ރާއްޖެއިން ކޯވިޑް-19 ޖެހުނު އިތުރު ފަސް މީހަކު ބަލިން ރަނގަޅުވެ ރާއްޖެއިން ބަލި ރަނގަޅު މީހުންގެ ޖުމުލަ އަދަދު 406 އަށް އަރައިފިއެވެ.

ކޯވިޑް-19 ގެ އެންމެ ފަހުގެ ތަފާސްހިސާބުތައް ގެނެސްދޭ ހެލްތު މިނިސްޓްރީގެ ވެބްސައިޓުގައި ހާމަކޮށްފައިވާ ގޮތުން ފަސް މީހަކު ބަލިން ރަނގަޅުވެފައިވާއިރު މިފަސްމީހުންނާއެކު މިހާރު ބަލިން ރަނގަޅުވި މީހުންގެ އަދަދު އުޅެނީ 406 ގަ އެވެ.

ރާއްޖޭގައި ކޯވިޑް-19 އަށް ޕޮޒިޓިވް ވި މީހުންގެ އަދަދު މިހާރު ވަނީ 1672 އަށް އަރާފައެވެ. ބަލި ޖެހުނު މީހުންގެ ތެރެއިން 12 މީހަކު ހޮސްޕިޓަލުގައި އެޑްމިޓްކޮށްގެން ފަރުވާދެމުން ދާއިރު މިހާތަނަށް ބަލީގައި ރާއްޖެއިން މަރުވެފައި ވަނީ ޖުމުލަ 5 މީހުންނެވެ.