ނަފްރަތުގެ ޢަމަލުތަކަކީ ކުށެއް ކަމުގައި ކަނޑައެޅުމަށްޓަކައި ޤާނޫނުލްއުޤޫބާތަށް އިޞްލާޙު ގެނައުމަށް ސަރުކާރުން ހުށަހަޅާފައިވާ ބިލު ރައްޔިތުންގެ މަޖިލީހުން މިއަދު ފާސްކޮށްފިއެވެ.
ނަފްރަތުގެ ޢަމަލުތަކަކީ ޖިނާއީ ކުށެއްގެ ގޮތުގައި ކަނޑައެޅުމަށްޓަކައި ޤާނޫނުލްޢުޤޫބާތަށް ގެނައުމަށް ސަރުކާރުގެ ފަރާތުން މި އިސްލާހު ހުށަހަޅާފައިވަނީ ތުޅާދޫ ދާއިރާގެ މެމްބަރު ހިސާން ހުސައިންއެވެ.
މި އިސްލާޙު މަޖިލީހުން ފާސްކޮށްފައިވަނީ ވޯޓުގައި ބައިވެރިވި 50 މެމްބަރުންގެ ވޯޓުންނެވެ. މި އިސްލާހާ ދެކޮޅަށް އެއްވެސް މެމްބަރަކު ވޯޓު ދެއްވާފައެއް ނުވެއެވެ.
އާންމު ތަނެއްގައި މުސްލިމަކު ކާފަރެއްގެ ގޮތުގައި ސިފަކުރުމަކީ ކުށެއް ކަމަށް ކަނޑައެޅުމަށް ޤާނޫނުލްޢުޤޫބާތަށް ސަރުކާރުން ހުށަހެޅި ބިލާގުޅިގެން ގިނަ ބައެއްގެ ނުރުހުން ސަރުކާރަށް ވަނީ އަމާޒުވެފައެވެ. އެއާއި ގުޅިގެން ސަރުކާރުން ނިންމާފައިވަނީ އާންމުންނާއި ދީނީ ޢިލްމުވެރިންގެ ކަންބޮޑުވުންތަކާއެކު ކަމާބެހޭ ފަރާތްތަކުގެ މަޝްވަރާއާއެކު އެ ބިލު އަލުން އިސްލާހު ކުރުމަށެވެ.
އާންމު ތަނެއްގައި މުސްލިމަކު ކާފަރެއްގެ ގޮތުގައި ސިފަކުރުމަކީ ކުށެއް ކަމަށް ކަނޑައެޅުމަށް ޤާނޫނުލްޢުޤޫބާތަށް ސަރުކާރުން ހުށަހެޅި ބިލާގުޅިގެން ގިނަ ބައެއްގެ ނުރުހުން ސަރުކާރަށް ވަނީ އަމާޒުވެފައެވެ. އެއާއި ގުޅިގެން ސަރުކާރުން ނިންމާފައިވަނީ އާންމުންނާއި ދީނީ ޢިލްމުވެރިންގެ ކަންބޮޑުވުންތަކާއެކު ކަމާބެހޭ ފަރާތްތަކުގެ މަޝްވަރާއާއެކު އެ ބިލު އަލުން އިސްލާހު ކުރުމަށެވެ.
ކިޔުންތެރިންގެ ހިޔާލު