ވެކްސިން ޖެހުމުގެ ޤައުމީ ޙަރަކާތަށް މީހުން ނެރުމަށް އެމްޑީޕީގެ ހަރުގެތައް އެކްޓިވޭޓްވާން ޖެހޭ ކަމަށް އެމްޑީޕީގެ ކުރީގެ ޗެއަރޕާސަން ރީކޯ މޫސާ މަނިކު ވިދާޅުވެއްޖެއެވެ.
ސަރުކާރުން އިއްޔެ ވަނީ ރާއްޖޭގެ މުޅި އާބާދީއަށް ވެކްސިން ޖެހުމުގެ ޤައުމީ ބޮޑު ކެމްޕެއިނެއް ފަށާފައެވެ. އަދި މި ކެމްޕޭންގެ އަމާޒަކީ މިފެށޭ އޮގަސްޓު މަހުގެ ނިޔަލަށް ވެކްސިން ޖެހޭ އާބާދީގެ 90 އިންސައްތަ މީހުންނަށް ވެކްސިން ޖެހުން ކަމަށް ސަރުކާރުން ވަނީ ހާމަކޮށްފައެވެ. ސަރުކާރުން ބުނެފައިވަނީ، ރާއްޖޭގައި ވެކްސިން ޖެހޭ އާބާދީގެ 27 ޕަސެންޓް މީހުން ވެކްސިންގެ އެއްވެސް ޑޯޒެއް ނުޖަހާ އެބަތިބި ކަމަށެވެ.
އެކަމާ ގުޅިގެން ރީކޯ މޫސަ މިއަދު ވިދާޅުވީ، އެމްޑީޕީ އަކީ ރާއްޖޭގައި އޮތް އެންމެ މެންބަރުންގިނަ ޕާޓީ ކަމަށާއި، މިވަގުތު ވެރިކަމުގެ ބޮޑު ޙިއްސާއަކާއި، މަޖިލީހުގެ ސުޕަރ މެޖޯރިޓީ އެޕާޓީގެ އަތުގައި އެބަ އޮތް ކަމަށެވެ. އެހެންކަމުން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ފަށްޓަވާފައިވާ ވެކްސިންގެ ޤައުމީ ޙަރަކާތް ކުރިއަށް ގެންދިއުމަށް އެހީތެރިވުމުގެ ގޮތުން ޕާޓީގެ ޖަގަހަތައް އެކްޓިވޭޓް ކުރުމަށް މޫސަ ވަނީ ގޮވާލައްވާފައެވެ.
"އިންތިޚާބުތަކުގާ ވޯޓުލާ ދުވަހު ސިޔާސީ ޕާޓީތަކުން ގެންގުޅުއްވާ އުސޫލުން ހަރުގެތަކާ ޖަގަހަތަކުގާ ދާއިރާތަކުގެ މީހުންގެ ލިސްޓު ހިފައިގެންތިބެ ވޯޓުލާން މީހުން ނެރޭގޮތަށް ވެކްސިން ޖަހަންދާން މީހުން ނެރެދެއްވާ. އެއްމެނަށް ވެކްސިން ޖަހާލެވެންދެން ރައްޔިތުންނަށް އެހީތެރިވެދެއްވާ" ރީކޯ މޫސަ ވިދާޅުވެފައިވެއެވެ.
ރީކޯ މޫސަ އެމްޑީޕީގެ ލީޑަރޝިޕަށް މިފަދައިން ގޮވާލައްވާފައިވާއިރު ޕީޕީއެމުން ވަނީ، "މިނިވަންކަމުގެ ދިފާއުގައި ދިވެހިން"ގެ ނަމުގައި ޤައުމީ ކެމްޕެއިނެއް ލޯންޗް ކޮށްފައެވެ. އަދި އެ ކެމްޕެއިންގައި ބައިވެރިވުމަށް އެ ޕާޓީން ވަނީ ހުރިހާ ސިޔާސީ ލީޑަރުންނަށް ގޮވާލާފައެވެ.
ސަރުކާރުން ފަށާފައިވާ ވެކްސިން ޖެހުމުގެ ޤައުމީ ކެމްޕޭނާ ގުޅިގެން ވެކްސިން ޖެހުމަށް އެޕޮއިންޓްމަންޓް ހެއްދުމަށް މިހާރު ވަނީ ހުޅުވާލާފައެވެ. އެގޮތުން އެޗްޕީއޭގެ ޕޯޓަލް މެދުވެރިކޮށް އެޕޮއިންޓުމެންޓު ހެއްދުމުގައި ދަތިތަކެއް ކުރިމަތިވާ ފަރާތްތަކުން 1676 ނަންބަރަށް ގުޅުމުން އެހީތެރިކަން ލިބޭނެ ކަމަށް އެޗްޕީއޭއިން ބުނެފައިވެއެވެ.
މާލޭގައި ސޯޝަލް ސެންޓަރު، އިސްލާމިކް ސެންޓަރު، އާޓް ގެލެރީ، ދަމަނަވެށި، ވިލިމާލެ ޔޫތު ސެންޓަރު އަދި ހުޅުމާލެ ހޮސްޕިޓަލުގައި އެސްޓްރާޒެނެކާ ވެކްސިން ޖަހައިދޭނެއެވެ. ހުޅުމާލެ ހޮސްޕިޓަލުގައި ވެކްސިން ޖަހާނީ ހެނދުނު 9.00 އިން ފެށިގެން ހަވީރު 5.00 އަށެވެ. އަދި އެހެން މަރުކަޒުތަކުގައި ވެކްސިން ޖަހައިދޭނީ ހެނދުނު 9.00 އިން ފެށިގެން ހަވީރު 4.00 އަށެވެ.
