ނައިފަރުގެ ބިމުން އެންމެ އިންޗިއެއް ވެސް އިންޑިއާއަށް ނުދޭނެކަމަށްވަންޏާ ނައިފަރުގެ ބިން ބޮޑު ކޮށްދެއްވާނެކަމަށް ކުރީގެ ރައީސް އަދި އިދިކޮޅު ލީޑަރ ޢަބްދުﷲ ޔާމީން ޢަބްދުލް ގައްޔޫމް މިއަދު ވިދާޅުވެއްޖެއެވެ.
ރައީސް ޔާމީން އިސްވެ ހުންނަވާ ކުރިޔަށް ގެންދާ "އިންޑިއާ އައުޓް" ކެމްޕޭނުގެ ދަށުން މިއަދު އެމަނިކުފާނުވަނީ ޅ. ނައިފަރަށް ވަޑައިގެން އެރަށުގައި ބޭއްވި އިންޑިއާއައުޓް ހަރަކާތުގައި ބައިވެރިވަޑައިގެން އިންޑިއާ ސިފައިން ރާއްޖޭގައި ތިބޭ މައްސަލައާއި ގުޅޭގޮތުން ގިނަ ވާހަކަފުޅުތަކެއް ދައްކަވާފައެވެ.
އެގޮތުން، ނައިފަރު ރައްޔިތުންނާ މުހާތަބު ކުރައްވާ ރައީސް ޔާމީން ވިދާޅުވީ، އެމަނިކުފާނު ހިމެނިވަޑައިގަންނަވާގޮތަށް ދެން އުފެދޭ ސަރުކާރެއްގައި، ނައިފަރުގެ ބިން ބޮޑު ކޮށްދެއްވާނެ ކަމަށެވެ. ނަމަވެސް، އެއީ ނައިފަރުގެ ބިމުން އެންމެ އިންޗިއެއް ވެސް އިންޑިއާއަށް ނުދޭމަތިން ކަމަށްވެސް އެމަނިކުފާނު ވިދާޅުވިއެވެ.
"ނައިފަރުގެ ބިމުން އިންޗިއެއްވެސް ނުދެއްވާތި. މާފިލާފުށީގައި (އިންޑިއާ ސިފައިން) އެބަތިބި. ނައިފަރުގެ ބިމުން އެންމެ އިންޗިއެއްވެސް ނުދޭކަމަށްވަންޏާ، ﷲ ގެ ރަހުމަތާއެކީ އަޅުގަނޑުމެން 2023 އިރާދަކުރެއްވިއްޔާ ކާމިޔާބު ކުރާނަން. ކާމިޔާބު ކުރުމާއެކު އިރާދަކުރެއްވިއްޔާ ނައިފަރުގެ ބިން ބޮޑުކުރަން ފަށާފައިވާ މަސައްކަތް އިރާދަކުރެއްވިއްޔާ ބޮޑުކޮށް ނިންމާނަން." ރައީސް ޔާމީން ވިދާޅުވިއެވެ.
ނައިފަރުގައި ބޭއްވި ރެލީގައި ވާހަކަފުޅު ދައްކަވަމުން ރައީސް ޔާމީންވަނީ އިންޑިއާ ސިފައިން ރާއްޖޭގައި ތިބޭ މައްސަލައަށް ތަފުސީލުކޮށް ވާހަކަ ދައްކަވާފައެވެ. އެގޮތުން އެމަނިކުފާނު ވިދާޅުވީ، މައިގަނޑުގޮތެއްގައި ކަންބޮޑުވާ އޮތީ ދެ އެއްބަސްވުމެއް ކަމަށާއި އޭގެ އިތުރަށް ތަހުލީލު ކުރުމުގެ ނަމުގައި ވެސް ބައިވަރު އެއްބަސްވުންތައް އެބަހުރި ކަމަށެވެ. އެ އެއްބަސްވުންތައް އެމަނިކުފާނު ހިމެނޭ ސަރުކާރެއްގައި ބާތިލު ކުރައްވާނެކަމަށް ވިދާޅުވިއެވެ.
