ހުޅުމާލޭ ބަނދަރުގެ ޖާގަ އިތުރުކުރުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އާއި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން އެއްބަސްވުމެއްގައި ސޮއިކޮށްފިއެވެ.

މޯލްޑިވްސް ޕޯޓްސް ލިމިޓެޑުން ބުނީ ގުޅީފަޅު ބަނދަރުގެ މަޝްރޫއު ލަސްވާތީ، ހުޅުމާލެ ބަނދަރާ އިންވެގެން އޮންނަ ހުސް ބިން އެމްޕީއެލްއާ ހަވާލުކުރުމުގެ އެއްބަސްވުމުގައި އެޗްޑީސީއާއެކު ސޮއިކޮށްފައިވާ ކަމަށެވެ. މި ބިން އެމްޕީއެލްއަށް ހަވާލުކުރީ ދެ އަހަރުގެ މުއްދަތަށެވެ.

މި އެއްބަސްވުމުގެ ދަށުން 120،000 އަކަފޫޓަށްވުރެ ބޮޑު ސަރަހައްދެއް ހުޅުމާލޭ ބަނދަރަށް އިތުރުކުރުމަށް ވަނީ ހަމަޖެހިފައެވެ. އަލަށް އިތުރުކުރާ ބިމުގެ ސަބަބުން ބަނދަރުގައި އެއްފަހަރާ ބެހެއްޓޭ ކޮންޓެއިނަރުގެ އަދަދު 3،000 އަށް އިތުރުވާނެ ކަމަށް އެމްޕީއެލް އިން ވަނީ ބުނެފައެވެ.

We have signed a land lease agreement with @hdcmaldives to expand our Hulhumalé Terminal’s container yard capacity. This would significantly improve our operational efficiency. pic.twitter.com/GsR1MDR8zw

— Maldives Ports Limited (@Portmv) March 23, 2022

އެމްޕީއެލް އިން ބުނީ ހުޅުމާލޭ ބަނދަރު ބޭނުންކުރާނީ މުދާ ހުސްކުރާ ކޮންޓޭނަރުތައް ބެހެއްޓުމަށް ކަމަށެވެ. އަދި އެކަމުގެ ސަބަބުން މާލޭ ބަނދަރުން ޖާގަ ހުސްކޮށް، މުދާ ކުލިއާ ކުރުމަށް ހިނގާ ވަގުތު އަވަސްވާނެ ކަމަށާއި ހުޅުމާލޭ ބަނދަރުގެ އޮޕަރޭޝަންތަކަށް ވެސް ލުއިތަކެއް ލިބިގެންދާނެ ކަމަށް އެމްޕީއެލް އިން ވަނީ ހާމަކޮށްފައެވެ.