ކޮވިޑުން ރައްކާތެރިވުމަށް ޖަހާ ވެކްސިނުގެ ދެޑޯޒު ޖަހައިގެން ކަރަންޓީނުނުވެ ރަށްރަށަށް ދަތުރު ކުރެވޭގެ މަގު ވަރަށް އަވަހަށް ފަހި ކޮށްދޭނެ ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިޙް ވިދާޅުވެއްޖެއެވެ.

ރާއްޖޭގައި ކޮވިޑް-19 ފެތުރެން ފެށުމާއި ގުޅިގެން މާލެ ސަރަހައްދު ލޮކްޑައުން ކުރި ދުވަހުގެ ހަނދާންތައް އައު ކުރަށްވައި ކުރެއްވި ޓްވީޓެއްގައި ރައީސް ވަނީ ހުސްވި އަހަރުގެ މިދުވަހަކީ ރާއްޖެއިން ކޯވިޑްގެ ބަލީމީހަކު ފެނިގެން މާލެ ސަރައްހަދު ލޮކްޑައުން ކުރަން ޖެހުނު ދުވަސްކަން ފާހަގަ ކުރަށްވާފައެވެ. މީގެއިތުރުން ރައީސް ވަނީ ކޮވިޑުން ރައްކާތެރިވުމަށް ވެކްސިނުގެ ދެޑޯޒު ޖަހައި ދެހަފްތާ ފުރިހަމަކޮށް ކަރަންޓީނުނުވެ ދަތުރު ކުރެވޭނެމަގު ވަރަށް އަވަހަށް ފަހިކޮށްދޭނެކަން އުފަލާއެކު އިޢުލާން ކުރަށްވާފައެވެ.

A year ago today, Malé city went into lockdown following its first positive Covid19 case.

As we wait for life to return to normal, I’m happy to announce that those who’ve had 2 weeks pass since their 2nd vaccine dose can soon travel freely to the atolls.

📷@LiquefyMaldives pic.twitter.com/NADQxga27U

— Ibrahim Mohamed Solih (@ibusolih) April 15, 2021

ވެލްސިންގެ ދެ ޑޯޒް ފުރިހަމަ ކުރުމަށް ފަހު ދެހަފުތާފަހުން ކޮރަންޓީން ނުވެ ރަށްރަށަށް ދެވޭގޮތަށް ހަމަޖައްސައި އެކަން ވަރަށް އަވަހަށް އިޢުލާން ކުރަށްވާނެ ކަމަށް ރައީސް ޞާލިޙް ވިދާޅުވެފައި ވާއިރު އެޗްއީއޯސީން މިއަދު ވަނީ ކޯވިޑް ވެކްސިން ޖެހުމުން ލިބޭ ލުއިތައް ކަނޑައަޅައި ވަރަށް އަވަހަށް އިޢުލާން ކުރާނެ ކަމަށް ބުނެފައެވެ.