އިންޑިއާ އައުޓް ގޮވުން ހުއްޓުވާ ބިލަށް އެމްޑީޕީގެ ބައެއް މެންބަރުންގެ ނުތަނަވަސްކަން އެބަހުރި ކަމަށް އެމްޑީޕީގެ ޕާލިމެންޓްރީ ގުރޫޕްގެ ކުރީގެ ލީޑަރު އަދި މެދުހެންވޭރު ދާއިރާގެ މެންބަރު އަލީ އާޒިމް ވިދާޅުވެއްޖެއެެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރު ޢަލީ އާޒިމް ވިދާޅުވީ އެންމެ ފަހުން ބޭއްވި ޕާލިމެންޓަރީ ގްރޫޕްގެ ބައްދަލުވުމުގައި ސަރުކާރުން އެކިއެކި ކަންކަމަށް ބޭނުންވާ މެންބަރުން، އިންޑިއާ އައުޓް ބިލާއި މެދު، ވަރަށް ބޮޑު ހިތްނުތަނަވަސް ކަމެއް އޮތްކަން ފާހަގަވި ކަމަށެވެ. އެހެންކަމުން އަލަށް އިންތިޚާބު ކުރެވުނު އެމްޑީޕީގެ ޕާލިމެންޓްރީ ގްރޫޕްގެ ލީޑަރޝިޕުން އެކަމަށް އަވަސް ޙައްލެއް ހޯއްދަވާނެ ކަމަށް އުއްމީދު ކުރައްވާ ކަމަށް އާޒިމް ވިދާޅުވިއެވެ.
"ސަރުކާރުގެ އެހީތެރިކަމަށް ބޭނުންވާ، ސަރުކާރުގެ އެކި އެކި ކަންކަމަށް ބޭނުންވާ މެންބަރުން އެ ބިލާއި މެދު، ވަރަށް ބޮޑު ހިތްނުތަނަވަސްކަމެއް ގަބޫލު ނޫން ކަމެއްގެ ގޮތުގައި ދެކުނު." އާޒިމް ވިދާޅުވިއެވެ.
ދިވެހިރާއްޖެއިން ބޭރު ގައުމުތަކާއެކު ގާއިމުކޮށްފައިވާ ޚާރިޖީ ގުޅުންތަކަށް ނޭދެވޭ އަސަރުކުރާނެ ފަދަ އަމަލުތައް ހުއްޓުވުމުގެ ބިލެއް ފަރުމާކޮށްފައިވަނީ އެމްޑީޕީގެ މަޖިލީސް މެންބަރުންނެވެ. އިންޑިއާ އައުޓްގެ ނަމުގައި ހިންގާ ޙަރަކާތް ހުއްޓުވުމަށް ޓާގެޓްކޮށްގެން ފަރުމާކޮށްފައިވާ މިބިލު ފާސްކޮށްފައިވަނީ އެމްޑީޕީގެ ޕީޖީ ބައްދަލުވުމުގައެވެ.
މި ބިލުގެ ބޭނުމަކީ ބޭރު ގައުމުތަކާއެކު ގާއިމުކޮށްފައިވާ ހާރިޖީ ގުޅުންތަކަށާއި އެ ގައުމުތަކާއެކު އެކުލަވާލާފައިވާ އެއްބަސްވުންތަކަށް ނޭދެވޭ އަސަރު ކޮށްފާނެ އަމަލުތައް ހުއްޓުވުން ކަމަށް ބިލުގެ ޑްރާފްޓްގައިވެއެވެ. އެގޮތުން ޤާނޫނީ ހަމަތަކުގެ މަތިން ޤައުމުތަކާއެކު ޤާއިމްކޮށްފައިވާ ގުޅުންތަކަށް ބުރޫއަރާ ގޮތަށް ދިވެހި ރައްޔިތުންގެ ނަމުގައި ވަކި ބަޔަކު ނުވަތަ ސިޔާސީ ޕާޓީއަކުން މުޒާހަރާކުރުމާއި ސިޔާސީ ހަރަކާތް ހިންގުން ވަނީ މަނާކޮށްފައެވެ.
