ޖަލުތަކުގައި ބަންދުކޮށްފައިވާ 20 ގައިދީއަކު ކޯވިޑް-19 އަށް ޕޮޒިޓިވް ވެފައިވާ ކަމަށް ކަރެކްޝަނަލް ސާވިސް އިން ބުނެފި އެވެ.

ކަރެކްޝަނުން ބުނީ، ޖަލުތަކުން 20 ގައިދީން ޕޮޒިޓިވް ވުމުގެ އިތުރުން، މުވައްޒަފުންނާއި އޮފިސަރުންގެ ތެރެއިން 33 މީހަކު ޕޮޒިޓިވް ވެފައިވާ ކަމަށެވެ. އެހެންކަމުން ޖަލުތަކުން ޕޮޒިޓިވްވީ މީހުންގެ ޖުމްލަ ވަނީ 53 އަށް އަރާފައެވެ. އަދި 127 މީހުން ކަރަންޓީނުކޮށްފައިވާކަމަށް ކަރެކްޝަނުން ވަނީ ބުނެފައެވެ.

ކަރެކްޝަންގެ ތަފާސްހިސާބު ދައްކާގޮތުން، ހުޅުމާލެ ޖަލުގެ އޮފިސަރުންނާއި މުވައްޒަފުންގެ ތެރެއިން، އެކަކު ޕޮޒިޓިވްވެ ދެ މީހަކު ކަރަންޓީނުގައި ވާއިރު، ގައިދީނުްގެ ތެރެއިން އެއްވެސް މީހަކު ޕޮޒިޓިވް ވެފައެއް ނުވެއެވެ. އަދި މާލޭ ޖަލުގެ އޮފިސަރުންނާއި މުވައްޒަފުންގެ ތެރެއިން، ތިން މީހަކު ޕޮޒިޓީވްވެފައިވާއިރު 21 މީހުން ވަނީ ކަރަންޓީނު ކޮށްފަ އެވެ. އަދި އެޖަލުން 20 ގައިދީން ޕޮޒިޓިވް ވުމާއެކު އެމީހުން ވަނީ ކަރަންޓީނު ކޮށްފައެވެ.

ކޯވިޑް-19 އަދާހަމަ #COVID19 pic.twitter.com/uy4hD36ObS

— Maldives Correctional Service (@CorrectionsMv) April 28, 2021

މާފުށީ ޖަލުގެ އޮފިސަރުންނާއި މުވައްޒަފުންގެ ތެރެއިން 17 މީހަކު ޕޮޒިޓިވްވެފައި ވާއިރު 82 މީހުން ވަނީ ކަރަންޓީނު ކޮށްފައެވެ. އަދި ގައިދީންގެ ތެރެއިން އެއްވެސް މީހަކު ޕޮޒިޓިވް ވެފައެއް ނުވެއެވެ. މީގެ އިތުރުން އައްސޭރި ޖަލުގެ އޮފިސަރުންނާއި މުވައްޒަފުންގެ ތެރެއިން 12 މީހުން ޕޮޒިޓިވް ވެފައިވާއިރު ގައިދީންގެ ތެރެއިން އެއްވެސް މީހެއް ޕޮޒިޓިވް ވެފައި ނުވާކަމަށް ކަރެންޝަނުން ބުނެ އެވެ.

ކަރެކްޝަނުން ބުނީ ހުރިހާ ޖަލަކުން 33 މުވައްޒަފުން ޕޮޒިޓިވްވެފައިވާ އިރު 105 މުވައްޒަފުން ކަރަންޓީނުގައި ތިބިކަމަށާއި 20 ގައިދީއަކު ޕޮޒިޓިވްވެ 22 ގައިދީން ކަރަންޓީނުގައި ތިބި ކަމަށެވެ.