ރައްޖެއަށް މިހާރު ކުރަމުންދާ ވިއްސާރައިގައި ޝެވެލް ބްލޮންކް ރަންދެލި ރިސޯޓުގެ ފާލަމެއް މޫދަށް ގަނބައިގެންފިއެވެ.

ސޯޝަލް މީޑިއާގައި މިހާރު ދައުރުވަމުންދާ ފޮޓޯތަކުން ފެންނަ ގޮތުގައި ވިއްސާރައިގައި ގެއްލުން ލިބިފައި ވަނީ ނ. އަތޮޅުގައި ހިންގާ ޝެވެލް ބްލޮންކް ރަންދެލި ރިސޯޓަށެވެ. އެ ރިސޯޓުގައި އަޅާފައިވާ ފާލަމެއް ވަނީ ވިއްސާރައިގައި މޫދަށް ގަންބައިގެންފައެވެ.

ވިއްސާރައިގައި އުތުރުގެ ރަށްރަށަށް އުދަ އަރަމުންދާ ކަމަށް ނޭޝަނަލް ޑިޒާސްޓަރ މެނޭޖްމަން އޮތޯރިޓީން ވަނީ ހާމަކޮށްފައެވެ. ރާއްޖެއަށް މިހާރު ކުރަމުންދާ ވިއްސާރައަކީ ޢަރަބި ކަނޑުގައި އުފެދިފައިވާ ތޫފާނެއްގެ ސަބަބުން ކުރާ ވިއްސާރަ ކަމަށް މެޓް އޮފީހުން ވަނީ ބުނެފައެވެ.