މިއަހަރުގެ ރަމަޟާން ޢިނާޔަތް ނުލިބޭނަމަ މައްސަލަ ހުށައެޅުމަށް ލޭބަރ ރިލޭޝަންސް އޮތޯރިޓީން އެދިއްޖެއެވެ.
ވަޒީފާ އަދާކުރާ ކޮންމެ މުސްލިމު މުވައްޒަފަކަށް ރޯދަ މަހުގެ އިނާޔަތުގެ ގޮތުގައި 3000 ރުފިޔާ ދިނުމަށް ވަޒީފާއާއިބެހޭ ޤާނޫނުގައި ވަނީ ބަޔާންކޮށްފައެވެ. އެގޮތުން މުސާރަ ލިބޭގޮތަށް އެއް ވަޒީފާއަށް ވުރެ ގިނަ ވަޒީފާ އަދާކުރާ މުވައްޒަފުންނަށް ޢިނާޔަތުގެ ފައިސާ ދޭ އިރު، ހަމައެކަނި އެ މުވައްޒަފެއްގެ އަސާސީ ވަޒީފާ އޮންނަ އޮފީހަކުން އިނާޔަތުގެ ފައިސާ ދިނުމަށާއި އަދި އިތުރު ވަޒީފާ އަދާކުރާ އޮފީހަކުން އިނާޔަތުގެ ފައިސާ ނުދިނުމަށް ޤާނޫނުގައި ވަނީ ކަނޑައަޅާފައެވެ.
ލޭބަރ ރިލޭޝަންސް އޮތޯރިޓީން ކޮށްފައިވާ އިޢުލާނެއްގައި ބުނެފައިވަނީ ޤާނޫނާ އެއްގޮތަށް ރޯދަ ޢިނާޔަތް ލިބިފައިނުވާނަމަ، އެއޮތޯރިޓީއަށް އެމައްސަލަ ހުށަހެޅުއްވުމަށެވެ. އެގޮތުން މައްސަލަ ހުށަހަޅުއްވަން ބޭނުންވާ ފަރާތްތަކުން އެ އޮފީހުގެ ވެބްސައިޓް މެދުވެރިކޮށް ނުވަތަ އޮތޯރިޓީއަށް ޙާޟިރުވެގެންވެސް މައްސަލަ ހުށައެޅޭނެކަމަށް އިޢުލާނުގައިވެއެވެ.
ރޯދަ އިނާޔަތާ ގުޅޭގޮތުން ދަޢުލަތުގެ މާލީ ވުޒާރާއިން ބުނެފައިވަނީ އިނާޔަތުގެ ފައިސާ ދީފައިވާ މުވައްޒަފަކު، ރޯދަ މަހުގެ ތިންބައިކުޅަ އެއްބައި ފާއިތުނުވަނީސް ވަޒީފާއިން ވަކިވެއްޖެނަމަ، ވަކިވި ދުވަހާ ހަމައަށްވާ ފައިސާ ފިޔަވައި އިތުރުވާ ފައިސާ އެ މުވައްޒަފެއްގެ އަތުން ހޯދައި، އެ ފައިސާ އަނބުރާ ޖަމާކުރަން ޖެހޭނެ ކަމަށެވެ.
މީގެއިތުރުން ރޯދަ މަހުގެ ތެރޭގައި އަލަށް ވަޒީފާ ދޭ މުވައްޒަފުންނަށް އެ މުވައްޒަފަކު ވަޒީފާ އަދާކުރަންފަށާ ދުވަހުން ފެށިގެން ރަސްމީ 7 ދުވަހުގެ ތެރޭގައި އިނާޔަތުގެ ފައިސާ ދިނުމަށާއި ރޯދަ މަހުގެ ތެރޭގައި ވަޒީފާއިން ވަކިވުމަށް ހަމަޖެހިފައިވާ މުވައްޒަފުންނަށް އިނާޔަތުގެ ފައިސާ ދޭނީ އެ މަހުގައި އެމީހަކު މަސައްކަތްކުރި ދުވަހަށް ކަމަށް ވެސް ސަރކިއުލާގައި ބުނެފައިވެއެވެ.
