ސްކޫލްތަކުގެ ދަރިވަރުންނަށް މިހާރު ނުލިބޭ ފޮތްތަކުގެ ހާޑު ކޮޕީ ލިބޭނީ މި މަހުގެ ފަހުކޮޅުގައި ކަމަށް ތަޢުލީމާބެހޭ ވަޒީރު ޑރ. ޢާއިޝަތު ޢަލީ ވިދާޅުވެއްޖެއެވެ.
އެޑިޔުކޭޝަން މިނިސްޓްރީން ދިރާސީ އަހަރުގެ ކަލަންޑަރަށް ގެނައި ބަދަލާއިއެކު މި އަހަރުގެ ދިރާސީ އަހަރު ފެށޭނީ އޯގަސްޓްމަހުގެ 10 ވަނަ ދުވަހުއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރު ޑރ. ޢާއިޝަތު ޢަލީ ވިދާޅުވީ ކޯވިޑް ގެ ސަބަބުން ތަޢުލީމީ ދާއިރާއަށްވެސް ވަރަށް ބޮޑެތި ގޮންޖެހުންތައް ކުރިމަތިވެފައިވާ ކަމަށެވެ. އެގޮތުން ފޮތްތަކުގެ ހާޑުކޮޕީ ގެންނަނީ ރާއްޖެއިން ބޭރުން ކަމަށްވާތީ އެކަމުގައި ދަތިތަކެއް ކުރިމަތިވެފައިވާ ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ، މިހާރު ހާޑުކޮޕީ ނުލިބޭ ފޮތްތަކުގެ ހާޑު ކޮޕީ ލިބޭނީ މި މަހުގެ ފަހުކޮޅުގައި ކަމަށެވެ. އަދި ހާޑު ކޮޕީ ލިބުމާ ހަމައަށް ބޭނުންކުރާނީ ސޮފްޓް ކޮޕީ ކަމަށާއި، އެގޮތުން ހުރިހާ ފޮތެއްގެ ސޮފްޓް ކޮޕީ ކުދިންނަށް ދީފައިވާނެ ކަމަށް މިނިސްޓަރު ވިދާޅުވިއެވެ. މިނިސްޓަރު ވިދާޅުވީ މިނިސްޓްރީގެ އަމާޒަކީ ކުރިއަށް އޮތްތަނުގައި ފޮތްތައް ޑިޖިޓަލައިޒްކުރުން ކަމަށެވެ.
އެޑިއުކޭޝަން މިނިސްޓްރީން ވަނީ ބައެއް ގްރޭޑްތަކުގައި ކިޔަވާދޭ ފޮތްތައް ޑިޖިޓަލައިޒް ކުރުމުގެ މަސައްކަތް ފަށާފައެވެ. މިގޮތުން ބައެއް ފޮތްތައް ޑިޖިޓަލައިޒްކޮށް އެ ފޮތްތައް ބޭނުންކޮށްގެން ފަންސާހަކަށް ސްކޫލްގައި މިހާރުވެސް އެޑިއުކޭޝަން މިނިސްޓްރީން އަންނަނީ ކިޔަވާދެމުންނެވެ.
ޖެނުއަރީމަހު ފެށޭ ދިރާސީ އަހަރު، އަހަރުގެ މެދުތެރެއަށް ބަދަލުކޮށް ދިރާސީ އަހަރުގެ ކަލަންޑަރުވެސް އެޑިއުކޭޝަން މިނިސްޓްރީން މިހާރު ވަނީ އާއްމުކޮށްފައެވެ. ފުރަތަމަ ޓާމުގެ ކިޔެވުން ޑިސެމްބަރު މަހުގެ 23 ވަނަ ދުވަހު ނިންމާ ދެވަނަ ޓާރމްގެ ކިޔެވުން ފަށާނީ 2022 ވަނަ އަހަރުގެ ޖެނުއަރީ މަހުގެ 16 ވަނަ ދުވަހުގައެވެ. 2021 ވަނަ އަހަރުގެ ދިރާސީ އަހަރުގެ ކިޔެވުން ނިމި ދަރިވަރުން އަހަރީ ޗުއްޓީއަށް ދާނީ ޖުލައި މަހުގެ 3 ވަނަ ދުވަހުއެވެ. އަދި 2022 ވަނަ އަހަރުގެ ކިޔެވުން ފެށޭނީ އެއަހަރުގެ އޯގަސްޓްމަހުގެ 7 ވަނަ ދުވަހުގައެވެ.