އެފަދަ ޢަމަލެއްކުރާ މީހުންނަށް ލިބޭ އަދަބުތަކުގެ ގޮތުގައި ޖޫރިމަނާ ކުރުމާއި ގޭގައި ބަންދު ކުރުމާއި ޖަލު އަދަބު ދިނުން ހިމެނެއެވެ. މި ބިލަށް ކުރިއަށްއޮތް ތަނުގައި އިތުރު ބަދަލުތައް އައުމަކީ އެކަށީގެންވާ ކަމެއް ކަމަށް ވެއެވެ.
ޖުމްލަ 9 މާއްދާގެ މައްޗަށް އެކުލަވާލާފައިވާ މި ބިލު ޤާނޫނަކަށް ވުމުން ހަދަންޖެހޭ ޤަވާއިދުތައް ތިންމަސް ދުވަހުގެ ތެރޭގައި ހެދުމަށް މަތިކޮށްފައިވަނީ ޚާރިޖީ ވަޒީރަށެވެ.
"ސަރުކާރުގެ އެހީތެރިކަމަށް ބޭނުންވާ، ސަރުކާރުގެ އެކި އެކި ކަންކަމަށް ބޭނުންވާ މެންބަރުން އެ ބިލާއި މެދު، ވަރަށް ބޮޑު ހިތްނުތަނަވަސްކަމެއް ގަބޫލު ނޫން ކަމެއްގެ ގޮތުގައި ދެކުނު." އާޒިމް ވިދާޅުވިއެވެ.
ދިވެހިރާއްޖެއިން ބޭރު ގައުމުތަކާއެކު ގާއިމުކޮށްފައިވާ ޚާރިޖީ ގުޅުންތަކަށް ނޭދެވޭ އަސަރުކުރާނެ ފަދަ އަމަލުތައް ހުއްޓުވުމުގެ ބިލެއް ފަރުމާކޮށްފައިވަނީ އެމްޑީޕީގެ މަޖިލީސް މެންބަރުންނެވެ. އިންޑިއާ އައުޓްގެ ނަމުގައި ހިންގާ ޙަރަކާތް ހުއްޓުވުމަށް ޓާގެޓްކޮށްގެން ފަރުމާކޮށްފައިވާ މިބިލު ފާސްކޮށްފައިވަނީ އެމްޑީޕީގެ ޕީޖީ ބައްދަލުވުމުގައެވެ.
މި ބިލުގެ ބޭނުމަކީ ބޭރު ގައުމުތަކާއެކު ގާއިމުކޮށްފައިވާ ހާރިޖީ ގުޅުންތަކަށާއި އެ ގައުމުތަކާއެކު އެކުލަވާލާފައިވާ އެއްބަސްވުންތަކަށް ނޭދެވޭ އަސަރު ކޮށްފާނެ އަމަލުތައް ހުއްޓުވުން ކަމަށް ބިލުގެ ޑްރާފްޓްގައިވެއެވެ. އެގޮތުން ޤާނޫނީ ހަމަތަކުގެ މަތިން ޤައުމުތަކާއެކު ޤާއިމްކޮށްފައިވާ ގުޅުންތަކަށް ބުރޫއަރާ ގޮތަށް ދިވެހި ރައްޔިތުންގެ ނަމުގައި ވަކި ބަޔަކު ނުވަތަ ސިޔާސީ ޕާޓީއަކުން މުޒާހަރާކުރުމާއި ސިޔާސީ ހަރަކާތް ހިންގުން ވަނީ މަނާކޮށްފައެވެ.
ޖުމްލަ 9 މާއްދާގެ މައްޗަށް އެކުލަވާލާފައިވާ މި ބިލު ޤާނޫނަކަށް ވުމުން ހަދަންޖެހޭ ޤަވާއިދުތައް ތިންމަސް ދުވަހުގެ ތެރޭގައި ހެދުމަށް މަތިކޮށްފައިވަނީ ޚާރިޖީ ވަޒީރަށެވެ.
ކިޔުންތެރިންގެ ހިޔާލު