ކުރީގެ ރައީސް އަބްދުﷲ ޔާމީން ޢަބްދުލް ޤައްޔޫމަށް ކްރިމިނަލް ކޯޓުން ހުކުމް އިއްވި ބެންޗުގައި ހިމެނިވަޑައިގަންނަވާ ތިން ގާޟީންގެ އޯޑިއޯ ސުޕްރީމް ކޯޓުގެ ޝަރީއަތަށް ހެކީގެ ގޮތުގައި ހުށަހެޅުމަށް ފަހު އެ ހެކި އަނބުރާ ގެންގޮސްފިއެވެ.
އެހެކިތައް އަނބުރާ ގެންގޮސްފައިވަނީ ރައީސް ޔާމީން ކަފާލާތުގެ ދަށުން ދޫކޮށްލުމާ މެދު ގޮތެއް ނިންމުމަށް ކުރިއަށްގެންދާ މިއަދުގެ އަޑުއެހުމުގައެވެ. މިއަދުގެ އަޑުއެހުމުގައި ރައީސް ޔާމީންގެ ފަރާތްޕުޅުން ވަނީ ހެކީގެ ގޮތުގައި ކުރީގެ ނާއިބު ރައީސް އަޙްމަދު އަދީބުގެ ވީޑިއޯއެއް ހުށައަޅުއްވާފައެވެ. އޭގެ އިތުރުން ކުރީގެ މަޖިލީސް ދެ މެންބަރުން ކަމަށްވާ މުޙައްމަދު އިސްމާޢީލް އާއި، މުޙައްމަދު ޝާހިދު ވަނީ ދިފާއީ ހެކިންގެ ގޮތުގައި ހުށައަޅާފައެވެ. އަދި އޭސީސީގެ ކުރީގެ ނާއިބުރައީސް މުއައްވިޒްގެ އޯޑިއޯއެއްވެސް ވަނީ ދިފާޢީ ހެއްކެއްގެ ގޮތުގައި ހުށައަޅާފައެވެ.
ރައީސް ޔާމީން ހުށައެޅުއްވި އާހެކިތަކާ ގުޅިގެން ދަޢުލަތުން ބުނެފައިވަނީ، ސުޕްރީމް ކޯޓަށް އާހެކި ހުށައެޅޭނީ އިސްތިސްނާ ޙާލަތްތަކެއްގައި ކަމަށާއި، އެގޮތަށް ހެކި ހުށައެޅުމުގައި ފުރިހަމަވާންޖެހޭ ތިން އުންސުރުންކުރެ އެއްވެސް އުންސުރެއް ރައީސް ޔާމީންގެ ފަރާތުން ހުށައެޅި ހެކީގައި ފުރިހަމަ ނުވާކަމަށެވެ. އެހެންކަމުން ހެކިތައް ބަލައި ނުގަތުމަށް ދަޢުލަތުން ވަނީ އެދިފައެވެ.
މިއަދުގެ އަޑުއެހުން ނިންމާލަމުން ފަނޑިޔާރުންގެ ބެންޗުން ބުނެފައިވަނީ ރައީސް ޔާމީން ކަފާލާތުގެ ދަށުން ދޫކޮށްލުމާމެދު މާދަމާ ގޮތެއް ނިންމާނެކަމަށެވެ. މިއަދުގެ އަޑުއެހުމުގައި ދަޢުލަތުންވަނީ ރައީސް ޔާމީން ކަފާލާތުގެ ދަށުން ދޫކޮށްލުމާމެދު އިޢުތިރާޒް ކޮށްފައެވެ.
