ށ. ކޮވިޑް ފެސިލިޓީގައި ފަރުވާ ދެމުންދިޔަ މީހަކު ނިޔާވެ ރާއްޖެއިން ކޮވިޑްގައި ނިޔާވި މީހުންގެ ޢަދަދު 214 އަށް އަރައިފިއެވެ.

މިއީ ރާއްޖެއިން ކޯވިޑްގައި މީހަކު މަރުނުވާތާ 10 ދުވަހަށް ރާއްޖެއިން ނިޔާވި ފުރަތަމަ މީހާއެވެ.

އެޗްޕީއޭއިން ބުނީ އުމުރުން 59 އަހަރުގެ އެ އަންހެން މީހާ މަރުވެފައި ވަނީ ރޭ މެންދަމުން އަލިވެ 3:05 ގައި ށ. ކޮވިޑް ފެސިލިޓީގައި ފަރުވާ ދެމުން އަންނަނިކޮށް ކަމަށެވެ.

މި މީހާގެ މަރާއެކު ރާއްޖެއިން ކޮވިޑް ޖެހިގެން މަރުވި މީހުންގެ އަދަދު ވަނީ 214 އަށް އަރާފަ އެވެ. ރާއްޖެއިން ކޯވިޑް ޖެހިގެން ނިޔާވި މީހުންގެ ތެރޭގައި ހިމެނެނީ 196 ދިވެހިންނާ 18 ބިދޭސީންނެވެ.

At 03:05 am (011/07/21) a 59-year-old Maldivian female admitted at Sh. Covid Management Facility has passed away

This is the 214th COVID-19 death in the Maldives

Our thoughts and prayers are with the bereaved family. May Allah grant her soul eternal peace in heaven.

— Health Protection Agency (@HPA_MV) July 11, 2021

މިއަހަރުގެ މެއި މަހަކީ ރާއްޖޭގައި ކޯވިޑް ފެތުރެން ފެށިފަހުން އެއްމަހެއްގައި އެންމެ ގިނަ މީހުން ނިޔާވި މަހެވެ. މެއި މަހު ޖުމްލަ 88 މީހުން ވަނީ ނިޔާވެފައެވެ. އަނެއްކޮޅުން މެއި މަހުގެ 24 ވަނަ ދުވަހަކީ ރާއްޖެއިން އެންމެ ގިނަ ބަޔަކު ކޯވިޑްގައި ނިޔާވި ދުވަހެވެ. އެދުވަހު ރާއްޖެއިން ވަނީ 13 މީހަކު ނިޔާވެފައެވެ.

ކޮވިޑުގައި އެންމެ ފުރަތަމަ ރާއްޖެއިން މީހަކު ނިޔާވީ 2020 ވަނަ އަހަރުގެ އޭޕްރީލް މަހުގެ 29 ވަނަ ދުވަހުއެވެ. އެއީ އުމުރުން 83 އަހަރުގެ ދިވެހި އަންހެނެކެވެ.