ޔޫތު މިނިސްޓަރ މަޙްލޫފްގެ މައްސަލައާއި ހެލްތު މިނިސްޓްރީގެ ވެންޓިލޭޓަރު މައްސަލާގައި ދަޢުވާކުރުމާމެދު އަންނަ ހަފްތާގައި ވަކިގޮތެއް ނިންމަވާނެ ކަމަށް ޕްރޮސެކިއުޓާ ޖެނެރަލް ޙުސައިން ޝަމީމު މިއަދު ވިދާޅުވެއްޖެއެވެ.
ޕީޖީ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޕީޖީ ޝަމީމް ވިދާޅުވީ އެމްއެމްޕީއާރުސީގެ ހިޔާނާތާ ގުޅިގެން އެންޓި ކޮރަޕްޝަން ކޮމިޝަނުން ދައުވާކޮށްދޭން އެދި ޕްރޮސެކިއުޓަ ޖެނެރަލްގެ އޮފީހަށް ފޮނުވާފައިވާ ޔޫތު މިނިސްޓަރު އަހްމަދު މަހްލޫފުގެ މައްސަލައާއި ކޮވިޑާ ގުޅިގެން ވެންޓިލޭޓަރު ގަތުމުގައި ހިންގި ކޮރަޕްޝަންގެ މައްސަލައިގައި ދައުވާކުރުމާ މެދު އަންނަ ހަފްތާގެ ތެރޭގައި ގޮތެއް ނިންމާނެ ކަމަށެވެ.
ދުބާއީގެ އެގްޒެކިއުޓާސް ކުންފުނިން ގެންނަން އުޅުނު ވެންޓިލޭޓަރުތަކުގެ މައްސަލައިގައި ކުރީގެ ހެލްތު މިނިސްޓަރު އަބްދުﷲ އަމީނާއި އެ މިނިސްޓްރީގެ އިސް ބައެއްގެ މައްޗަށް ދައުވާ ކޮށްދޭން ނޮވެމްބަރ ފުރަތަމަ ދުވަހު ޕީޖީއަށް ފޮނުވި މައްސަލާގައި އެ އޮފީހުން ވަކިގޮތެއް ނިންމާފައެއް ނުވެއެވެ.
ދުބާއީން ގެންނަން މަސައްކަތްކުރި 75 ވެންޓިލޭޓަރުގެ ތެރެއިން މިހާތަނަށް ލިބުނީ 15 ވެންޓިލޭޓަރެވެ. ވެންޓިލޭޓަރުތައް ގަންނަން އެގްޒެކިއުޓާސް ޖެނެރަލް ޓްރޭޑިން އަށް 34 މިލިޔަން ރުފިޔާ ދިވެހި ދައުލަތުން ދިނެވެ. ކަމާބެހޭ އުސޫކުތަކާއި ގަވާޢީދުތަކާ ޚިލާފަށް ދައްކާފައިވާ ކަމަށް ބުނާ މިފައިސާ ދޫކުރީ ފިނޭންސް މިނިސްޓަރ އަމީރެވެ.
ސަރުކާރުން މިހާރު މަސައްކަތް ކުރާކަމަށް ބުނަނީ ވެންޓިލޭޓަރުތައް ގެންނަން ހަވާލުކުރި ކުންފުނިން ބަދަލުގެ ގޮތުގައި 31 މިލިއަން ރުފިޔާ ހޯދުމަށެވެ. ނަމަވެސް މިކަމުގައި ލިބުނީ ކިހާވަރެއްގެ ކުރިއެރުމެއް ކަމެއްވެސް އަދި ނޭނގެއެވެ.
އޭގެ އިތުރުން އެމްއެމްޕީއާރުސީގެ 1.3 ބިލިއަން ރުފިޔާގެ ހިޔާނާތުގެ ފައިސާ ޖަމާކުރި އެސްއޯއެފް ކުންފުނީގެ އެކައުންޓުން މަހުލޫފްގެ އަމިއްލަފުޅު އެކައުންޓަށް 33،000 ޑޮލަރު ޖަމާކޮށްފައިވާ މައްސަލާގައި ހެކި ހޯދުމާއި ދައުވާ ކުރެވޭތޯ ބެލުމަށް ޕީޖީ މަސައްކަތް ކުރައްވާތާ ފަސް މަސް ދުވަސްވީއިރު މައްސަލައިގެ ތަހުގީގުގައި ބޮޑެތި ގޯސްތަކެއް ހަދާފައިވާ މައްސަލަތަކެއް ވަނީ ފާހަގަކުރެވިފައެވެ.
