މި ވަގުތަކީ ރާއްޖޭގެ އެކްސްޗޭންޖް ރޭޓު ފްރީ ފްލޯޓް ކުރަންވީ ވަގުތުކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
ކަޅުބާޒާރުގައި ޑޮލަރުގެ އަގު ބޮޑުތަނުން ވެއްޓިއްޖެކަމަށް ލިޔެފައިވާ ލިޔުމެއް ޓްވިޓާގައި ހިއްސާ ކުރައްވަމުން ރައީސް ނަޝީދު މިއަދު ވިދާޅުވީ، އެމަނިކުފާނަށް ފެނިވަޑައިގަންނަވާ ގޮތުގައި މިއީ ރާއްޖޭގެ އެކްސްޗޭންޖް ރޭޓް ފްރީ ފްލޯޓް ކުރަންވީ ވަގުތު ކަމަށެވެ.
އަދި ޑޮލަރުގެ ކަޅު ބާޒާރު މުޅީން ނައްތާލެވިދާނެ ކަމަށް ވެސް ރައީސް ނަޝީދު ވަނީ ވިދާޅުވެފައެވެ.
"އަޅުގަނޑަށް ފެންނަގޮތުގައި މިއީ ރާއްޖޭގެ އެކްސްޗޭންޖް ރޭޓް ފްރީ ފްލޯޓްކުރަންވީ ވަގުތު. ޑޮލަރުގެ ކަޅު ބާޒާރު މުޅިން ނައްތާލެވިދާނެ." ރައީސް ނަޝީދު ވިދާޅުވިއެވެ.
ރައީސް ނަޝީދު މިފަދައިން ވިދާޅުވިއިރު، ރާއްޖޭގެ ކަޅުބާޒާރުގައި ޑޮލަރުގެ އަގު، އެނގުންވާ ވަރުގެ އަދަދަކުން ވެއްޓި، ޑޮލަރު ވަރަށް ބޮޑަށް ތިޔާގިވެއްޖެ ކަމަށް ބައެއް ވިޔަފާރިވެރިން ވަނީ ބުނެފައެވެ. އެގޮތުން، ރޯދައިގެ ކުރިން 17.50- 17.70ރ، ގައި ހުރި ޑޮލަރުގެ އަގު މިއަދު ހުރީ 17:00ރ. އަށްވުރެ ދަށަށް ވެއްޓިފައެވެ.
ކަޅުބާޒާރުގައި ޑޮލަރުގެ އަގުތައް ހުންނަ ގޮތަށް ބަލާއިރު އާންމު ގޮތެއްގައި ވެސް މަހުގެ ކުރީކޮޅު ޑޮލަރުގެ އަގު ވަރަށް ބޮޑަށް ވެއްޓެއެވެ. އެހެން ނަމަވެސް މިފަހަރު އެހާ ބޮޑަށް ޑޮލަރުގެ އަގު ވެއްޓުނީ ބާޒާރުގައި ޑޮލަރު އިތުރުވުމުން ކަމަށް ބައެއް ފަރާތްތަކުން ބުނެއެވެ.
ބާޒާރުގައި ޑޮލަރު އިތުރުވީ މިނިމަމް ވޭޖާ ގުޅިގެން ރިސޯޓު މުވައްޒަފުންނަށް ލިބޭ މުސާރަތައް ރަނގަޅުވެ ސާވިސް ޗާޖު ރަނގަޅަށް ލިބުމާއި ރާއްޖެ އަންނަ ފަތުރުވެރިންގެ އަދަދު މިއަހަރު ބޮޑުތަނުން އިތުރުވެފައިވުން ކަމަށް ވެސް ބައެއް ފަރާތްތަކުން ބުނެފައިވެއެވެ.
