ތަޢުލީމީ ދާއިރާއަށް އަގުހުރި ޚިދުމަތްތަކެއް ކުރައްވަމުން ގެންދެވި ސީއެޗްެސްއީ ގެ އިސްލާމް މުދައްރިސް އަލްއުސްތާޛް ސުއޫދު މުޙައްމަދުފުޅު ކުއްލި ގޮތަކަށް މިއަދު ނިޔާވެއްޖެއެވެ.
މިނިސްޓަރ އޮފް އެޑިޔުކޭޝަން މިއަދު ނެރެފައިވާ ބަޔާނެއްގައި ބުނެފައިވަނީ، އަލްއުސްތާޛް ސުއޫދު މުޙައްމަދުފުޅު ވަނީ 22 އަހަރުގެ ދިގު މުއްދަތަކަށް ތަޢުލީމީ ދާއިރާއަށް ޚިދުމަތް ކުރައްވާފައި ކަމަށެވެ. އެގޮތުން އަމީނިއްޔާ ސްކޫލް އަދި ސެންޓަރ ފޮރ ހަޔަރ ސެކަންޑަރީ އެޑިޔުކޭޝަންގައި އިސްލާމް މުދައްރިސެއްގެ ގޮތުގައި މަސައްކަތް ކުރެއްވި ކަމަށް އެ ބަޔާނުގައި ވެއެވެ.
މީގެ އިތުރުން އަލްއުސްތާޛް ސުއޫދު މުޙައްމަދުފުޅު ދެމިއޮތުމުގެ ޢާލަމަށް ދަތުރުކުރެއްވުމަކީ ތަޢުލީމީ ދާއިރާއަށް ލިބިގެންދިޔަ ފުން ހިތާމައެއް ކަމަށް އެޑިއުކޭޝަންގެ ބަޔާނުގައިވެއެވެ.
މަޢުލޫމާތު ލިބިފައިވާ ގޮތުގައި ސުޢޫދު ކުއްލި ގޮތަކަށް ނިޔާވީ، ނިދާފައި އޮއްވައި ނޭވާ ލާން އުނދަގޫވެގެން ހޮސްޕިޓަލަށް ގެންދިޔަތާ މާ ގިނައިރުތަކެއް ނުވެ ރޭ ފަތިހުގެ ވަގުތެއްގައެވެ.
މަޢުލޫމާތު ލިބިފައިވާ ގޮތުގައި ސުޢޫދު ކުއްލި ގޮތަކަށް ނިޔާވީ، ނިދާފައި އޮއްވައި ނޭވާ ލާން އުނދަގޫވެގެން ހޮސްޕިޓަލަށް ގެންދިޔަތާ މާ ގިނައިރުތަކެއް ނުވެ ރޭ ފަތިހުގެ ވަގުތެއްގައެވެ.
ކިޔުންތެރިންގެ ހިޔާލު