ދިވެހި ސިފައިންނަށް އިތުބާރާއި އިހްތިރާމް ހޯއްދަވައިދެއްވުމަށް ރައީސް އިބްރާހިމް މުހައްމަދު ސޯލިހް ވެވަޑައިގެންނެވި ވައުދު ފުއްދަވައި ދެއްވައިފި ކަމަށް ގަބޫލުކުރެއްވޭ ކަމަށް ޑިފެންސް މިނިސްޓަރ މާރިޔާ އަހުމަދު ދީދީ ވިދާޅުވެއްޖެ އެވެ.

އެކަމަނާ މިހެން ވިދާޅުވީ ކޯވިޑް-19 އިން އަރައިގަތުމަށް ކުރާ މަސައްކަތުގައި ސިފައިންގެ ދައުރުގެ މުހިންމުކަން ފާހަގަކުރައްވައި އެމްއެންޑީއެފްގެ މީޑިއާއިން ތައްޔާރުކޮށްފައިވާ ވީޑިއޯ ރިޕޯޓެއް ހިއްސާކުރައްވައި ކުރެއްވި ޓުވީޓެއްގައެވެ.

ޑިފެންސް މިނިސްޓަރު މާރިޔާ ވިދާޅުވީ ރައީސްކަމުގެ މަގާމުގެ ހުވާ ކުރެއްވުމަށް ފަހު، ސިފައިންނަކީ ރައްޔިތުންގެ އިތުބާރާއި އިހުތިރާމް ލިބިފައިވާ ބަޔަކަށް ހައްދަވާނެ ކަމުގެ ވައުދު ރައީސް ވެވަޑައިގެންނެވި ކަމަށެވެ.

"މިއަދު އެމްއެންޑީއެފްއާ ގުޅޭ ގޮތުން ރައްޔިތުން ހިއްސާކުރާ އިހުސާސްތަކުން ރައީސްގެ މި ވައުދު ފުދިއްޖެ ކަމަށް ގަބޫލް ކުރެވޭ." މާރިޔާ ކުރެެއްވި ޓުވީޓްގައި ވިދާޅުވެފައިވެއެވެ.

HEP @ibusolih verikamage huva kuravva “Sifainaky rayithunge ithbaraai ihthiraam” libifaiva bayakah haddhavaane kamah vidhaalhuvi. Miadhu @MNDF_Official aa gulhey gothun rayyithun hissaa kuraa ihsaas thakun Raees ge mi Vaudh fudhijje kamah qabool kurevey🙏https://t.co/HMIBLD9CsA

— Mariya Didi 🎈 (@MariyaDidi) May 29, 2020

ކޯވިޑް-19އާ ދެކޮޅަށް ކުރާ ހުރިހާ މަސައްކަތެއްގައިހެން އިސްކޮށް ސިފައިން ހަރަކާތްތެރި ވަމުން އަންނަކަން ފާހަގަކުރެވެއެވެ. ކަރަންޓީން ފެސިލިޓީތައް ބެލެހެއްޓުމާއި ކަރަންޓީން ފެސިލިޓީތަކާއި އައިސޮލޭޝަން ފެސިލިޓީތަކުގައި ތިބި މީހުންނަށް ހިދުމަތް ދިނުމަށް ވެސް ގިނަ އަދަދެއްގެ ސިފައިން ބައިވެރިވެއެވެ. މީގެ އިތުރުން ކޯވިޑް-19 އަށް ފަރުވާ ދިނުމަށް ހާއްސަކޮށްގެން ހުޅުމާލޭގައި ހަދާފައިވާ މެޑިކަލް ފެސިލިޓީގެ މަސައްކަތުގައި ސިފައިން ވަނީ ބުރަމަސައްކަތްތަކެއް ކޮށްފައެވެ.