އެންޓި ކޮރަޕްޝަން ކޮމިޝަން (އޭސީސީ)ގެ މެމްބަރުން މަގާމުން ވަކި ކުރުމުގެ މަސައްކަތް ފަށަން ނިންމާ، އެ މައްސަލަ ކުރިއަށް ގެންދިއުމަށް ތަޅުމަށް ފޮނުވުމަށް މިނިވަން މުއައްސަސާތަކުގެ ކޮމިޓީން މިއަދު ނިންމައިފިއެވެ.
މިއަދު މެންދުރު 14:00 ގައި ކުރިއަށް ދިޔަ މިނިވަން މުއައްސަސާތަކާބެހޭ ކޮމިޓީގެ ބައްދަލުވުމުގައި މެންބަރުން ވަކިކުރަން ނިންމާފައިވަނީ މެންބަރުންގެ ޕާރފޯމަންސް އޮޑިޓް ދިރާސާ ކުރުމަށްފަހުއެވެ. މި އޮޑިޓް ކުރިއަށް ގެންދިޔައީ އޮޑިޓް އޮފީސް މެދުވެރިކޮށެވެ. ކޮމިޓީގެ މި ބައްދަލުވުން ކުރިއަށް ގެންދިޔައީ ސިއްރުކޮށްގެންނެވެ.
އޮޑިޓް ރިޕޯޓްގައި ވަނީ ބައެއް މައްސަލަތައް އޭސީސީގައި ޕާކްކޮށްފައި އޮންނަތާ ތިން އަހަރުވެފައިވާކަމަށެވެ. އަދި އެ އަދަދު 300 އަށް އަރާ ކަމަށް އޮޑިޓުން ދައްކައެވެ. މީގެ އިތުރުން އޭސީސީން ކޮމިޝަނުގެ ޤާނޫނީ ބާރު ބޭނުން ނުކުރާ ކަންވެސް އޮޑިޓްގައި ވަނީ ފާހަގަކޮށްފަ އެވެ.
މަޖިލިސް ގަވާއިދުގެ ދަށުން މިނިވަން މުއައްސަސާއެއްގެ މެންބަރަކު މަގާމަކުން ވަކި ކުރުމަށް ކޮމެޓީއަކަށް ފެނިއްޖެ ހާލަތުގައި މަޖިލީހުގެ ރައީސްގެ ސަމާލުކަމަށް އެކަން ގެންނަން ޖެހެއެވެ. އަދި އެކަން މަޖިލީހަށް ހުށަހެޅުމުން، އެ މީހެއްގެ ނަން މަޖިލީހުގައި އިއްވާ، ކަމާބެހޭ ކޮމެޓީއަށް ފޮނުވާނެއެވެ. މެންބަރުން މަޤާމުން ވަކި ކުރެވޭނީ އެ މައްސަލަ އެ ކޮމެޓީއަކުން ދިރާސާ ކުރުމަށްފަހު ނިންމާ ނިންމުމަށް އެކުލަވާލެވޭ ރިޕޯޓެއްގެ މައްޗަށް ބަހުސްކޮށް، ނެގޭ ވޯޓަކަށް ފަހުއެވެ.
އޭސީސީގެ މެމްބަރުން ވަކިކުރުމަށް ވޯޓު ދެއްވީ ކޮމިޓީ ބައްދަލުވުމުގައި ބައިވެރިވި 7 މެމްބަރުންގެ ވޯޓުންނެވެ. މެމްބަރުން ވަކިކުރުމަށް ނުފެންނަ ކަމަށް ވޯޓު ދެއްވީ ވިލިމާލެ ދާއިރާގެ މެމްބަރު އަހުމަދު އުޝާމްއެވެ.
އޭސީސީގެ މެންބަރުންގެ ޕާފޯމަންސް އޮޑިޓް ހެދުމަށް މަޖިލީހުގެ ކޮމިޓީން ނިންމީ އެކި މައްސަލަތަކާ ގުޅޭގޮތުން އޭސީސީން މަޖިލީހުގައި ތަފާތު އެކި ތާރީހުތައް ދެމުން ވާހަކަ ދެއްކެވި ނަމަވެސް ނަތީޖާއަކާއި ހަމައަށް ގޮސްފައިނުވާކަމަށް ބުނެއެވެ.
