ނޭޕާލުގައި ކިޔަވަންތިބި ދިވެހި ދަރިވަރުންތަކެއް ކޮވިޑަށް ޕޮޒިޓިވް ވެފައިވާކަމަށް ޑރ. މުހައްމަދު އަލީ ވިދާޅުވެއްޖެއެވެ.

ޑރ. މުހައްމަދު އަލީ މިއަދު ކުރެއްވި ޓްވީޓެއްގައި ނޭޕާލުގައި ތިބި ދިވެހި ދަރިވަރުންތަކެއް ކޮވިޑަށް ޕޮޒިޓިވް ވެފައިވާކަމަށާއި، އެހެންކަމުން އެކަކު އަނެކަކުގެ ޙާލުބަލައި އެންމެން ގުޅިގެން އުޅުމަށް އެދިވަޑައިގެންފައި ވެއެވެ. މީގެއިތުރުން ސަރުކާރުގެ ކަމާބެހޭ ފަރާތްތަކަށް ވެސް ރިޕޯޓް ކުރަމުން ގެންދިއުމަށް ޑޮކްޓަރ އެދިވަޑައިގެންފައި ވެއެވެ.

ދިވެހި ދަރިވަރުން ތައުލީމު ހާސިލުކުރުމަށް ދާ އަވަށްޓެރި ގައުމުތަކުގައި ވަރަށް ބާރަށް ބަލި ފެތުރެމުން ދާއިރު އެ ދަރިވަރުން ތިބީ ނުރައްކަލުގައި ކަމަށް ޑރ. ވިދާޅުވިއެވެ.

Some Maldivian students in Nepal are also positive for COVID19. Please be safe, & keep in touch with each other.

When neighboring counties, where most Maldivians go for studies are hit hard, our students are also in danger.

So please communicate with each other and govt.

— Dr. Mohamed Ali (@Moxamedalu) May 5, 2021

ރާއްޖޭގައިވެސް ކޯވިޑް-19 މިހާރު ދަނީ ވަރަށް ބާރަށް ފެތުރެމުންނެވެ. އެގޮތުން މިއަދުވެސް 700 އަށްވުރެ ގިނަ މީހުން ވަނީ ބައްޔަށް ޕޮޒިޓިވްވެފައެވެ.