މަސްވެރިންގެ ކަންބޮޑުވުންތައް ޙައްލުކުރުމަށް ރައްޔިތުންގެ މަޖިލީހަށް ހުށައެޅި ކުއްލި މައްސަލަ ބޭރުކޮށްލައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާއަށް ފަރެސްމާތޮޑާ ދާއިރާގެ މެންބަރު ޙުސައިން މުޙައްމަދު ލަތީފު ހުށައެޅުއްވި ކުއްލި މައްސަލާގައި ބުނެފައިވަނީ މަސްކިރާ މިންވަރު މިފްކޯއިން ލިމިޓްކޮށްފައިވާ ކަމަށާއި، ޑީސަލްގެ އަގު އުފުލި އައިސްލިބުމުގައިވެސް ދަތިތަކެއް ދިމާވަމުންދާ ކަމަށެވެ. އަދި މިއީ މަސްވެރިކަން އިންތިހާއަށް ރަނގަޅުވެފައިވާ ދުވަސްވަރެއްގައި މަސްވެރިން ނުހަނު ކަންބޮޑުވާ ކަމެއްކަމަށް މެންބަރު ޙުސައިން ހުށައެޅުއްވި ކުއްލި މައްސަލާގައިވެއެވެ.
ރާއްޖޭގެ ދެކުނަށް މިދުވަސްވަރު މަސްވެރިކަން އިންތިހާއަށް ރަނގަޅުވެފައިވާއިރު ކޫއްޑޫއިން ދޯންޏަކުން ގަންނަނީ ފަސް ޓަނު ކަމަށާއި އަދި އެ މަސްކޮޅު ކިރުވުމަށް ކިއުގައި ހަފުތާއެއްހައި ދުވަހު މަޑުކުރަން ޖެހޭކަމަށްވެސް މެންބަރު ޙުސައިން ވިދާޅުވިއެވެ. އެހެންކަމުން މަސްވެރިންގެ ކަންބޮޑުވުންތަކަށް ޙައްލެއް ހޯއްދަވައިދެއްވުމަށް ޙުސައިންގެ ކުއްލި މައްސަލާގައި ގޮވާލަށްވާފައިވެއެވެ.
މިއަދުގެ ރައްޔިތުންގެ މަޖިލީހުގެ ޖަލްސާގައި އެ މައްސަލަ ބަލައިނުގަތުމަށް ނިންމާފައިވަނީ 41 މެންބަރުންގެ ވޯޓާއެކުއެވެ. އެ މައްސަލަ ބަލައިގަތުމަށް ވޯޓު ދެއްވާފައިވަނީ 9 މެންބަރުންނެވެ.
މިއަދުގެ ރައްޔިތުންގެ މަޖިލީހުގެ ޖަލްސާގައި އެ މައްސަލަ ބަލައިނުގަތުމަށް ނިންމާފައިވަނީ 41 މެންބަރުންގެ ވޯޓާއެކުއެވެ. އެ މައްސަލަ ބަލައިގަތުމަށް ވޯޓު ދެއްވާފައިވަނީ 9 މެންބަރުންނެވެ.
ކިޔުންތެރިންގެ ހިޔާލު