އެ ގޮތުން ޗެއިން އޮފް ކަސްޓަޑީއެއްނެތް ޗެޓްލޮގެއްގެ އެނެލެސިސް ހެދި ކަމަށް ބުނާ ފޮރެންސިކު ކުންފުންޏެއްގެ ހެކިބަސް ހޯދަން އަމަލުކުރި ގޮތާއި ސްރީލަންކާގެ ރައްޔިތެއްގެ ބަޔާން އެ ގައުމުގެ ގާނޫނުތަކާއި އަދި ރާއްޖޭގެ ގާނޫނުތަކާވެސް ހިލާފަށް ނެގުން ފަދަ މައްސަލަތަކެއް ވަނީ ހާމަވެފައެވެ.
ދުބާއީގެ އެގްޒެކިއުޓާސް ކުންފުނިން ގެންނަން އުޅުނު ވެންޓިލޭޓަރުތަކުގެ މައްސަލައިގައި ކުރީގެ ހެލްތު މިނިސްޓަރު އަބްދުﷲ އަމީނާއި އެ މިނިސްޓްރީގެ އިސް ބައެއްގެ މައްޗަށް ދައުވާ ކޮށްދޭން ނޮވެމްބަރ ފުރަތަމަ ދުވަހު ޕީޖީއަށް ފޮނުވި މައްސަލާގައި އެ އޮފީހުން ވަކިގޮތެއް ނިންމާފައެއް ނުވެއެވެ.
ދުބާއީން ގެންނަން މަސައްކަތްކުރި 75 ވެންޓިލޭޓަރުގެ ތެރެއިން މިހާތަނަށް ލިބުނީ 15 ވެންޓިލޭޓަރެވެ. ވެންޓިލޭޓަރުތައް ގަންނަން އެގްޒެކިއުޓާސް ޖެނެރަލް ޓްރޭޑިން އަށް 34 މިލިޔަން ރުފިޔާ ދިވެހި ދައުލަތުން ދިނެވެ. ކަމާބެހޭ އުސޫކުތަކާއި ގަވާޢީދުތަކާ ޚިލާފަށް ދައްކާފައިވާ ކަމަށް ބުނާ މިފައިސާ ދޫކުރީ ފިނޭންސް މިނިސްޓަރ އަމީރެވެ.
ސަރުކާރުން މިހާރު މަސައްކަތް ކުރާކަމަށް ބުނަނީ ވެންޓިލޭޓަރުތައް ގެންނަން ހަވާލުކުރި ކުންފުނިން ބަދަލުގެ ގޮތުގައި 31 މިލިއަން ރުފިޔާ ހޯދުމަށެވެ. ނަމަވެސް މިކަމުގައި ލިބުނީ ކިހާވަރެއްގެ ކުރިއެރުމެއް ކަމެއްވެސް އަދި ނޭނގެއެވެ.
އެ ގޮތުން ޗެއިން އޮފް ކަސްޓަޑީއެއްނެތް ޗެޓްލޮގެއްގެ އެނެލެސިސް ހެދި ކަމަށް ބުނާ ފޮރެންސިކު ކުންފުންޏެއްގެ ހެކިބަސް ހޯދަން އަމަލުކުރި ގޮތާއި ސްރީލަންކާގެ ރައްޔިތެއްގެ ބަޔާން އެ ގައުމުގެ ގާނޫނުތަކާއި އަދި ރާއްޖޭގެ ގާނޫނުތަކާވެސް ހިލާފަށް ނެގުން ފަދަ މައްސަލަތަކެއް ވަނީ ހާމަވެފައެވެ.
ކިޔުންތެރިންގެ ހިޔާލު