ފަނޑިޔާރުންގެ މަސައްކަތަށް ނުފޫޒު ނުފޯރުވުމަށް ދިވެހި ފަނޑިޔާރުންގެ ޖަމްޢިއްޔާއިން ގޮވާލައިފިއެވެ.
ފަނޑިޔާރުންގެ ޖަމިއްޔާއިން ނެރެފައިވާ ނޫސްބަޔާނެއްގައި ބުނެފައިވަނީ، ފަނޑިޔާރުންގެ ނިންމުންތަކާއި މެދު ނުރަނގަޅު ތަޞައްވަރެއް އުފެދޭގޮތަށް ހަގީގަތާއި ހިލާފު ވާހަކަ ދެއްކުމަކީ، ފަނޑިޔާރުންގެ މަސައްކަތަށް ނުފޫޒު ފޯރުވުން ކަމަށާއި، އެފަދައިން އެއްވެސް ފަރާތަކުން އަމަލު ނުކުރުމަށް އެދޭކަމަށެވެ. އަދި ޤާނޫނު އަސާސީގެ 141 ވަނަ މާއްދާގައި ފަނޑިޔާރުންގެ މަސައްކަތަށް ނުފޫޒު ފޯރުވައިގެން ނުވާނެކަމަށް ބަޔާންކޮށްފައިވާކަމަށް އެ ބަޔާނުގައިވެއެވެ.
ހަމައެއާއެކު ފަނޑިޔާރަކު ނިންމާ މައްސަލައަކާ ގުޅިގެން އެފަނޑިޔާރާ ގުޅޭގޮތުން ހަގީގަތެއްނެތް ވާހަކަ ސޯޝަލްމީޑިއާ އާއި އެނޫންވެސް ތަންތަނުގައި ފާޅުކޮށް، ފަނޑިޔާރުގެ މަސައްކަތާމެދު ސުވާލު އުފައްދައި ފަނޑިޔާރުންނަށް ބިރުދެއްކުމަކީ އަދުލު އިންސާފުގެ ދާއިރާއާމެދު ނުރަނގަޅު ތަސައްވުރެއް އުފެދި، ޝަރުއީ ދާއިރާ ހަރުދަނާކޮށް އިތުބާރު ހޯދުމަށް ހުރަސްތަކެއް މެދުވެރިވެ، ފަނޑިޔާރުންގެ ސަލާމަތާއި ރައްކާތެރިކަމަށް ބުރޫއަރައި، ވަކިފަރާތަކުން ދައްކައިފާނެ ބިރަކަށް ޖެހިލުންނުވެ ތިބެ ނިޔާ ކަނޑައެޅުމަށް މަތިކޮށްފައިވާ މަސްއޫލިޔަތު އަދާކުރުމަށް ހުރަސް އެޅިގެންދާނެ ކަމެއްކަމަށް ބަޔާނުގައިވެއެވެ.
އެ ނޫސްބަޔާނުގައި އިތުރަށް ބުނެފައިވަނީ ފަނޑިޔާރަކު ނިންމާ ނިންމުމަކާމެދު ހިތްހަމަ ނުޖެހޭނަމަ، އެކަމުގެ މަސްލަހަތު އޮތް ފަރާތްތަކުން އެ ނިންމުމެއް އެއަށްވުރެއް މަތީ މަރުހަލާގެ ކޯޓެއްގައި އިސްތިއުނާފު ކުރެވޭނެކަމަށެވެ. އަދި އެ މަގު އިޚްތިޔާރު ކުރުމުގެ ބަދަލުގައި ފަނޑިޔާރުންގެ ނިންމުންތަކާމެދު ނުރަނގަޅު ތަސައްވުރެއް އުފެދޭގޮތަށް ހަޤީޤަތާ ހިލާފު ވާހަކަ ދެއްކުމަކީ ފަނޑިޔާރުންގެ މަސައްކަތް ނުފޫޒު ފޯރުވުމުގެ ގޮތުން ކުރެވޭ ކަމެއް ކަމުގައި ނޫނީ ނުބެލެވޭނެކަމަށެވެ. އަދި އެފަދަ ކަންކަމަކީ ފަނޑިޔާރުންނާއި ފަނޑިޔާރުންގެ އާއިލާގެ މެމްބަރުން ސަލާމަތާއި ރައްކާތެރިކަން ގެއްލުވައިލުމަށް ހުޅުވަދެވޭ ފުރުސަތެއްކަމަށް ދެކޭކަމަށްވެސް އެ ބަޔާނުގައި ބުނެފައިވެއެވެ.
ފަނޑިޔާރުންގެ ޖަމްޢިއްޔާއިން މިފަދައިން ބަޔާނެއް ނެރެފައިވާއިރު، އުއްތަމަ ފަނޑިޔާރު، އަޙުމަދު މުޢުތަޞިމް އަދުނާންގެ ގެކޮޅަށް މީހަކު ވަތް މައްސަލައިގައި ހުރި ކަންބޮޑުވުން ތަކާއި އެކު އެކަން ބެލުމަށް މަޖިލީހަށްވެސް ވަނީ ހުށަހަޅާފަ އެވެ.
ހަމައެއާއެކު ފަނޑިޔާރަކު ނިންމާ މައްސަލައަކާ ގުޅިގެން އެފަނޑިޔާރާ ގުޅޭގޮތުން ހަގީގަތެއްނެތް ވާހަކަ ސޯޝަލްމީޑިއާ އާއި އެނޫންވެސް ތަންތަނުގައި ފާޅުކޮށް، ފަނޑިޔާރުގެ މަސައްކަތާމެދު ސުވާލު އުފައްދައި ފަނޑިޔާރުންނަށް ބިރުދެއްކުމަކީ އަދުލު އިންސާފުގެ ދާއިރާއާމެދު ނުރަނގަޅު ތަސައްވުރެއް އުފެދި، ޝަރުއީ ދާއިރާ ހަރުދަނާކޮށް އިތުބާރު ހޯދުމަށް ހުރަސްތަކެއް މެދުވެރިވެ، ފަނޑިޔާރުންގެ ސަލާމަތާއި ރައްކާތެރިކަމަށް ބުރޫއަރައި، ވަކިފަރާތަކުން ދައްކައިފާނެ ބިރަކަށް ޖެހިލުންނުވެ ތިބެ ނިޔާ ކަނޑައެޅުމަށް މަތިކޮށްފައިވާ މަސްއޫލިޔަތު އަދާކުރުމަށް ހުރަސް އެޅިގެންދާނެ ކަމެއްކަމަށް ބަޔާނުގައިވެއެވެ.
ނޫސްބަޔާންhttps://t.co/58Gybz2Dj3
— Judges Association of Maldives (@JudgesMaldives) October 10, 2021
ފަނޑިޔާރުންގެ ޖަމްޢިއްޔާއިން މިފަދައިން ބަޔާނެއް ނެރެފައިވާއިރު، އުއްތަމަ ފަނޑިޔާރު، އަޙުމަދު މުޢުތަޞިމް އަދުނާންގެ ގެކޮޅަށް މީހަކު ވަތް މައްސަލައިގައި ހުރި ކަންބޮޑުވުން ތަކާއި އެކު އެކަން ބެލުމަށް މަޖިލީހަށްވެސް ވަނީ ހުށަހަޅާފަ އެވެ.
ކިޔުންތެރިންގެ ހިޔާލު