ރައްޔިތުންގެ މަޖިލީހުގެ ރައީސް ޖުޑިޝަލް ސާވިސް ކޮމިޝަންގައި އިންނެވުމަކީ ރަނގަޅުކަމެއް ނޫން ކަމަށް ރައްޔިތުންގެ މަޖިލީހުގެ އައްޑޫ ހުޅުދޫ ދާއިރާގެ މެންބަރު އިލިޔާސް ލަބީބު ވިދާޅުވެއްޖެއެވެ.
ޖުޑީޝަލް ސާވިސް ކޮމިޝަން (ޖޭއެސްސީ) ގައި ސިޔާސީ މީހުންނަށް ނުތިބެވޭ ގޮތަށް އެ ކޮމިޝަން އެކުލަވާލުމަށް މަހިބަދޫ ދާއިރާގެ މެންބަރު އަހްމަދު ތޯރިގް ހުށައެޅުއްވި އިސްލާހުގެ ބަހުސް މަޖިލީހުގައި މިއަދު ވަނީ ކުރިއަށް ގެންގޮސްފައެވެ. އެ ބަހުސްގައި ވާހަކަ ދައްކަވަމުން މެންބަރު އިލިޔާސް ލަބީބު ވިދާޅުވީ ރައްޔިތުންގެ މަޖިލީހުގެ ރައީސް ޖުޑިޝަލް ސާވިސް ކޮމިޝަންގައި އިންނެވުމަކީ ރަނގަޅުކަމެއް ނޫން ކަމަަށެވެ.
އެހެންނަމަވެސް ރައްޔިތުން އިންތިޚާބުކޮށްފައިވާ މެންބަރަކު އެ ކޮމިޝަނުގައި އިންނެވުމަކީ ބޭނުންތެރިކަމެއް ކަމަށް އިލިޔާސް ވިދާޅުވިއެވެ. ހަމައެއާއެކު ދަޢުލަތުގެ އެންމެ އިސްފަރާތުގެ ޙައިސިއްޔަތުން ރައީސުލްޖުމްހޫރިއްޔާގެ ފަރާތުންވެސް މެންބަރަކު އިނުން މުހިންމު ކަމަށާއި އެގޮތުން ބަންޑާރަނައިބަކީ އެމަޤާމަށް އެންމެ އެކަށޭނަ ފަރާތްކަމަށް އިލިޔާސް ވިދާޅުވިއެވެ.
"މަޖިލީހުގެ ރައީސަކީ ދައުލަތުގެ އެއްބާރުގެ ވެރިޔާ، އެހެންކަމުން ދައުލަތުގެ އެއްބާރުގެ ވެރިޔާ ޖޭއެސްސީގައި އިނުމަކީ އެހާ ރަނގަޅުގޮތެއް ކަމަކަށް ފާހަގައެއް ނުކުރެވޭ." އިލިޔާސް ލަބީބް މިއަދު ވިދާޅުވިއެވެ.
އޭގެއިތުރުން އިލިޔާސް ވިދާޅުވީ ފަނޑިޔާރުންގެ ސުލޫކީ މައްސަލަ ބަލާ ކޮމިޝަނެއްގައި ގިނަ ޢަދަދެއްގެ ފަނޑިޔާރުން ތިބުމަކީ މަސްލަޙަތު ފުށުއަރާނެ ކަމެއް ކަމަށެވެ. އެހެން ކަމުން އެއީ ވިސްނަންޖެހޭ ނުކުތާއެއް ކަމަށް އިލިޔާސް ފާހަގަކުރެއްވިއެވެ. އަދި ސުޕްރީމް ކޯޓުގެ ފަނޑިޔާރުންގެ އަދަދުވެސް ޤާނޫނުއަސާސީގައި ލިޔަންޖެހޭ ކަމަށް މެންބަރު އިލިޔާސް ވިދާޅުވިއެވެ.