ކޮވިޑުން ރައްކާތެރިވުމަށް ރާއްޖޭގައި ކުރިއަށްގެންދާ ވެކްސިން ދިނުމުގެ ކެމްޕޭނުގެ ދަށުން މިހާތަނަށް 321،764 މީހަކު ރާއްޖޭގައި ވެކްސިންގެ ފުރަތަމަ ޑޯޒް ވަނީ ޖަހާފައެވެ. އަދި ވެކްސިންގެ ދެޑޯޒް ފުރިހަމަކޮށްފައިވަނީ 264،913 މީހުންނެވެ.
އެކަމާ ގުޅިގެން ރީކޯ މޫސަ މިއަދު ވިދާޅުވީ، އެމްޑީޕީ އަކީ ރާއްޖޭގައި އޮތް އެންމެ މެންބަރުންގިނަ ޕާޓީ ކަމަށާއި، މިވަގުތު ވެރިކަމުގެ ބޮޑު ޙިއްސާއަކާއި، މަޖިލީހުގެ ސުޕަރ މެޖޯރިޓީ އެޕާޓީގެ އަތުގައި އެބަ އޮތް ކަމަށެވެ. އެހެންކަމުން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ފަށްޓަވާފައިވާ ވެކްސިންގެ ޤައުމީ ޙަރަކާތް ކުރިއަށް ގެންދިއުމަށް އެހީތެރިވުމުގެ ގޮތުން ޕާޓީގެ ޖަގަހަތައް އެކްޓިވޭޓް ކުރުމަށް މޫސަ ވަނީ ގޮވާލައްވާފައެވެ.
"އިންތިޚާބުތަކުގާ ވޯޓުލާ ދުވަހު ސިޔާސީ ޕާޓީތަކުން ގެންގުޅުއްވާ އުސޫލުން ހަރުގެތަކާ ޖަގަހަތަކުގާ ދާއިރާތަކުގެ މީހުންގެ ލިސްޓު ހިފައިގެންތިބެ ވޯޓުލާން މީހުން ނެރޭގޮތަށް ވެކްސިން ޖަހަންދާން މީހުން ނެރެދެއްވާ. އެއްމެނަށް ވެކްސިން ޖަހާލެވެންދެން ރައްޔިތުންނަށް އެހީތެރިވެދެއްވާ" ރީކޯ މޫސަ ވިދާޅުވެފައިވެއެވެ.
ރާއްޖޭގައި އެއްމެމީހުންގިނަޕާޓީ ވެރިކަމުގަ އޮތް ބޮޑުޕާޓީ މަޖްލިސް މެޖޯރިޓީ އޮތްޕާޓީ، ތިޔަޕާޓީލީޑަރު@ibusolih ފެއްޓެވި ވެކްސިން ޕޮގްރާމަށް އެހީތެރިވެ ރާއްޖޭގެ އެއްމެނަށްވެކްސިން ޖަހާނިމެންދެން މިކެމްޕެއިން ކުރިއަށްގެންގޮސްދެއްވާ @MDPSecretariat @HassanLatheef
— Moosa Maniku (Reeko) (@ReekoMoosa) August 1, 2021
ރީކޯ މޫސަ އެމްޑީޕީގެ ލީޑަރޝިޕަށް މިފަދައިން ގޮވާލައްވާފައިވާއިރު ޕީޕީއެމުން ވަނީ، "މިނިވަންކަމުގެ ދިފާއުގައި ދިވެހިން"ގެ ނަމުގައި ޤައުމީ ކެމްޕެއިނެއް ލޯންޗް ކޮށްފައެވެ. އަދި އެ ކެމްޕެއިންގައި ބައިވެރިވުމަށް އެ ޕާޓީން ވަނީ ހުރިހާ ސިޔާސީ ލީޑަރުންނަށް ގޮވާލާފައެވެ.
ސަރުކާރުން ފަށާފައިވާ ވެކްސިން ޖެހުމުގެ ޤައުމީ ކެމްޕޭނާ ގުޅިގެން ވެކްސިން ޖެހުމަށް އެޕޮއިންޓްމަންޓް ހެއްދުމަށް މިހާރު ވަނީ ހުޅުވާލާފައެވެ. އެގޮތުން އެޗްޕީއޭގެ ޕޯޓަލް މެދުވެރިކޮށް އެޕޮއިންޓުމެންޓު ހެއްދުމުގައި ދަތިތަކެއް ކުރިމަތިވާ ފަރާތްތަކުން 1676 ނަންބަރަށް ގުޅުމުން އެހީތެރިކަން ލިބޭނެ ކަމަށް އެޗްޕީއޭއިން ބުނެފައިވެއެވެ.
ކޮވިޑުން ރައްކާތެރިވުމަށް ރާއްޖޭގައި ކުރިއަށްގެންދާ ވެކްސިން ދިނުމުގެ ކެމްޕޭނުގެ ދަށުން މިހާތަނަށް 321،764 މީހަކު ރާއްޖޭގައި ވެކްސިންގެ ފުރަތަމަ ޑޯޒް ވަނީ ޖަހާފައެވެ. އަދި ވެކްސިންގެ ދެޑޯޒް ފުރިހަމަކޮށްފައިވަނީ 264،913 މީހުންނެވެ.
ކިޔުންތެރިންގެ ހިޔާލު