭ ޒިންމާއަށް އިހުމާލު ވެފައިވާ ކަމަށެވެ. އަދި ކޯޓުގެ މުވައްޒަފުންނާއި ކޯޓަށް ހުށަހެޅޭ މަައްސަލަތަކުގެ ވާހަކަ އިސް މެޖިސްޓްރޭޓް މުހައްމަދު އިބްރާހިމް ކޯޓުން ބޭރުގައި ދައްކާ ކަމަށް އެ ކޮމިޝަނަށް ހުށަހަޅާފައިވާ ކަމަށެވެ.
އެހެންކަމުން އެ މައްސަލަ ތަހުގީގު ކުރުމަށް އެ ކޮމިޝަންގެ "މައްސަލަ ބެލުމާމެދު ގޮތެއް ނިންމާ ކޮމިޓީ" އިން ނިންމާފައިވާ ކަމަށާއި، މިއަދު ބޭއްވި އެ ކޮމިޝަންގެ ބައްދަލުވުމުގައި، އެ މައްސަލަ ތަހުގީގު ކުރުމަށް ކޮމިޓީއެއް އެކުލަވާލާފައިވާ ކަމަށް ޖޭއެސްސީން މިއަދު ވަނީ ބުނެފައެވެ.
News Briefing_21 Mar 2021: GA. Kondey Issmagistrate Mohamed Ibrahim ge sulookee massala eh thahugeegu kuran nimmun pic.twitter.com/L0da8vcoCN
— JSC Maldives (@MaldivesJSC) March 21, 2021
އެހެންކަމުން އެ މައްސަލަ ތަހުގީގު ކުރުމަށް އެ ކޮމިޝަންގެ "މައްސަލަ ބެލުމާމެދު ގޮތެއް ނިންމާ ކޮމިޓީ" އިން ނިންމާފައިވާ ކަމަށާއި، މިއަދު ބޭއްވި އެ ކޮމިޝަންގެ ބައްދަލުވުމުގައި، އެ މައްސަލަ ތަހުގީގު ކުރުމަށް ކޮމިޓީއެއް އެކުލަވާލާފައިވާ ކަމަށް ޖޭއެސްސީން މިއަދު ވަނީ ބުނެފައެވެ.
ކިޔުންތެރިންގެ ހިޔާލު