ރައީސް ޔާމިންގެ މައްޗަށް ކްރިމިނަލް ކޯޓުން އިއްވި 5 އަހަރުގެ ޖަލު ޙުކުމާ ގުޅިގެން ލީކްވެފައިވާ އޯޑިއޯތަށް ހެކީގެ ގޮތުގައި ހުށައެޅުމަށްފަހު، އެހެކި އެމަނިކުފާނުގެ ފަރާތްޕުޅުން އަނބުރާ ގެންގޮސްފައިވާއިރު، އޭގެތެރެއިން އެއް އޯޑިއޯގައި ވާހަކަ ދައްކަވަނީ ކްރިމިނަލް ކޯޓުގެ ގާޒީ ހުސެއިން ފާއިޒް ރަޝާދު ކަމަށް އިދިކޮޅު ފަރާތްތަކުން ވަނީ ބުނެފައެވެ. އެ އޯޑިއޯގައި ފާއިޒް ކަމަށް ބެލެވޭ ފަރާތުން ވިދާޅުވީ ރައީސް ޔާމީނަށް ފަސް އަހަރުގެ ޖަލު ހުކުމެއް އިއްވީ ފަނޑިޔާރުންނަށް ނުފޫޒު ފޯރުވައިގެން ކަމަށެވެ.
އެމައްސަލަ ބެލި ފަނޑިޔާރުން ބެންޗުގައި ހިމެނޭ އިތުރު ފަނޑިޔާރުންނަށް ވެސް ނުފޫޒު ފޯރުވި ކަމަށް ވާހަކަ ދެކެވޭ އޯޑިއޯ ތަކެއް ވަނީ ލީކުވެފައެވެ. އެމައްސަލައިގައި ޖޭއެސްސީން ބުނެފައިވަނީ އޯޑިއޯގައި އިވޭ ވާހަކަތަކަށް ފަނޑިޔާރުން އިންކާރު ކުރަށްވާ ކަމަށެވެ. ފުލުހުން މިހާރު ގެންދަނީ އެ އޯޑިއޯތަކުގެ ސައްޙަކަން ކަށަވަރުކުރުމުގެ މަސައްކަތް ކުރަމުންނެވެ.
ރައީސް ޔާމީން ހުށައެޅުއްވި އާހެކިތަކާ ގުޅިގެން ދަޢުލަތުން ބުނެފައިވަނީ، ސުޕްރީމް ކޯޓަށް އާހެކި ހުށައެޅޭނީ އިސްތިސްނާ ޙާލަތްތަކެއްގައި ކަމަށާއި، އެގޮތަށް ހެކި ހުށައެޅުމުގައި ފުރިހަމަވާންޖެހޭ ތިން އުންސުރުންކުރެ އެއްވެސް އުންސުރެއް ރައީސް ޔާމީންގެ ފަރާތުން ހުށައެޅި ހެކީގައި ފުރިހަމަ ނުވާކަމަށެވެ. އެހެންކަމުން ހެކިތައް ބަލައި ނުގަތުމަށް ދަޢުލަތުން ވަނީ އެދިފައެވެ.
މިއަދުގެ އަޑުއެހުން ނިންމާލަމުން ފަނޑިޔާރުންގެ ބެންޗުން ބުނެފައިވަނީ ރައީސް ޔާމީން ކަފާލާތުގެ ދަށުން ދޫކޮށްލުމާމެދު މާދަމާ ގޮތެއް ނިންމާނެކަމަށެވެ. މިއަދުގެ އަޑުއެހުމުގައި ދަޢުލަތުންވަނީ ރައީސް ޔާމީން ކަފާލާތުގެ ދަށުން ދޫކޮށްލުމާމެދު އިޢުތިރާޒް ކޮށްފައެވެ.
އެމައްސަލަ ބެލި ފަނޑިޔާރުން ބެންޗުގައި ހިމެނޭ އިތުރު ފަނޑިޔާރުންނަށް ވެސް ނުފޫޒު ފޯރުވި ކަމަށް ވާހަކަ ދެކެވޭ އޯޑިއޯ ތަކެއް ވަނީ ލީކުވެފައެވެ. އެމައްސަލައިގައި ޖޭއެސްސީން ބުނެފައިވަނީ އޯޑިއޯގައި އިވޭ ވާހަކަތަކަށް ފަނޑިޔާރުން އިންކާރު ކުރަށްވާ ކަމަށެވެ. ފުލުހުން މިހާރު ގެންދަނީ އެ އޯޑިއޯތަކުގެ ސައްޙަކަން ކަށަވަރުކުރުމުގެ މަސައްކަތް ކުރަމުންނެވެ.
ކިޔުންތެރިންގެ ހިޔާލު