ދަޢުލަތުގެ މާލިއްޔަތު ޤަވާޢިދުން މާލީ ވަޒީރަށް ލިބިދޭ ބާރުގެ ދަށުން ސަރުކާރުން ދެ ކުންފުންޏެއް ބްލެކް ލިސްޓް ކޮށްފިއެވެ.
މާލީ ވުޒާރާއިން މިއަދު ބުނީ އެ ކުންފުނިތަކާ ޙަވާލުކުރި މަސައްކަތްތަކެއް ނިމިފައިނުވާތީ ބްލެކް ލިސްޓް ކޮށްފައިވާ ދެ ކުންފުންޏަކީ އެނަރޖީ މެނޭޖްމެންޓް ސިސްޓަމްސާއި އެލްއެފް ކޮންސްޓްރަކްޝަން ޕްރައިވެޓް ލިމިޓެޑް ކަމަށެވެެ. މި ފިޔަވަޅުގެ ސަބަބުން އެ ދެ ކުންފުންޏަށް ސަރުކާރުން ކުރާ އެއްވެސް މަސައްކަތެއްގައި ބިޑުކުރުން މަނާވާނެއެވެ. އަދި ސަރުކާރުގެ އެއްވެސް ޕްރޮޖެކްޓެއްވެސް އެ ދެ ކުންފުންޏަށް ވަކި މުއްދަތަކަށް އެވޯޑްވެސް ނުކުރެވޭނެއެވެ.
އެނަރޖީ މެނޭޖްމެންޓް ސިސްޓަމާއި ހަވާލުކޮށްފައިވަނީ އއ. މަތިވެރި، އއ. ބޮޑުފުޅަދޫ އަދި އއ. މާޅޮހަށް ވޭސްޓް މެނޭޖްމެންޓް މެޝިނަރީސް ސަޕްލައިކޮށްދިނުމަށެވެ. އެކަން ކޮށްފައި ނުވާތީ އަންނަ އަހަރުގެ މެއި 21 އަށް އެ ކުންފުނި ވަނީ ބްލެކް ލިސްޓް ކޮށްފައެވެ.
އަދި ށ. ފޯކައިދޫ ކޮމިއުނިޓީ ސެންޓަރު އަޅަން ހަވާލު ކުރުމުން އެކަންކޮށްފައި ނުވާތީ އެލްއެފް ކޮންސްޓްރަކްޝަން ޕްރައިވެޓް ލިމިޓެޑު ވަނީ 23 ނޮވެމްބަރުން ފެށިގެން އަންނަ އަހަރުގެ 22 ނޮވެމްބަރަށް ސަރުކާރުގެ ޕްރޮޖެކްޓްތަކުން އެކަހެރިކޮށްފައެވެ.
އަދި ށ. ފޯކައިދޫ ކޮމިއުނިޓީ ސެންޓަރު އަޅަން ހަވާލު ކުރުމުން އެކަންކޮށްފައި ނުވާތީ އެލްއެފް ކޮންސްޓްރަކްޝަން ޕްރައިވެޓް ލިމިޓެޑު ވަނީ 23 ނޮވެމްބަރުން ފެށިގެން އަންނަ އަހަރުގެ 22 ނޮވެމްބަރަށް ސަރުކާރުގެ ޕްރޮޖެކްޓްތަކުން އެކަހެރިކޮށްފައެވެ.
ކިޔުންތެރިންގެ ހިޔާލު