އެއްބަސްވުންތައް ޤާއިމްކުރުމުގެ ނެގޯސިއޭޝަން ޓެކްނިކްސް އަދި އެއްބަސްވުންތަކުގައި ސޮއިކުރުމުގެ ޕްރޮޓޮކޯލްއާ ގުޅޭ ތަމްރީން ސެޝަނެއް ފޮރިން ސަރވިސް އިންސްޓިޓިއުޓް އޮފް މޯލްޑިވްސް (ފޮސިމް) އިން ބާއްވައިފިއެވެ.
މިނިސްޓްރީ އޮފް ފިނޭންސާއި، މިނިސްޓްރީ އޮފް ނޭޝަނަލް ޕްލޭނިންގ އަދި މޯލްޑިވްސް ޕޮލިސް ސަރވިސްގެ ފަރާތުން ބައިވެރިވި މި ސެޝަންގައި، އެއްބަސްވުމެއް އެކުލަވާލުމުގައި ނެގޯޝިއޭޓްކުރުމުގެ ޕްރޮސެސް އޮންނަ ގޮތާއި، އަދި އެއްބަސްވުމެއްގައި ސޮއިކުރުމާ ހަމަޔަށް އޮންނަ މަރުޙަލާތަކުގައި އަމަލުކުރާ ޕްރޮޓޮކޯލްއާ ގުޅޭ ގޮތުން ބައިވެރިންނަށް މައުލޫމާތު އަރުވާފައިވާކަމަށް ފޮރިން މިނިސްޓްރީން މަޢުލޫމާތުދެއެވެ.
އިއްޔެ ފޮރިން މިނިސްޓްރީގައި ފޮސިމް އިން ކުރިއަށް ގެންދިޔަ މިސެޝަންއަކީ ފޮސިމްގެ ސްޓޭކް ހޯލްޑަރ އެވެއަރނެސް ޕްރޮގްރާމްގެ ދަށުން ހިންގުނު ސެޝަންއެކެވެ. ސްޓޭކްހޯލްޑަރ އެވެއަރނެސް ޕްރޮގްރާމަކީ ފޮރިން މިނިސްޓްރީން ތަޖުރިބާއާއި ކަމާ ގުޅުން ހުރި ދާއިރާތަކުން ލިބިފައިވާ ހުނަރުތައް ދައުލަތުގެ އެހެން މިނިސްޓްރީތަކާ އަދި އިދާރާތަކާ ހިއްސާކުރުމަށް ކުރިއަށް ގެންދާ ޕްރޮގްރާމެކެވެ.
އިއްޔެގެ ސެޝަން ނަންގަވައިދެއްވީ ޗީފް އޮފް ޕްރޮޓޮކޯލް އައިޝަތު ޝާން ޝާކިރާއި، އެޑިޝަނަލް ސެކްރެޓަރީ އަހުމަދު ޝިއާން އަދި ލީގަލް ކައުންސެލް އުސްތާޛް މުހައްމަދު އަސީލް ހަސަން އެވެ.
އިއްޔެގެ ސެޝަން ނަންގަވައިދެއްވީ ޗީފް އޮފް ޕްރޮޓޮކޯލް އައިޝަތު ޝާން ޝާކިރާއި، އެޑިޝަނަލް ސެކްރެޓަރީ އަހުމަދު ޝިއާން އަދި ލީގަލް ކައުންސެލް އުސްތާޛް މުހައްމަދު އަސީލް ހަސަން އެވެ.
ކިޔުންތެރިންގެ ހިޔާލު