ސަރކިއުލާގައި ބުނާގޮތުން ރޯދަ މަސް ފެށޭއިރު އޮފީހަށް ޚިދުމަތް ނުލިބޭ ގޮތަށް، "ޑޭ ލީވް" (ސްކޮލަރޝިޕްމުވައްޒަފުން) އަދި "ނޯޕޭ ލީވް" ގައި ތިބޭ މުވައްޒަފުންނަށް އިނާޔަތުގެ ފައިސާއެއް ނުލިބޭނެއެވެ. އެހެންނަމަވެސް މިފަދަ "ލީވް" އެއްގައި ހުންނަ މުވައްޒަފަކު ރޯދަ މަހުގެ ތެރޭގައި އެނބުރި ޚިދުމަތަށް ނުކުމެއްޖެ ނަމަ އެދުވަހަކުން ފެށިގެން ރޯދަ މަހުގެ ނިޔަލަށް ޖެހޭ ޢަދަދެއް ބަލައި، އެ އަދަދަށް އިނާޔަތުގެ ފައިސާ ލިބޭނެ ކަމަށް މާލީ ވުޒާރާގެ ސާކިއުލާގައި ވަނީ ބުނެފައެވެ.
ލޭބަރ ރިލޭޝަންސް އޮތޯރިޓީން ކޮށްފައިވާ އިޢުލާނެއްގައި ބުނެފައިވަނީ ޤާނޫނާ އެއްގޮތަށް ރޯދަ ޢިނާޔަތް ލިބިފައިނުވާނަމަ، އެއޮތޯރިޓީއަށް އެމައްސަލަ ހުށަހެޅުއްވުމަށެވެ. އެގޮތުން މައްސަލަ ހުށަހަޅުއްވަން ބޭނުންވާ ފަރާތްތަކުން އެ އޮފީހުގެ ވެބްސައިޓް މެދުވެރިކޮށް ނުވަތަ އޮތޯރިޓީއަށް ޙާޟިރުވެގެންވެސް މައްސަލަ ހުށައެޅޭނެކަމަށް އިޢުލާނުގައިވެއެވެ.
މައްސަލަ ހުށަހެޅުމަށް: https://t.co/snqvib9pyR pic.twitter.com/MoPE5cDrTk
— Labour Relations Authority (@Official_LRAmv) April 3, 2022
ރޯދަ އިނާޔަތާ ގުޅޭގޮތުން ދަޢުލަތުގެ މާލީ ވުޒާރާއިން ބުނެފައިވަނީ އިނާޔަތުގެ ފައިސާ ދީފައިވާ މުވައްޒަފަކު، ރޯދަ މަހުގެ ތިންބައިކުޅަ އެއްބައި ފާއިތުނުވަނީސް ވަޒީފާއިން ވަކިވެއްޖެނަމަ، ވަކިވި ދުވަހާ ހަމައަށްވާ ފައިސާ ފިޔަވައި އިތުރުވާ ފައިސާ އެ މުވައްޒަފެއްގެ އަތުން ހޯދައި، އެ ފައިސާ އަނބުރާ ޖަމާކުރަން ޖެހޭނެ ކަމަށެވެ.
ސަރކިއުލާގައި ބުނާގޮތުން ރޯދަ މަސް ފެށޭއިރު އޮފީހަށް ޚިދުމަތް ނުލިބޭ ގޮތަށް، "ޑޭ ލީވް" (ސްކޮލަރޝިޕްމުވައްޒަފުން) އަދި "ނޯޕޭ ލީވް" ގައި ތިބޭ މުވައްޒަފުންނަށް އިނާޔަތުގެ ފައިސާއެއް ނުލިބޭނެއެވެ. އެހެންނަމަވެސް މިފަދަ "ލީވް" އެއްގައި ހުންނަ މުވައްޒަފަކު ރޯދަ މަހުގެ ތެރޭގައި އެނބުރި ޚިދުމަތަށް ނުކުމެއްޖެ ނަމަ އެދުވަހަކުން ފެށިގެން ރޯދަ މަހުގެ ނިޔަލަށް ޖެހޭ ޢަދަދެއް ބަލައި، އެ އަދަދަށް އިނާޔަތުގެ ފައިސާ ލިބޭނެ ކަމަށް މާލީ ވުޒާރާގެ ސާކިއުލާގައި ވަނީ ބުނެފައެވެ.
ކިޔުންތެރިންގެ ހިޔާލު