ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ބައި-އިލެކްޝަންގައި ރާއްޖޭގެ އެންމެ ބޮޑު ސިޔާސީ ޕާޓީ، އެމްޑީޕީއަށް ވާދަ ކުރެވޭގޮތް ނުވުމުން، ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުޙައްމަދު ނިހާދު އެމްޑީޕީގެ ލީޑަރޝިޕަށް ފާޑުވިދާޅުވެއްޖެއެވެ.
ނިހާދު ފާޑުވިދާޅުވީ ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ މެމްބަރު ކަމަށް ކުރިމަތިލުމަށް ހުޅުވާލި މުއްދަތު ހަމަވި ފަހުން ފޯމް ހުށައެޅުމުން އެމްޑީޕީގެ ކެންޑިޑޭޓްގެ ފޯމް ބަލައިނުގަތުމަށް އިލެކްޝަންސް ކޮމިޝަނުން ނިންމުމުން އިންތިހާބުގައި ވާދަކުރުމުގެ ފުރުސަތު އެ ޕާޓީއަށް ގެއްލުމާއި ގުޅިގެންނެވެ.
މިކަމާއި ގުޅިގެން މިހާރު ޕާޓީގެ ލީޑަރޝިޕްގައި ތިއްބެވި ފަރާތްތަކަށް ގިނަ ބަޔަކު ފާޑުކިޔަމުން ދަނިކޮށް ނިހާދު މިއަދު ވިދާޅުވީ، އިންތިހާބުގައި ވާދަކުރުމަށް ވަގުތުލިބި އެކަން ނުކުރެވުމަކީ ލީޑަރޝިޕްގެ ބޮޑު ފެއިލިއާއެއްކަމަށެވެ. އަދި ގެއްލިގެން ދިޔައީ ކަނބަލުންނަށް ހޯދާދެވެން އޮތް ވަރަށް ބޮޑު ފުރުސަތެއް ކަމަށް ވެސް އޭނާ ވިދާޅުވިއެވެ.
"އަޑަށް ބާރުލާފަ އަންހެނުންގެ ހައްގޭ ކިޔާ ކަރު ބުޑުން އަޑުނެރެފަ ވާހަކަ ދައްކާ މީހުން ކޮބާ؟ ލީޑަރޝިޕްގައި ތިބެ މިއަދު ނުވި ކަމެއް މާދަން ކުރާނަމޭ ބުނުމަކީ ލަދުވެތިކަމެއް! ޑަބްލިއުޑީސީ އަށް ކުރިމަތި ލާންތިބި ކަނބަލުންނަށް މާލެ ދާއިރާއިން އެ ފުރުސަތު ހޯދައި ނުދެވުނު! ހިންގަނީތޯ؟" ޗެއާޕާސަން އިންތިޚާބުގައި ވާދަކުރަށްވާ ފައްޔާޒު އިސްމާއީލްގެ ކެމްޕޭންގެ ޝިޢާރާ ގުޅުވާލައްވަމުން ނިހާދު ވިދާޅުވިއެވެ.
ވިލިމާލޭ ދާއިރާގެ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ މެންބަރުކަމަށް ވާދަކުރަން ބޭނުންވާ ފަރާތްތަކަށް އެކަމަށް އެދި ފޯމު ހުށަހެޅުމުގެ ފުރުސަތު މިއަދުގެ މެންދުރު 12:00 އާއި ހަމައަށް އިލެކްޝަން ކޮމިޝަނުން އޮތީ ހުޅުވާލާފައެވެ. ނަމަވެސް ނެރޭނެ ކެނޑިޑޭޓެއް ފައިނަލްނުވެ ގިނަ ވަގުތުތަކެއް ހޭދަވުމަށްފަހު ފަހުވަގުތު އެމްޑީޕީއަށް ފޯމް ހުށަހެޅުނީ ވަގުތު ހަމަވިފަހުންނެވެ.