ރައީސް ޔާމީންގެ މައްޗަށް ކުރި ޖަލުހުކުމުން އެމަނިކުފާނު ސަލާމަތްވެވަޑައިގެން ހިސާބުން ފެށިގެން އެމަނިކުފާނު ގެންދަވަނީ އިންޑިއާ ސިފައިން ރާއްޖޭގައި ތިބޭ ތިބުމާއި ދެކޮޅަށް ފާޅުގައި ނުކުންނަވައި ވާހަކަފުޅު ދައްކަވަމުންނެވެ. އެމަނިކުފާނުގެ މި ހަރަކާތް ހުއްޓުވުމަށް ސަރުކާރާއި ސަރުކާރު ހިންގާ މައިޕާޓީން މަސައްކަތް ކުރި ނަމަވެސް އެކަން އަދި ކާމިޔާބުވާ ގޮތެއް ނުވެއެވެ. ސަރުކާރާއި އެމްޑީޕީގެ އިސް ބޭފުޅުން ވެސް ވިދާޅުވަނީ ރައީސް ޔާމިންގެ މި އަމަލުފުޅަކީ ގަސްތުގައި އިންޑިއާއާއި ރާއްޖެއާއި ދެމެދުއޮތް ޒަމާންވީ ގުޅުމަށް ބުރޫ އަރުވައި އަވަށްޓެރި ގައުމަކާއި ޖެއްސުމަށް ކުރަށްވާ ކަމެއް ކަމަށެވެ. އަދި ރައީސް ޔާމީންގެ މި އަމަލުފުޅުގެ ސަބަބުން ދޭދޭ ގައުމުތަކާއި ރާއްޖެއާއި ދެމެދު އޮތް ގުޅުން ތަކަށް ބުރޫއަރާނެ ކަމަށްވެސް ސަރުކާރުން ބުނެއެވެ.
ސަރުކާރު ހިންގާ މައިޕާޓީ، އެމްޑީޕީން މިހާރު ވަނީ އިންޑިއާ އައުޓް ގޮވުން ހުއްޓުވުމަށް މަޖިލީހަށް ބިލެއް ވެއްދުމުގެ މަސައްކަތް ވެސް ފަށާފައެވެ.
އެގޮތުން، ނައިފަރު ރައްޔިތުންނާ މުހާތަބު ކުރައްވާ ރައީސް ޔާމީން ވިދާޅުވީ، އެމަނިކުފާނު ހިމެނިވަޑައިގަންނަވާގޮތަށް ދެން އުފެދޭ ސަރުކާރެއްގައި، ނައިފަރުގެ ބިން ބޮޑު ކޮށްދެއްވާނެ ކަމަށެވެ. ނަމަވެސް، އެއީ ނައިފަރުގެ ބިމުން އެންމެ އިންޗިއެއް ވެސް އިންޑިއާއަށް ނުދޭމަތިން ކަމަށްވެސް އެމަނިކުފާނު ވިދާޅުވިއެވެ.
"ނައިފަރުގެ ބިމުން އިންޗިއެއްވެސް ނުދެއްވާތި. މާފިލާފުށީގައި (އިންޑިއާ ސިފައިން) އެބަތިބި. ނައިފަރުގެ ބިމުން އެންމެ އިންޗިއެއްވެސް ނުދޭކަމަށްވަންޏާ، ﷲ ގެ ރަހުމަތާއެކީ އަޅުގަނޑުމެން 2023 އިރާދަކުރެއްވިއްޔާ ކާމިޔާބު ކުރާނަން. ކާމިޔާބު ކުރުމާއެކު އިރާދަކުރެއްވިއްޔާ ނައިފަރުގެ ބިން ބޮޑުކުރަން ފަށާފައިވާ މަސައްކަތް އިރާދަކުރެއްވިއްޔާ ބޮޑުކޮށް ނިންމާނަން." ރައީސް ޔާމީން ވިދާޅުވިއެވެ.
ނައިފަރުގައި ބޭއްވި ރެލީގައި ވާހަކަފުޅު ދައްކަވަމުން ރައީސް ޔާމީންވަނީ އިންޑިއާ ސިފައިން ރާއްޖޭގައި ތިބޭ މައްސަލައަށް ތަފުސީލުކޮށް ވާހަކަ ދައްކަވާފައެވެ. އެގޮތުން އެމަނިކުފާނު ވިދާޅުވީ، މައިގަނޑުގޮތެއްގައި ކަންބޮޑުވާ އޮތީ ދެ އެއްބަސްވުމެއް ކަމަށާއި އޭގެ އިތުރަށް ތަހުލީލު ކުރުމުގެ ނަމުގައި ވެސް ބައިވަރު އެއްބަސްވުންތައް އެބަހުރި ކަމަށެވެ. އެ އެއްބަސްވުންތައް އެމަނިކުފާނު ހިމެނޭ ސަރުކާރެއްގައި ބާތިލު ކުރައްވާނެކަމަށް ވިދާޅުވިއެވެ.
ސަރުކާރު ހިންގާ މައިޕާޓީ، އެމްޑީޕީން މިހާރު ވަނީ އިންޑިއާ އައުޓް ގޮވުން ހުއްޓުވުމަށް މަޖިލީހަށް ބިލެއް ވެއްދުމުގެ މަސައްކަތް ވެސް ފަށާފައެވެ.
ކިޔުންތެރިންގެ ހިޔާލު