ޑްރައިވިން ޓެސްޓް ހެދުމަށް ހުޅުމާލެއިން ޓްރާންސްޕޯޓް މިނިސްޓްރީއަށް ބިމެއް ހަވާލުކޮށްފިއެވެ.

ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން މިއަދު ބުނީ ހުޅުމާލެއިން ޑްރައިވިން ޓެސްޓު ހެދޭނެ ގޮތް ހަމަޖެއްސުމަށްޓަކައި އެ ކަމަށް ހާއްސަ ބިމެއް މިއަދު ޓްރާންސްޕޯޓް މިނިސްޓްރީއަށް ޙަވާލުކޮށްފައިވާ ކަމަށެވެ. މިއީ ހުޅުމާލޭގައި ދިރިއުޅޭ މީހުންނަށް ފަސޭހައިން ލައިސެންސް ނެގުމުގެ އިންތިޒާމް ހަމަޖައްސައިދިނުމަށް އެޅި ފިޔަވަޅެއް ކަމަށް އެޗްޑީސީން ބުނެއެވެ.

މި އެއްބަސްވުމުގެ ދަށުން 20،163 އަކަފޫޓުގެ ބިމެއް ލައިސަންސް ޓެސްޓް ހެދުމަށް ވަނީ ކަނޑައަޅާފައެވެ. އެބިން ކަނޑައަޅާފައިވަނީ ހުޅުމާލެ ލޮޓް ނަންބަރު 10909 ގައެވެ.

An agreement was signed with the @MoTCAmv for the development and operation of a driving license area in Hulhumalé. pic.twitter.com/LjsbqZbmKa

— HDC (@hdcmaldives) October 28, 2021

ޑްރައިވިން ޓެސްޓް ހެދުމަށް ބޭނުންކުރާނެ ސަރަހައްދުގެ އެއްބަސްވުމުގައި ޓްރާންސްޕޯޓް މިނިސްޓްރީގެ ފަރާތުން ސޮއި ކުރެއްވީ ޓްރާންސްޕޯޓް މިނިސްޓަރު އައިޝަތު ނަހުލާ އެވެ. އަދި އެޗްޑީސީގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ސުހައިލް އަހުމަދެވެ.