ބެލެނިވެރިން ސްކޫލަށް ޙާޟިރުވާއިރު ތިބެނީ ވެކްސިން ޖަހައިގެންތޯ ކަށަވަރު ކުރުމަށްޓަކައި އެކަމަށް ޚާއްސަ ކާޑެއް ހެދުމުގެ މަސައްކަތް ކުރަމުންދާ ކަމަށް ތަޢުލީމާބެހޭ ވަޒީރު ޑރ. ޢާއިޝަތު ޢަލީ ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު ޑރ. ޢާއިޝަތު ޢަލީ ވިދާޅުވީ، ބެލެނިވެރިން ސުކޫލަށް ޙާޟިރުވާއިރު ވެކްސިން ފުރިހަމަކޮށްފައި ތިބކަން ކަށަވަރު ކުރުމަށް ގްރީން ކާރޑް ހެދުމުގެ މަސައްކަތް އެޗްޕީއޭއާއި އެޑިއުކޭޝަން މިނިސްޓްރީ ގުޅިގެން ކުރިޔަށް ގެންދާ ކަމަށެވެ.
މިނިސްޓަރ ވިދާޅުވީ، ސުކޫލްތައް ކައިރީގައި ތޮއްޖެހުން ކުޑަކުރުމަށްޓަކައި ސެޝަންތައް ކުރިއަށް ގެންދާ ގޮތަށް ބަދަލުތަކެއް ގެނެސްފައިވާ ކަމަށާއި، ކިޔެވުން ކުރިއަށް ގެންދާނީ ދަރިވަރުންނަށް ފުރިހަމަ ރައްކާތެރިކަން ކަށަވަރު ވެފައިވާ މާޙައުލެއްގައި ކަމަށެވެ. އެގޮތުން ވެކްސިން ޖެހޭ އުމުރުފުރާގެ ކުދިންނަށް ވެކްސިން ޖެހުމުގެ ޕްރޮގްރާމް އަންނަ ހަފްތާގައި ފަށާނެ ކަމަށްވެސް މިނިސްޓަރ ވިދާޅުވިއެވެ.
މީގެ ކުރިން ތަޢުލީމީ ވުޒާރާއިން ސުކޫލުތަކަށް ފޮނުވާފައިވާ ސިޓީއެއްގައި ބުނެފައިވަނީ 2021 ވަނަ އަހަރުގެ ދިރާސީ އަހަރުގެ ކިޔެވުން ފެށޭއިރު ސްކޫލްތަކުގެ ހުރިހާ މުވައްޒަފުންވެސް ވެކްސިންގެ ޑޯޒްތައް ފުރިހަަމަ ކުރަން ޖެހޭނެ ކަމަށެވެ. އެގޮތުން ވެކްސިންގެ ފުރަތަމަ ޑޯޒް ނުޖަހާ މުވައްޒަފުންނާއި، ދެވަނަ ޑޯޒް ނުޖަހާ ތިބި މުވައްޒަފުންނަށް ފަސޭހަ އިންތިޒާމެއްގެ ތެރެއިން ވެކްސިން ޖެހޭނެ އިންތިޒާމު ހަމަޖައްސައިދޭނެ ކަމަށާއި، ވެކްސިން ނުޖެހޭ މުވައްޒަފުން ސަބަބު ބަޔާންކޮށް އެޗްޕީއޭގެ ލިޔުމެއް އެޑިއުކޭޝަނަށް ހުށައަޅަން ވާނެ ކަމަށް އެ ސިޓީގައި ވެއެވެ.
މީގެ ކުރިން ތަޢުލީމީ ވުޒާރާއިން ސުކޫލުތަކަށް ފޮނުވާފައިވާ ސިޓީއެއްގައި ބުނެފައިވަނީ 2021 ވަނަ އަހަރުގެ ދިރާސީ އަހަރުގެ ކިޔެވުން ފެށޭއިރު ސްކޫލްތަކުގެ ހުރިހާ މުވައްޒަފުންވެސް ވެކްސިންގެ ޑޯޒްތައް ފުރިހަަމަ ކުރަން ޖެހޭނެ ކަމަށެވެ. އެގޮތުން ވެކްސިންގެ ފުރަތަމަ ޑޯޒް ނުޖަހާ މުވައްޒަފުންނާއި، ދެވަނަ ޑޯޒް ނުޖަހާ ތިބި މުވައްޒަފުންނަށް ފަސޭހަ އިންތިޒާމެއްގެ ތެރެއިން ވެކްސިން ޖެހޭނެ އިންތިޒާމު ހަމަޖައްސައިދޭނެ ކަމަށާއި، ވެކްސިން ނުޖެހޭ މުވައްޒަފުން ސަބަބު ބަޔާންކޮށް އެޗްޕީއޭގެ ލިޔުމެއް އެޑިއުކޭޝަނަށް ހުށައަޅަން ވާނެ ކަމަށް އެ ސިޓީގައި ވެއެވެ.
ކިޔުންތެރިންގެ ހިޔާލު