ރައްޔިތުންގެ މަޖިލީހުގެ ރައީސްގެ ވަގުތީ ގެކޮޅުގެ މަސައްކަތް ނިންމައި، އެގެކޮޅު ރައްޔިތުންގެ މަޖިލީހުގެ އިދާރާއާ ހަވާލުކޮށްފި ކަމަށް ޕްލޭނިންގ މިނިސްޓްރީން ބުނި ނަމަވެސް ރައްޔިތުންގެ މަޖިލީހުން އެކަން ދޮގުކޮށްފިއެވެ.
ރައްޔިތުންގެ މަޖިލީހުގެ ރައީސަށާއި އުއްތަމަ ފަނޑިޔާރަށް ދައުލަތުން ވަގުތީގޮތުން ގެކޮޅު ހަމަޖައްސަން ނިންމީ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް މިދިޔަ މޭ މަހު ދިން ބޮމުގެ ހަމަލާއަށްފަހުއެވެ. އެގޮތުން މަޖިލިސް ރައީސަށް މ.މުރައިދޫގެ އަދި އުއްތަމަ ފަނޑިޔާރަށް ވަގުތީ ގެކޮޅުގެ ގޮތުގައި ރެހެންދި ފްލެޓްގެ އެޕާޓްމަންޓެއް ހަމަޖައްސަވަން ނިންމެވިއެވެ.
ޕްލޭނިން މިނިސްޓްރީން މިއަދު ބުނީ މަޖިލީހުގެ ރައީސަށް ހާއްސަކުރާ މުރައިދޫގޭގެ މަސައްކަތް އެއްކޮށް ނިންމައި އިއްޔެ މަޖިލީހުގެ އިދާރާއާ ހަވާލުކޮށްފައިވާކަމަށެވެ. އަދި އެ ގެކޮޅު ހުންނަ މަގުގެ ދެ ފަރާތުގައި ރަތް ރޮނގު ދަމައި ރެޑް ޒޯނެއްގެ ގޮތުގައި ކަނޑައަޅައި އެ ސަރަހައްދުގައި ޕާކު ކުރުމާއި މަޑުކޮށްގެން ތިބުން ވެސް ވަނީ މަނާކޮށްފައެވެ. މީގެއިތުރުން މުރައިދޫގެ އަށް ގެނައި ބަދަލުތަކާ އެކު ހައި ކޯޓު ކުރިމަތީގައި އޮންނަ ޕާކިންޒޯނުން އެއް ބައި ވަނީ ހުސްކޮށް، މުރައިދޫގޭގެ ވަލު ދޮރާށިން ވެހިކަލް ވަދެ ނުކުމެވޭ ގޮތަށް ވަނީ ހަދައިފައެވެ.
އެކަމާ ގުޅިގެން ރައްޔިތުން މަޖިލީހުގެ މީޑިއާ ޑިރެކްޓަރު ހަސަން ޒިޔާއު މިއަދު ވިދާޅުވީ ރަސްމީކޮށް މުރައިދޫގެ ރައްޔިތުންގެ މަޖިލީހަށް ހަވާލު ކޮށްފައި ނުވާކަމަށެވެ.
"ނޫން! އަދި ހަވާލެއް ނުކުރޭ!" ޒިޔާއު ވިދާޅުވިއެވެ.
ދެ ބާރުގެ ވެރިންނަށް ވަގުތީ ގެކޮޅު ހަމަޖައްސައިދީފައިވާއިރު، އެ ބޭފުޅުންނަށް ރަސްމީގެކޮޅެއް އިމާރާތް ކުރުމަށް ހަމަޖައްސައި، އެކަމަށް 12 މިލިއަން ރުފިޔާ ވަނީ ބަޖެޓްކޮށްފައެވެ. އެގޮތުން މަޖިލީހުގެ ރައީސްގެ ގެކޮޅު ސުޕްރީމް ކޯޓު ކުރިމަތީގައި އޮންނަ ދަންޑަހެލު ގޭގައި އިމާރާތްކުރާއިރު، އުއްތަމަ ފަނޑިޔާރުގެ ގެކޮޅު އަޅަނީ ކުރީގެ ސްކައުޓް އެސޯސިއޭޝަން ހިންގި އިމާރާތުގައެވެ.
ޕްލޭނިން މިނިސްޓްރީން މިއަދު ބުނީ މަޖިލީހުގެ ރައީސަށް ހާއްސަކުރާ މުރައިދޫގޭގެ މަސައްކަތް އެއްކޮށް ނިންމައި އިއްޔެ މަޖިލީހުގެ އިދާރާއާ ހަވާލުކޮށްފައިވާކަމަށެވެ. އަދި އެ ގެކޮޅު ހުންނަ މަގުގެ ދެ ފަރާތުގައި ރަތް ރޮނގު ދަމައި ރެޑް ޒޯނެއްގެ ގޮތުގައި ކަނޑައަޅައި އެ ސަރަހައްދުގައި ޕާކު ކުރުމާއި މަޑުކޮށްގެން ތިބުން ވެސް ވަނީ މަނާކޮށްފައެވެ. މީގެއިތުރުން މުރައިދޫގެ އަށް ގެނައި ބަދަލުތަކާ އެކު ހައި ކޯޓު ކުރިމަތީގައި އޮންނަ ޕާކިންޒޯނުން އެއް ބައި ވަނީ ހުސްކޮށް، މުރައިދޫގޭގެ ވަލު ދޮރާށިން ވެހިކަލް ވަދެ ނުކުމެވޭ ގޮތަށް ވަނީ ހަދައިފައެވެ.
އެކަމާ ގުޅިގެން ރައްޔިތުން މަޖިލީހުގެ މީޑިއާ ޑިރެކްޓަރު ހަސަން ޒިޔާއު މިއަދު ވިދާޅުވީ ރަސްމީކޮށް މުރައިދޫގެ ރައްޔިތުންގެ މަޖިލީހަށް ހަވާލު ކޮށްފައި ނުވާކަމަށެވެ.
ދެ ބާރުގެ ވެރިންނަށް ވަގުތީ ގެކޮޅު ހަމަޖައްސައިދީފައިވާއިރު، އެ ބޭފުޅުންނަށް ރަސްމީގެކޮޅެއް އިމާރާތް ކުރުމަށް ހަމަޖައްސައި، އެކަމަށް 12 މިލިއަން ރުފިޔާ ވަނީ ބަޖެޓްކޮށްފައެވެ. އެގޮތުން މަޖިލީހުގެ ރައީސްގެ ގެކޮޅު ސުޕްރީމް ކޯޓު ކުރިމަތީގައި އޮންނަ ދަންޑަހެލު ގޭގައި އިމާރާތްކުރާއިރު، އުއްތަމަ ފަނޑިޔާރުގެ ގެކޮޅު އަޅަނީ ކުރީގެ ސްކައުޓް އެސޯސިއޭޝަން ހިންގި އިމާރާތުގައެވެ.
ކިޔުންތެރިންގެ ހިޔާލު