އޭސީސީގައި މިހާރު ތިއްބަވަނީ ކޮމިޝަންގެ ރައީސް މަރިޔަމް ޝިއުނާ، ނާއިބް ރައީސް ފާތުމަތު އަނޫލާ އަދި މެމްބަރު އިބްރާހިމް ޝަކީލް އަދި އައިޝަތު އަބްދުﷲއެވެ. ކޮމިޝަންގެ މެންބަރު އަލީ އަޝްރަފް ވަނީ އޮޑިޓްގެ މަސައްކަތް ފެށުމާއެކު ކޮމިޝަނުން އިސްތިޢުފާ ދެއްވާފައެވެ.
އޮޑިޓް ރިޕޯޓްގައި ވަނީ ބައެއް މައްސަލަތައް އޭސީސީގައި ޕާކްކޮށްފައި އޮންނަތާ ތިން އަހަރުވެފައިވާކަމަށެވެ. އަދި އެ އަދަދު 300 އަށް އަރާ ކަމަށް އޮޑިޓުން ދައްކައެވެ. މީގެ އިތުރުން އޭސީސީން ކޮމިޝަނުގެ ޤާނޫނީ ބާރު ބޭނުން ނުކުރާ ކަންވެސް އޮޑިޓްގައި ވަނީ ފާހަގަކޮށްފަ އެވެ.
މަޖިލިސް ގަވާއިދުގެ ދަށުން މިނިވަން މުއައްސަސާއެއްގެ މެންބަރަކު މަގާމަކުން ވަކި ކުރުމަށް ކޮމެޓީއަކަށް ފެނިއްޖެ ހާލަތުގައި މަޖިލީހުގެ ރައީސްގެ ސަމާލުކަމަށް އެކަން ގެންނަން ޖެހެއެވެ. އަދި އެކަން މަޖިލީހަށް ހުށަހެޅުމުން، އެ މީހެއްގެ ނަން މަޖިލީހުގައި އިއްވާ، ކަމާބެހޭ ކޮމެޓީއަށް ފޮނުވާނެއެވެ. މެންބަރުން މަޤާމުން ވަކި ކުރެވޭނީ އެ މައްސަލަ އެ ކޮމެޓީއަކުން ދިރާސާ ކުރުމަށްފަހު ނިންމާ ނިންމުމަށް އެކުލަވާލެވޭ ރިޕޯޓެއްގެ މައްޗަށް ބަހުސްކޮށް، ނެގޭ ވޯޓަކަށް ފަހުއެވެ.
އޭސީސީގެ މެމްބަރުން ވަކިކުރުމަށް ވޯޓު ދެއްވީ ކޮމިޓީ ބައްދަލުވުމުގައި ބައިވެރިވި 7 މެމްބަރުންގެ ވޯޓުންނެވެ. މެމްބަރުން ވަކިކުރުމަށް ނުފެންނަ ކަމަށް ވޯޓު ދެއްވީ ވިލިމާލެ ދާއިރާގެ މެމްބަރު އަހުމަދު އުޝާމްއެވެ.
އޭސީސީގައި މިހާރު ތިއްބަވަނީ ކޮމިޝަންގެ ރައީސް މަރިޔަމް ޝިއުނާ، ނާއިބް ރައީސް ފާތުމަތު އަނޫލާ އަދި މެމްބަރު އިބްރާހިމް ޝަކީލް އަދި އައިޝަތު އަބްދުﷲއެވެ. ކޮމިޝަންގެ މެންބަރު އަލީ އަޝްރަފް ވަނީ އޮޑިޓްގެ މަސައްކަތް ފެށުމާއެކު ކޮމިޝަނުން އިސްތިޢުފާ ދެއްވާފައެވެ.
ކިޔުންތެރިންގެ ހިޔާލު