އެމްޑީޕީގެ ޕާލަމެންޓްރީ ގްރޫޕުގެ ލީޑަރުކަމަށް ކުރިމަތިލެއްވުމަށް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ނިންމަވައިފިއެވެެ.
މީޑިޔާ ތަަކަށް މިއަދު މައުލޫމާތު ދެއްވަމުން ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިިދާޅުވީ އެމްޑީޕީގެ ޕާލަމެންޓްރީ ގްރޫޕުގެ ލީޑަރުކަމަށް ކުރިމަތިލެއްވުމަށް ނިއްމަވާފައިވާ ކަމަަށެވެ. ޕީޖީ ލީޑަރުކަމަށް ކުރިމަތިލައްވަން ނިއްމެވީ ޕީޖީ ގްރޫޕް މިހާރަށްވުރެ ހަރުދަނާ ކުރެއްވުމަށް ކަމަށް އަސްލަމް ވިދާޅުވިއެވެ.
އަސްލަމަކީ މީގެ ކުރިންވެސް އެމްޑީޕީގެ ޕީޖީ ލީޑަރުކަން ކުރައްވާފައިވާ ބޭފުޅެކެެވެ. އޭނާއަކީ އެމްޑީޕީގައި ދެގޮތެއްނުވެ އެޕާޓީ ކުރިއެރުވުމަށް މަސައްކަތްކުރައްވާ އެންމެ ގިނަދުވަސްވީ މެމްބަރުންގެ ތެރޭގައި ހިމެނި ވަޑައިގަންނަވާ ބޭފުޅެކެެވެ. އޭގެއިތުރުން އަސްލަމަކީ މަޖިލީހުގެ 241 ކޮމިޓީގެ މުގައްރިރެވެ.
މި މަހުގެ 28 ވަނަ ދުވަހު ބާއްވާ އެމްޑީޕީގެ ޕާލަމެންޓްރީ ގްރޫޕުގެ އިންތިޚާބުގައި، ޕީޖީ ލީޑަރު ކަމަށް ކުރިމަތިލައްވާނެކަން މިހާތަނަށް އިއުލާން ކުރެއްވި ހަމައެކަނި ބޭފުޅަކީ އަސްލަމެވެެ. އެމަގާމުގައި މިހާރު ހުންނެވީ މެދުހެންވޭރު ދާއިރާގެ މެމްބަރު އަލީ އާޒިމެެވެ. އެމަގާމަށް އަލުން ކުރިމަތިލެއްވުމާމެދު އާޒިމް ވަކިގޮތެއް ނިންމަވާފައެއްނުވެއެވެ.
މި މަހުގެ 28 ވަނަ ދުވަހު ބާއްވާ އެމްޑީޕީގެ ޕާލަމެންޓްރީ ގްރޫޕުގެ އިންތިޚާބުގައި، ޕީޖީ ލީޑަރު ކަމަށް ކުރިމަތިލައްވާނެކަން މިހާތަނަށް އިއުލާން ކުރެއްވި ހަމައެކަނި ބޭފުޅަކީ އަސްލަމެވެެ. އެމަގާމުގައި މިހާރު ހުންނެވީ މެދުހެންވޭރު ދާއިރާގެ މެމްބަރު އަލީ އާޒިމެެވެ. އެމަގާމަށް އަލުން ކުރިމަތިލެއްވުމާމެދު އާޒިމް ވަކިގޮތެއް ނިންމަވާފައެއްނުވެއެވެ.
ކިޔުންތެރިންގެ ހިޔާލު