ޒަމާނީ ފުލުހުންގެ މުއައްސާއެއްގެ އިސްސަފަށް އަންހެނުން މުހިންމުކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.

ރައީސް ސޯލިހް މިހެން ވިދާޅުވީ، ރާއްޖޭގައި އަލަށް ސުޕުރިޑެންޓެންޓު އޮފް ޕޮލިސްގެ މަގާމަށް ތިން އަންހެން ފުލުހުން އިއްޔަ އައްޔަނުކުރުމާއި ގުޅިގެން ކުރެއްވި ޓުވީޓެއްގައެވެ.

މި މަގާމަށް އައްޔަނުކޮށްފައިވަނީ،  ފާތުމަތު ނަޝްވާ، އިޒްމިއާ ޒާހިރު އަދި މަރިޔަމް އަޒުމާއެވެ. މި ތިން ބޭފުޅުންނަށް ވެސް ރައީސް ސާލިހު ވަނީ މަރުހަބާ ވިދާޅުވެފައެވެ.

Congratulations to @IzmiaZahir Mariyam Azma and Fathmath Nashwa for being the first female officers in the history of @PoliceMv to attain the rank of Superintendent of Police. Female officers in leadership positions are crucial for modern community-oriented policing. pic.twitter.com/HLIrMI4dPS

— Ibrahim Mohamed Solih (@ibusolih) April 5, 2021

ފުލުހުންގެ އައު ގާނޫނުގެ ދަށުން ދެ ބޭފުޅަކު ފުލުހުންގެ ބޯޑަށް އައްޔަން ކުރަން މަޖިލީހުން ރުހުން ދީފައިވާއިރު، ފުލުހުންގެ މުއައްސްސަސާއަކީ ރައްޔިތުންނާއި ގުޅިގެން މަސައްކަތްކުރާ އިތުބާރު ހުރި މުއައްސަސާއަކަށް ހެދުމުގެ މަސައްކަތް ސަރުކާރުން ވަނީ ފަށާފައެވެ. އެގޮތުން ގިނަ އަތޮޅުތަކެއްގައި ކޮމިއުނިޓީ ފުލުހުން ގެ ހިދުމަތް ވަނީ ތައާރަފްކޮށްފައެވެ.

ސްޕްރިންޓެންޑެންޓް އޮފް ޕޮލިސްގެ މަގާމު ލިބިވަޑައިގެންނެވި ބޭފުޅުންގެ ތެރެއިން ފާތިމަތު ނަޝްވާ ހުންނެވީ އަޕަރ ނޯތު ޕޮލިސް ޑިވިޝަން ގެ ކޮމާންޑަރުގެ މަޤާމުގައެވެ. ފުލުހުންގެ ޚިދުމަތުގައި އޭނާ ވަނީ 25 އަހަރު ހޭދަކުރައްވާފައެވެ.

ސްޕްރިންޓެންޑެންޓް އޮފް ޕޮލިސް މަގާމަށް ހަމަޖެއްސި އިޒްމިއާ ޒާހިރު ހުންނެވީ ހެޑް އޮފް އޯގަނައިޒޭޝަނަލް ރީފޯރމް ޑިޕާރޓްމަންޓްގެ މަގާމުގައެވެ. ފުލުހުންގެ ހިދުމަތުގައި އޭނާ 16 އަހަރު ހޭދަކުރައްވާފައިވެއެވެ. ސްޕްރިންޓެންޑެންޓް އޮފް ޕޮލިސްގެ މަގާމު ލިބިވަޑައިގެންނެވި ފާތިމަތު ނަޝްވާ ހުންނެވީ އަޕަރ ނޯތު ޕޮލިސް ޑިވިޝަން ގެ ކޮމާންޑަރުގެ މަޤާމުގައެވެ. އޭނާއަކީ ފުލުހުންގެ ހިދުމަތުގައި އެންމެ ދިގު މުއްދަތަކަށް ހިދުމަތްކުރައްވާފައިވާ އެއް އަންހެން އޮފިސަރެވެ. އެގޮތުން 25 އަހަރަށްވުރެ ދިގުމުއްދަތަކަށް އޭނާ ވަނީ ޚިދުމަތް ކުރައްވާފައެވެ.