ރަސްމީ ދަތުރުފުޅެއްގައި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު މޯލްޓާއަށް ފުރާވަޑައިގަންނަވައިފިއެވެ.
ރައްޔިތުންގެ މަޖިލީހުގެ އިދާރާއިން މިރޭ ބުނެފައިވަނީ ރައީސް ނަޝީދު މޯލްޓާއަށް ކުރަށްވާ މިދަރުރުފުޅަކީ، "ވޯލްޑް ފޯރަމް ފޮރ ކަލްޗަރ އެންޑް ޕީސް، އަބްދުލްއަޒީޒް ސައުދު އަލްބަޓައިން" ގައި ބައިވެރިވެވަޑައިގަތުމަށް ކުރަށްވާ ދަތުރުފުޅެއް ކަމަށެވެ. މި ފޯރަމްގައި ރައީސް ނަޝީދު ތަޤުރީރު ކުރެއްވުމަށް ހަމަޖެހިފައިވާ ކަމަށްވެސް މަޖިލީހުގެ އިދާރާއިން ވަނީ ހާމަކޮށްފައެވެ.
ވޯލްޑް ފޯރަމް ފޮރ ކަލްޗަރ އެންޑް ޕީސްގެ 2 ވަނަ އެޑިޝަން މޯލްޓާގައި ބޭއްވުމަށް ހަމަޖެހިފައިވަނީ މިމަހުގެ 3 އަދި 4 ގައެވެ.
މި ދަތުރުފުޅުގައި ރައީސް ނަޝީދުގެ އަރިހުގައި ހުޅުމާލެ ދާއިރާގެ މެމްބަރު އަލީ ނިޔާޒާއި، ގަލޮޅު ދެކުނު ދާއިރާގެ މެމްބަރު މީކާއީލް ނަސީމް ބައިވެރިވެވަޑައިގަންނަވައެވެ.
މި ދަތުރުފުޅުގައި ރައީސް ނަޝީދުގެ އަރިހުގައި ހުޅުމާލެ ދާއިރާގެ މެމްބަރު އަލީ ނިޔާޒާއި، ގަލޮޅު ދެކުނު ދާއިރާގެ މެމްބަރު މީކާއީލް ނަސީމް ބައިވެރިވެވަޑައިގަންނަވައެވެ.
ކިޔުންތެރިންގެ ހިޔާލު