އެޑިއުކޭޝަން މިނިސްޓްރީން ބުނީ މި ގެނައި ބަދަލާއިއެކު ބައިނަލްއަޤްވާމީ ގޮތުން ދަރިވަރުންނަށް ލިބޭ ފުރުޞަތުތަކުގެ ބޭނުން ހިފުމަށް ކުރިޔަށްވުރެ ބޮޑަށް މަގުފަހިވެގެންދާނެކަމަށެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރު ޑރ. ޢާއިޝަތު ޢަލީ ވިދާޅުވީ ކޯވިޑް ގެ ސަބަބުން ތަޢުލީމީ ދާއިރާއަށްވެސް ވަރަށް ބޮޑެތި ގޮންޖެހުންތައް ކުރިމަތިވެފައިވާ ކަމަށެވެ. އެގޮތުން ފޮތްތަކުގެ ހާޑުކޮޕީ ގެންނަނީ ރާއްޖެއިން ބޭރުން ކަމަށްވާތީ އެކަމުގައި ދަތިތަކެއް ކުރިމަތިވެފައިވާ ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ، މިހާރު ހާޑުކޮޕީ ނުލިބޭ ފޮތްތަކުގެ ހާޑު ކޮޕީ ލިބޭނީ މި މަހުގެ ފަހުކޮޅުގައި ކަމަށެވެ. އަދި ހާޑު ކޮޕީ ލިބުމާ ހަމައަށް ބޭނުންކުރާނީ ސޮފްޓް ކޮޕީ ކަމަށާއި، އެގޮތުން ހުރިހާ ފޮތެއްގެ ސޮފްޓް ކޮޕީ ކުދިންނަށް ދީފައިވާނެ ކަމަށް މިނިސްޓަރު ވިދާޅުވިއެވެ. މިނިސްޓަރު ވިދާޅުވީ މިނިސްޓްރީގެ އަމާޒަކީ ކުރިއަށް އޮތްތަނުގައި ފޮތްތައް ޑިޖިޓަލައިޒްކުރުން ކަމަށެވެ.
އެޑިއުކޭޝަން މިނިސްޓްރީން ވަނީ ބައެއް ގްރޭޑްތަކުގައި ކިޔަވާދޭ ފޮތްތައް ޑިޖިޓަލައިޒް ކުރުމުގެ މަސައްކަތް ފަށާފައެވެ. މިގޮތުން ބައެއް ފޮތްތައް ޑިޖިޓަލައިޒްކޮށް އެ ފޮތްތައް ބޭނުންކޮށްގެން ފަންސާހަކަށް ސްކޫލްގައި މިހާރުވެސް އެޑިއުކޭޝަން މިނިސްޓްރީން އަންނަނީ ކިޔަވާދެމުންނެވެ.
އެޑިއުކޭޝަން މިނިސްޓްރީން ބުނީ މި ގެނައި ބަދަލާއިއެކު ބައިނަލްއަޤްވާމީ ގޮތުން ދަރިވަރުންނަށް ލިބޭ ފުރުޞަތުތަކުގެ ބޭނުން ހިފުމަށް ކުރިޔަށްވުރެ ބޮޑަށް މަގުފަހިވެގެންދާނެކަމަށެވެ.
ކިޔުންތެރިންގެ ހިޔާލު