ފްރީ ފްލޯޓިންގ އެކްސްޗޭންޖް ރޭޓަކީ، ބައެއްފަހަރަށް ކްލީން ފްލޯޓިންގެ ނަމުން ނަންދެވިފައިވާ، ފްލެކްސިބަލް އެކްސްޗޭންޖް ރޭޓް ސިސްޓަމެކެވެ. އެފަދަ ސިސްޓަމެއްގައި އެކްސްޗޭންޖް ރޭޓު ބިނާވެފައި އޮންނާނީ ޑިމާންޑާއި ސަޕްލައިގެ މައްޗަށެވެ. މީގެ އިދިކޮޅު ގޮތަކީ ފިކްސްޑް އެކްސްޗޭންޖް ރޭޓެވެ.
ދުނިޔޭގެ ބޮޑެތި ގައުމުތަކަށް ބަލާލާއިރު، އެމެރިކާ، އޮސްޓްރޭލިއާ އަދި ޖަޕާން ފަދަ ގައުމުތަކުގައި ވެސް ގެންގުޅެނީ ފްލޯޓިން އެކްސްޗޭންޖް ރޭޓެވެ.
އަދި ޑޮލަރުގެ ކަޅު ބާޒާރު މުޅީން ނައްތާލެވިދާނެ ކަމަށް ވެސް ރައީސް ނަޝީދު ވަނީ ވިދާޅުވެފައެވެ.
"އަޅުގަނޑަށް ފެންނަގޮތުގައި މިއީ ރާއްޖޭގެ އެކްސްޗޭންޖް ރޭޓް ފްރީ ފްލޯޓްކުރަންވީ ވަގުތު. ޑޮލަރުގެ ކަޅު ބާޒާރު މުޅިން ނައްތާލެވިދާނެ." ރައީސް ނަޝީދު ވިދާޅުވިއެވެ.
ރައީސް ނަޝީދު މިފަދައިން ވިދާޅުވިއިރު، ރާއްޖޭގެ ކަޅުބާޒާރުގައި ޑޮލަރުގެ އަގު، އެނގުންވާ ވަރުގެ އަދަދަކުން ވެއްޓި، ޑޮލަރު ވަރަށް ބޮޑަށް ތިޔާގިވެއްޖެ ކަމަށް ބައެއް ވިޔަފާރިވެރިން ވަނީ ބުނެފައެވެ. އެގޮތުން، ރޯދައިގެ ކުރިން 17.50- 17.70ރ، ގައި ހުރި ޑޮލަރުގެ އަގު މިއަދު ހުރީ 17:00ރ. އަށްވުރެ ދަށަށް ވެއްޓިފައެވެ.
ކަޅުބާޒާރުގައި ޑޮލަރުގެ އަގުތައް ހުންނަ ގޮތަށް ބަލާއިރު އާންމު ގޮތެއްގައި ވެސް މަހުގެ ކުރީކޮޅު ޑޮލަރުގެ އަގު ވަރަށް ބޮޑަށް ވެއްޓެއެވެ. އެހެން ނަމަވެސް މިފަހަރު އެހާ ބޮޑަށް ޑޮލަރުގެ އަގު ވެއްޓުނީ ބާޒާރުގައި ޑޮލަރު އިތުރުވުމުން ކަމަށް ބައެއް ފަރާތްތަކުން ބުނެއެވެ.
ބާޒާރުގައި ޑޮލަރު އިތުރުވީ މިނިމަމް ވޭޖާ ގުޅިގެން ރިސޯޓު މުވައްޒަފުންނަށް ލިބޭ މުސާރަތައް ރަނގަޅުވެ ސާވިސް ޗާޖު ރަނގަޅަށް ލިބުމާއި ރާއްޖެ އަންނަ ފަތުރުވެރިންގެ އަދަދު މިއަހަރު ބޮޑުތަނުން އިތުރުވެފައިވުން ކަމަށް ވެސް ބައެއް ފަރާތްތަކުން ބުނެފައިވެއެވެ.
ދުނިޔޭގެ ބޮޑެތި ގައުމުތަކަށް ބަލާލާއިރު، އެމެރިކާ، އޮސްޓްރޭލިއާ އަދި ޖަޕާން ފަދަ ގައުމުތަކުގައި ވެސް ގެންގުޅެނީ ފްލޯޓިން އެކްސްޗޭންޖް ރޭޓެވެ.
ކިޔުންތެރިންގެ ހިޔާލު