ކޯވިޑް-19 އަށް ރާއްޖެއިން އިތުރު 44 މީހުން ޕޮޒިޓިވް ވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ރޭ މެންދަމު ބުނީ އަނެއްކާވެސް އިތުރު 44 މީހުން ރާއްޖެއިން ބައްޔަށް ޕޮޒިޓިވްވެފައިވާ ކަމަށެވެ. މިފަހަރު ރާއްޖެއިން ބައްޔަށް ޕޮޒިޓިވްވި 44 މީހުންނާއެކު ރާއްޖެއިން ބައްޔަށް ޕޮޒިޓިވްވި މީހުންގެ ޖުމުލަ އަދަދު މިހާރު ވަނީ 1591 އަށް އަރައިފައެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރިގޮތުގައި ރޭ ރާއްޖެއިން ޕޮޒިޓިވްވެފައިވަނީ 13 ދިވެހިންނާއި ބަނގްލަދޭޝްގެ 29 މީހަކާއި އިންޑިއާ 2 މީހެކެވެ. ބައްޔަށް ފަރުވާ ލިބިގެން ރަނގަޅުވެފައިވާ މީހުންގެ އަދަދު މިހާރު ވަނީ 190 އަށްވުރެ މަތީގައެވެ.