ބަނގްލަދޭޝްގައި ދިރިއުޅޭ ރޮހިންޔާ މުސްލިމުންނަށް ފެންފޯރުކޮށްދިނުމަށް އެހީވުމުގެ ގޮތުން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ފަރާތުން ވަޅެއް ބިނާކޮށްދީފިއެވެ.
އެޗްޑީސީން ބުނީ އެ ކޯޕަރޭޝަންގެ މުވައްޒަފުން ހަދިޔާކުރި ފައިސާއިން ރޮހިންޔާ މުސްލިމުން އުޅޭ ސަރަހައްދުގައި ފެން ވަޅެއް ބިނާކޮށްފައިވާ ކަމަށެވެ. އެޗްޑީސީން ރޮހިންޔާ މުސްލިމުންނަށް ފެން ވަޅެއް ބިނާކުރުމަށް އެހީތެރިކަން ފޯރުކޮށްދީފައިވަނީ ބައިނަލްއަގުވާމީ ފެންވަރުގައި ހިންގާ އިންޓަރނޭޝަނަލް އެއިޑް ކެމްޕޭނު (އައިއޭސީ)ގެ އެއްބާރުލުމާއެކީގައެވެ.
މިކަމާ ގުޅޭގޮތުން އެޗްޑީސީއިން ބުނީ އެ ކޯޕަރޭޝަނުން ކުރި މި މަސައްކަތުން ގިނަ ބަޔަކަށް ސާފުބޯފެން ލިބޭނެ ކަމަށާއި، މިއާއެކު ހާލުގައި ޖެހިފައި ތިބި ރޮހިންޔާގެ ރައްޔިތުންނަށް ސާފުބޯފެން ފަސޭހައިން ލިބުމުގެ މަގު ފަހިވެގެންދާނެކަމަށެވެ.
މީގެއިތުރުން އެޗްޑީސީން ބުނީ މިފަދަ ކަންކަމަށް މީހުންގެ ލޯ ހުޅުވާ، ހޭލުންތެރިކަން އިތުރުކުރުމަކީ ކުރަންޖެހޭ ކަމެއް ކަމަށާއި، ހުރިހާ އެންމެނަށް ވެސް ވެވެން އޮތް ވަރަކުން މިފަދަ އިޖްތިމާއީ ހަރަކާތްތަކުގައި އެހީތެރިކަން ފޯރުކޮށްދިނުމަކީ ވަރަށް މުހިންމު ކަމެއް ކަމަށެވެ.
ބައިނަލްއަގުވާމީ ފެންވަރުގައި ހިންގާ އައިއޭސީ އަކީ 150 އަށްވުރެ ގިނަ ޖަމިއްޔާ، ޖަމާއަތުގެ އެއްބާރުލުމާއެކު "އެހީ" އިން އިސްނަގައިގެން ކުރިއަށް ގެންދާ ހަރަކާތެކެވެ. މި ހަރަކާތުން އަންނަނީ ދުނިޔޭގެ އެކި ހިސާބުތަކުގައި އެހީތެރިކަން ބޭނުންވާ މީހުންނަށް އެހީތެރިކަން ފޯރުކޮށްދެމުން ނެވެ.
މިކަމާ ގުޅޭގޮތުން އެޗްޑީސީއިން ބުނީ އެ ކޯޕަރޭޝަނުން ކުރި މި މަސައްކަތުން ގިނަ ބަޔަކަށް ސާފުބޯފެން ލިބޭނެ ކަމަށާއި، މިއާއެކު ހާލުގައި ޖެހިފައި ތިބި ރޮހިންޔާގެ ރައްޔިތުންނަށް ސާފުބޯފެން ފަސޭހައިން ލިބުމުގެ މަގު ފަހިވެގެންދާނެކަމަށެވެ.
ބައިނަލްއަގުވާމީ ފެންވަރުގައި ހިންގާ އައިއޭސީ އަކީ 150 އަށްވުރެ ގިނަ ޖަމިއްޔާ، ޖަމާއަތުގެ އެއްބާރުލުމާއެކު "އެހީ" އިން އިސްނަގައިގެން ކުރިއަށް ގެންދާ ހަރަކާތެކެވެ. މި ހަރަކާތުން އަންނަނީ ދުނިޔޭގެ އެކި ހިސާބުތަކުގައި އެހީތެރިކަން ބޭނުންވާ މީހުންނަށް އެހީތެރިކަން ފޯރުކޮށްދެމުން ނެވެ.
ކިޔުންތެރިންގެ ހިޔާލު