ޖަލުތަކުގައި ހިންގި އޮޕަރޭޝަންތަކުގައި ގިނަ އަދަދެއްގެ މަނާ ތަކެތި އަތުލައިގެންފިއެވެ.

ކޮމިޝަނާ އޮފް ޕްރިޒަންސް އަހުމަދު މުހައްމަދު ވިދާޅުވީ އިއްޔެ އާއި ހުސްވި ހަފްތާގައި އައްސޭރި ޖަލާއި މާފުށީ ޖަލުގައި ބަލައިފާސްކުރުމުގެ ގިނަ އޮޕަރޭޝަންތަކެއް ކުރިއަށް ގެންދެވިފައިވާ ކަމަށެވެ. އެ އޮޕަރޭޝަންތަކުގައި ގިނަ އަދަދެއްގެ މަނާ ތަކެތި އަތުލައިގަނެވިފައިވާ ކަމަށް އަހުމަދު ވިދާޅުވިއެވެ.

ކޮމިޝަނަރ އަޙްމަދު ވިދާޅުވީ، އެ މައްސަލައަށް ދާއިމީ ހައްލު ހޯދެންދެން، އަވަސް އަވަހަށް އޮޕަރޭޝަންތައް ކުރިޔަށް ގެންދަވާނެ ކަމަށެވެ.

މިއަދާއި ހުސްވި ހަފްތާގައި އައްސޭރިޖަލާއި މާފުށީ ޖަލުގައި ވަނީ ކައިރިކައިރީގައި އޮޕަރޭޝަންތަކެއް ކުރިއަށް ގެންދެވިފައި. މިއޮޕަރޭޝަންތަކުގައި ގިނަ އަދަދެއްގެ މަނާތަކެތި ވަނީ އަތުލާގަނެވިފައި މިމައްސަލައަށް ދާއިމީ ހައްލު ހޯދެންދެން، އަވަސްއަވަހަށް އޮޕަރޭޝަންތައް ކުރިޔަށް ގެންދެވޭނެ pic.twitter.com/9TPpefPBOX

— Ahmed Mohamed (@ahumadhumohamed) August 7, 2021

ދާދި ފަހުން އައްސޭރި ޖަލުގެ އޮފިސަރުން ހިންގި އޮޕަރޭޝަނެއްގައި ޖަލަށް ވެއްދުމަށްޓަކައި އެޖަލުގައި ޕޮޓުކޮށްފައިވާ މަސްތުވާތަކެތިވެސް ވަނީ ހޯދާފައެވެ. އެކަމާ ގުޅިގެން ކޮމިޝަނަރ އަޙްމަދު ވިދާޅުވީ، އެޖަލުގެ ވަށާފާރު އުސްކުރުމުގެ ޕްރޮޖެޓްގެ ޢަމަލީ މަސައްކަތް 29 ޖުލައި 2021 ގައި ފެށިފައިވާ ކަމަށެވެ. އެ މަސައްކަތް ނިމުމުން، ފާރުމަތިން ޖަލުގެ ތެރެއަށް އެއްޗެހި އުކާ މައްސަލައަށް ހައްލެ ލިބިގެންދާނެ ކަމަށް އޭނާ ވިދާޅުވެފައިވެއެވެ.