އިދިކޮޅު ލީޑަރ ރައީސް ޢަބްދުالله ޔާމީން ހައްޔަރުކުރުމަށް ގޮވާލާ ޑީއާރުޕީގެ ލީޑަރ އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު ޢަބްދުﷲ ޖާބިރު ހުށައެޅި މައްސަލަ މަޖިލީހުން ބޭރުކޮށްފިއެވެ.
މެންބަރު ޖާބިރު ހުށައެޅުއްވި މައްސަލާގައި ބުނެފައިވަނީ ރައީސް ޔާމީން އިސްވެހުންނަވައި ކުރިއަށް ގެންދަވާ އިންޑިއާ އައުޓް ޙަރަކާތަކީ ނާތަހުޒީބު ޙަރަކާތެއް ކަމަށެވެ. އެހެންކަމުން ގާނޫނާއި ގަވާއިދުގެ ތެރެއިން ދިވެހިރާއްޖޭގެ އަސްކަރިއްޔާ މެދުވެރިކޮށް މިހިނދުން މިހިނދަށް ރައީސް ޔާމީން ހައްޔަރުކޮށް ބަންދުކުރުމަށް މި މައްސަލާގައިވެއެވެ.
"ނާތަހުޒީބު ގައުމުތަކުގައި އަމަލު ކުރަމުންދާ ޑްރަގް ޑީލަރުން ފަދައިން ކުރީގެ ރައީސް ޔާމީން ކުރައްވާފައިވާ ވައްކަންތަކާއި ޖަރީމާތަށް، ފޮރުވުމަށްޓަކައި އިންޑިއާ އައުޓްގެ ނަމުގައި ރާއްޖޭގައި ހިންގަމުންދާ ހަރަކާތަކީ ރައްޔިތުންގެ މެދުގައި އޮތް އެކުވެރިކަމާއި އަޚުވަންތަކަން ގެއްލުވާލާ، އަވަށްޓެރި ގައުމުތަކުން ރާއްޖެއަށް ދެމުންދާ އެހީތެރިކަމަށް ހުރަސްއެޅި ރާއްޖޭގެ ތަރައްގީއަށް ހުރަސް އެޅޭ ކަމެއް." ޖާބިރުގެ ކުއްލި މައްސަލާގައިވެއެވެ.
މައްސަލާގައި އިތުރަށް ބުނެފައިވަނީ ދިވެހިރާއްޖޭގެ ރައީސުލްޖުމްހޫރިއްޔާ ޢިބްރާހިމް މުޙައްމަދު ޞާލިހް ރާއްޖެއަށް ގެނެސްދެމުންދާ ތަރައްޤީއާއި ތަމަށްދުންގެ ބާރު ދުވެއްޔަކީ ދުވަހަކުވެސް ރާއްޖެއިން ފެނިފައި ނުވާފަދަ ލާމަސީލު މިސާލެއް ކަމަށެވެ.
މި ކުއްލި މައްސަލަ އަށް ބަހުސް ކުރަން ފެނޭތޯ ނެގި ވޯޓުގައި 27 މެމްބަރުން ވޯޓު ދެއްވީ ބަހުސް ކުރަން ނުފެންނަ ކަމަށެވެ. އަދި ހަތަރު މެމްބަރަކު ވޯޓު ދެއްވާފައި ވަނީ ބަހުސް ކުރަން ފެންނަ ކަމަށެވެ.
"ނާތަހުޒީބު ގައުމުތަކުގައި އަމަލު ކުރަމުންދާ ޑްރަގް ޑީލަރުން ފަދައިން ކުރީގެ ރައީސް ޔާމީން ކުރައްވާފައިވާ ވައްކަންތަކާއި ޖަރީމާތަށް، ފޮރުވުމަށްޓަކައި އިންޑިއާ އައުޓްގެ ނަމުގައި ރާއްޖޭގައި ހިންގަމުންދާ ހަރަކާތަކީ ރައްޔިތުންގެ މެދުގައި އޮތް އެކުވެރިކަމާއި އަޚުވަންތަކަން ގެއްލުވާލާ، އަވަށްޓެރި ގައުމުތަކުން ރާއްޖެއަށް ދެމުންދާ އެހީތެރިކަމަށް ހުރަސްއެޅި ރާއްޖޭގެ ތަރައްގީއަށް ހުރަސް އެޅޭ ކަމެއް." ޖާބިރުގެ ކުއްލި މައްސަލާގައިވެއެވެ.
މި ކުއްލި މައްސަލަ އަށް ބަހުސް ކުރަން ފެނޭތޯ ނެގި ވޯޓުގައި 27 މެމްބަރުން ވޯޓު ދެއްވީ ބަހުސް ކުރަން ނުފެންނަ ކަމަށެވެ. އަދި ހަތަރު މެމްބަރަކު ވޯޓު ދެއްވާފައި ވަނީ ބަހުސް ކުރަން ފެންނަ ކަމަށެވެ.
ކިޔުންތެރިންގެ ހިޔާލު