މެންބަރު އަހްމަދު ޠާރިޤް ހުށަހެޅުއްވި އިސްލާހުގެ ބިލުގެ ބަހުސް މަރުހަލާ ފެށުމަށް ބޭއްވި މަޖިލީހުގެ ޖަލްސާގައި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ މަޖިލީހުގެ ރައީސަކީ ދައުލަތުގެ އެއްބާރުގެ ވެރިޔާކަމަށް ވެފައި މަޖިލީހުގެ ރައީސް ޖޭއެސްސީގައި އިންނެވުމަކީ ނިޒާމުގެ އުނިކަމެއް ކަމަށެވެ. އެހެންނަމަވެސް މަޖިލީހުގެ މެމްބަރަކު ޖޭއެސްސީގައި އިންނެވުމަކީ އެތަނަށް ސިޔާސީ ބާރުވެރިކަން ފޯރަންޖެހޭ މިންވަރަށް ފޯރުމަށް ބޭނުންތެރިކަމެއް ކަމަށް ދެކެވަޑައިގަންނަވާ ކަމަށް ރައީސް ނަޝީދު ވިދާޅުވިއެވެ.
މެމްބަރު ޠާރިޤު މީގެކުރިން އެ ބިލް ހުށަހެޅުއްވުމުން މަޖިލީހުން ވަނީ ބިލް ބޭރުކޮށްލާފަ އެވެ. ޖޭއެސްސީ އިސްލާހު ކުރުމަކީ މި ސަރުކާރުގެ ރިޔާސީ ވައުދެކެެވެ.
އެހެންނަމަވެސް ރައްޔިތުން އިންތިޚާބުކޮށްފައިވާ މެންބަރަކު އެ ކޮމިޝަނުގައި އިންނެވުމަކީ ބޭނުންތެރިކަމެއް ކަމަށް އިލިޔާސް ވިދާޅުވިއެވެ. ހަމައެއާއެކު ދަޢުލަތުގެ އެންމެ އިސްފަރާތުގެ ޙައިސިއްޔަތުން ރައީސުލްޖުމްހޫރިއްޔާގެ ފަރާތުންވެސް މެންބަރަކު އިނުން މުހިންމު ކަމަށާއި އެގޮތުން ބަންޑާރަނައިބަކީ އެމަޤާމަށް އެންމެ އެކަށޭނަ ފަރާތްކަމަށް އިލިޔާސް ވިދާޅުވިއެވެ.
"މަޖިލީހުގެ ރައީސަކީ ދައުލަތުގެ އެއްބާރުގެ ވެރިޔާ، އެހެންކަމުން ދައުލަތުގެ އެއްބާރުގެ ވެރިޔާ ޖޭއެސްސީގައި އިނުމަކީ އެހާ ރަނގަޅުގޮތެއް ކަމަކަށް ފާހަގައެއް ނުކުރެވޭ." އިލިޔާސް ލަބީބް މިއަދު ވިދާޅުވިއެވެ.
އޭގެއިތުރުން އިލިޔާސް ވިދާޅުވީ ފަނޑިޔާރުންގެ ސުލޫކީ މައްސަލަ ބަލާ ކޮމިޝަނެއްގައި ގިނަ ޢަދަދެއްގެ ފަނޑިޔާރުން ތިބުމަކީ މަސްލަޙަތު ފުށުއަރާނެ ކަމެއް ކަމަށެވެ. އެހެން ކަމުން އެއީ ވިސްނަންޖެހޭ ނުކުތާއެއް ކަމަށް އިލިޔާސް ފާހަގަކުރެއްވިއެވެ. އަދި ސުޕްރީމް ކޯޓުގެ ފަނޑިޔާރުންގެ އަދަދުވެސް ޤާނޫނުއަސާސީގައި ލިޔަންޖެހޭ ކަމަށް މެންބަރު އިލިޔާސް ވިދާޅުވިއެވެ.
މެމްބަރު ޠާރިޤު މީގެކުރިން އެ ބިލް ހުށަހެޅުއްވުމުން މަޖިލީހުން ވަނީ ބިލް ބޭރުކޮށްލާފަ އެވެ. ޖޭއެސްސީ އިސްލާހު ކުރުމަކީ މި ސަރުކާރުގެ ރިޔާސީ ވައުދެކެެވެ.
ކިޔުންތެރިންގެ ހިޔާލު