ޤުރުއާން ފޮތްތަކާއި، އިސްލާމް ފޮތްތަކުގައި މައްސަލައެއް ހުރިކަން ފާހަގަވާ ބެލެނިވެރިން އެކަން ތަޢުލީމާބެހޭ ވުޒާރާއާ ޙިއްސާކުރުމަށް އެ ވުޒާރާއިން އެދިއްޖެއެވެ.

ތަޢުލީމާބެހޭ ވުޒާރާއިން މިއަދު ކުރި އިއުލާނެއްގައި ބުނެފައިވަނީ ސްކޫލުތަކުގައި މިހާރު ބޭނުންކުރަމުންދާ އިސްލާމް އަދި ޤުރުއާން ފޮތްތައް އިސްލާހު ކުރުމުގެ މަސައްކަތް ކުރިއަށްދާ ކަމަށާއި، މި ފޮތްތަކުގައި އިސްލާހު ކުރަންޖެހޭ ކަމަށް ފެންނަ އެއްވެސް ކުށެއް ފާހަގަކުރެވިފައިވާނަމަ، އެފަދަ ކުށެއް ހިމެނޭ ފޮތާއި ސޮފްހާ ނަންބަރު އެނގޭހެން ލިޔުމަށްފަހު، އެ ވުޒާރާއަށް އީމެއިލް ކުރުމަށް އެދޭ ކަމަށެވެ.

ސްކޫލްތަކުގައި ބޭނުންކުރަމުންދާ އިސްލާމް އަދި ޤުރްއާން ފޮތްތަކުގައި ކުށްތަކެއް ހުރިކަން ފާހަގަކުރެވުމުން ފޮތްތައް އަލުން ބަލައި ޕްރޫފްރީޑް ކުރުމުގެ މަސައްކަތް ކުރުމަށް ތަޢުލީމާބެހޭ ވުޒާރާއިން ވަނީ މިނިވަން ކޮމިޓީއެއް އެކުލަވާލައި، ކޮމިޓީގެ މަސައްކަތްތައް މިމަހުގެ 8 ވަނަ ދުވަހު ފަށާފައެވެ. މި ކޮމިޓީ އެކުލަވާލާފައިވަނީ ކޮންމެ ގްރޭޑަކަށް 3 މެންބަރުންގެ މައްޗަށް އެކުލެވޭ ޓީމެއް ހިމެނޭގޮތަށެވެ.

ފޮތްތަކުގައި އިސްލާހު ކުރަންޖެހޭ ކަމަށް ފެންނަ އެއްވެސް ކުށެއް ފާހަގަކުރެވިފައިވާނަމަ، ތިރީގައިވާ އީމެއިލަށް ފޮނުއްވުން އެދެން.

[email protected] pic.twitter.com/wNqVu3XEbY

— Ministry of Education (@MoEdumv) September 10, 2021

ސްކޫލްތަކުގައި ބޭނުންކުރާ ގުރުއާން ފޮތާއި އިސްލާމް ފޮތުގައި ކުށްހުރި ކަމަށް މީޑިއާގެ ސަމާލުކަމަށް އެންމެ ބޮޑަށް ގެނެސްދެއްވީ ކުރީގެ އިސްލާމިކް މިނިސްޓަރ މުހައްމަދު ޝަހީމެވެ. އެކަމާ ގުޅިގެން ބޭއްވި ޕްރެސް ކޮންފަރެންސްގައި އެޑިއުކޭޝަނުން ވަނީ ފޮތްތަކުގައި ހުރި މައްސަަލަތަކަކީ 2015 ވަނަ އަހަރުން ފެށިގެން ފޮތްތަކުގައި ހުރި މައްސަލަތަކެއްކަމަށާއި، އޭރު އިސްލާމިކް މިނިސްޓަރަކަށް ހުންނެވީ ޝަހީމްކަން ފާހަގަކުރައްވާފައެވެ.