އެހެންކަމުން އެ ޕާޓީގެ ފޯމް ބަލައިނުގަންނަން އިލެކްޝަންސް ކޮމިޝަނުން ނިންމުމުން ދެން މި އިންތިހާބުގައި ވާދަކުރާނީ ދެ ޕާޓީއަކުންނެވެ. އެއީ އިދިކޮޅު ޕީޕީއެމް އަދި މޯލްޑިވްސް ނެޝަނަލް ޕާޓީ (އެމްއެންޕީ) އެވެ. ދެ ކެންޑިޑޭޓުންގެ މެދުގައި ގުރު ނެގުން އޮންނާނީ ހޮނިހިރު ދުވަހުގެ މެންދުރު ކަމަށް އިލެކްޝަންސް ކޮމިޝަނުން ވަނީ ބުނެފައެވެ.
މިކަމާއި ގުޅިގެން މިހާރު ޕާޓީގެ ލީޑަރޝިޕްގައި ތިއްބެވި ފަރާތްތަކަށް ގިނަ ބަޔަކު ފާޑުކިޔަމުން ދަނިކޮށް ނިހާދު މިއަދު ވިދާޅުވީ، އިންތިހާބުގައި ވާދަކުރުމަށް ވަގުތުލިބި އެކަން ނުކުރެވުމަކީ ލީޑަރޝިޕްގެ ބޮޑު ފެއިލިއާއެއްކަމަށެވެ. އަދި ގެއްލިގެން ދިޔައީ ކަނބަލުންނަށް ހޯދާދެވެން އޮތް ވަރަށް ބޮޑު ފުރުސަތެއް ކަމަށް ވެސް އޭނާ ވިދާޅުވިއެވެ.
Adah baarulaafa Anahenunge haggey kiyaa karu budun Adu nerefa vaahaka dhakkaa Meehun kobaa? Leadership ga thibe Miadhu Nuvi kameh maadhan kuraanamey bunumuakee ladhuvethi kameh! WDC ah kurimathi laan thibi kanbalunnah Male’ dhaairaa in e furusath hoadhai nudhevunu! Hinganee thoa?
— Feydhoo Meehaa (Mohamed Nihad) (@nihad_m) April 14, 2022
"އަޑަށް ބާރުލާފަ އަންހެނުންގެ ހައްގޭ ކިޔާ ކަރު ބުޑުން އަޑުނެރެފަ ވާހަކަ ދައްކާ މީހުން ކޮބާ؟ ލީޑަރޝިޕްގައި ތިބެ މިއަދު ނުވި ކަމެއް މާދަން ކުރާނަމޭ ބުނުމަކީ ލަދުވެތިކަމެއް! ޑަބްލިއުޑީސީ އަށް ކުރިމަތި ލާންތިބި ކަނބަލުންނަށް މާލެ ދާއިރާއިން އެ ފުރުސަތު ހޯދައި ނުދެވުނު! ހިންގަނީތޯ؟" ޗެއާޕާސަން އިންތިޚާބުގައި ވާދަކުރަށްވާ ފައްޔާޒު އިސްމާއީލްގެ ކެމްޕޭންގެ ޝިޢާރާ ގުޅުވާލައްވަމުން ނިހާދު ވިދާޅުވިއެވެ.
އެހެންކަމުން އެ ޕާޓީގެ ފޯމް ބަލައިނުގަންނަން އިލެކްޝަންސް ކޮމިޝަނުން ނިންމުމުން ދެން މި އިންތިހާބުގައި ވާދަކުރާނީ ދެ ޕާޓީއަކުންނެވެ. އެއީ އިދިކޮޅު ޕީޕީއެމް އަދި މޯލްޑިވްސް ނެޝަނަލް ޕާޓީ (އެމްއެންޕީ) އެވެ. ދެ ކެންޑިޑޭޓުންގެ މެދުގައި ގުރު ނެގުން އޮންނާނީ ހޮނިހިރު ދުވަހުގެ މެންދުރު ކަމަށް އިލެކްޝަންސް ކޮމިޝަނުން ވަނީ ބުނެފައެވެ.
ކިޔުންތެރިންގެ ހިޔާލު