ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ގޮނޑިއަށް ވާދަ ކުރުމުގެ ފުރުސަތު އެމްޑީޕީއަށް ގެއްލުމުގައި ޕާޓީގެ ލީޑަރޝިޕްގެ ފަރުވާކުޑަކަން ހިމެނޭކަމުގެ ތުހުމަގު އެމްޑީޕީ ވިލިމާލެ ދާއިރާގެ ރައީސް ފިރުޒުލް ފިރާޒް ކުރައްވައިފިއެވެ.
ވިލިމާލެ ދާއިރާގެ ބައި-އިލެކްޝަންގައި ވާދަ ކުރުމުގެ ސުންގަޑި ހަމަވިއިރު ވެސް އެމްޑީޕީގެ ފަރާތުން ނެރޭ ކެންޑިޑޭޓުގެ ފޯމް އިލެކްޝަންސް ކޮމިޝަނަށް ހުށައަޅާފައެއް ނުވެއެވެ. އަދި ވަގުތު ހަމަވެ އެތައް އިރެއްވީފަހުން އެ ފޯމް ހުށަހެޅިނަމަވެސް ކޮމިޝަނުން ނިންމީ ފޯމް ބަލައި ނުގަތުމަށެވެ. އެހެންކަމުން އެމްޑީޕީއަށް އެ ފުރުސަތު ގެއްލުމުން އެގޮނޑިއަށް ވާދަ ކުރުމުގެ ފުރުސަތު ލިބުނީ ޕީޕިއެމަށާއި އެމްއެންޕީއަށެވެ.
މި މައްސަލާގައި އެމްޑީޕީގެ އާންމު މެންބަރުން ވަރަށް ބޮޑަށް ހިތްހަމަނުޖެހި ފާޑުކިޔާފައިވާއިރު ވިލިމާލެ ދާއިރާގެ ރައީސް ފިރުޒުލް ފިރާޒްގެ އިހުމާލު މިކަމުގައި އޮތްކަމަށް ބުނެ ބައެއް ފަރާތްތަކުން އޭނާއަށް ތުހުމަތުގެ އިނގިލި ދިއްކޮށްފައި ވެއެވެ.
މިކަމާއި ގުޅިގެން ފިރުޒުލް މިއަދު ވިދާޅުވީ، ބައި-އިލެކްޝަނަށް ނަން ހުށަހެޅުމަށް އިލެކްޝަންސް ކޮމިޝަނުން އިއުލާން އާންމުކޮށްފައިވަނީ 29 މާރޗް 2022 ވަނަ ދުވަހު ކަމަށާއި މި އިލެކްޝަނުގެ އެމްޑީޕީ ޕްރައިމަރީ އިއުލާން ކުރުމަށް ޕާރޓީގެ ސެކެޓްރީ ޖެނެރަލް އަރިހުގައި ޕާރޓީގެ ވަގުތީ ޗެއަރޕާސަން އެދިވަޑައިގެންފައިވާކަމަށް އޭނާއަށް ހަބަރު ލިބުނު ކަމަށެވެ.
އެކަމަކު ސެކެޓްރީ ޖެނެރަލަށް ޕްރައިމަރީ އިއުލާން ކުރެވިފައި ވަނީ އިލެކްޝަންސް ކޮމިޝަނަށް ނަން ހުށަހަޅަން ޖެހޭ ދުވަހުގެ ކުރީ ދުވަހު ކަމަށާއި ޕްރައިމަރީގައި ވާދަކުރަން ބޭނުންވާ ފަރާތްތަކުން ކުރިމަތިލުމަށް ފުރުސަތު ހުޅުވާލެވިފައި އޮތީ އެ ދުވަހުގެ ހަވީރު 4:00 ޖެހުމާއި ހަމައަށް ކަމަށެވެ. އެހެންކަމުން ޝައުގުވެރިވާ ކެންޑިޑޭޓުން ކުރިމަތިލާން ފުރުސަތު ދެވިފައި އޮތީ އެންމެ ދެގަޑިއެއްހާ އިރަށް ކަމަށް އޭނާ ވިދާޅުވިއެވެ.
"އެ މުއްދަތުގެތެރޭގައިވެސް 2 ކެންޑިޑޭޓަކު ކުރިމަތި ލައްވާފައިވާ ކަމަށާއި، އަދި އޭގެ ކުޑަ ވަގުތު ކޮޅެއް ފަހުން އޭގެން އެއް ކެންޑިޑޭޓް ނަން އަނބުރާ ގެންދަވާފައިވާ ކަމަށް ޕާޓީން އަޅުގަނޑަށް މައުލޫމާތު ދެއްވާފައިވޭ. އެހާލަތުގައި ޕްރައިމަރީއެއް ނުބާއްވާ ބާކީ ހުރި ހަމައެކަނި ކެންޑިޑޭޓަށް ޕާރޓީގެ ޓިކެޓު ދޭގޮތަށް ޕާރޓީގެ އުސޫލުތައް މި އޮންނަނީ. ދެން އިއްޔެ އަޅުގަނޑުމެންގެ ކެންޑިޑޭޓްގެ ކެންޑިޑެސީ އިލެކްޝަންސް ކޮމިޝަނުން ބަލައިނުގަތް ހަބަރު ލިބުމުން، ވަގުތީ ޗެއަރޕާސަން ކުރެން އަޅުގަނޑު ސާފުކުރިން ކަން ހިނގައި ދިޔަ ގޮތް. ވަގުތީ ޗެއަރޕާސަން އަޅުގަނޑަށް މައުލޫމާތު ދެއްވީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ކަރަންޓު ކަނޑައިގެން ދިއުމުގެސަބަބުން އެތަނުން ލިބެންވާލިޔެކިޔުން ލިބުމުގައި ލަސްވެފައިވާ ކަމަށާއި، އަދި ކެންޑިޑޭޓް ޑީޖޭއަށް ވަޑައިގަންނަވާފައިވަނީ ޕާރޓީގެ ފަރާތުން ކެންޑިޑޭޓަށް އަންގާފައިވާ ގަޑިއަށްވުރެ 45 މިނެޓު ފަހުން، ގަޑިޖެހިގެން ކަމަށް." ފިރުޒުލް މިއަދު ވިދާޅުވިއެވެ.
އޭނާ އިތުރަށް ވިދާޅުވީ، ކެންޑިޑޭޓް ގަޑިއަށް ފަރުވާތެރި ނުވުމުގެ ސަބަބުން ކަމުގައި ވިޔަސް، އަދި ޕާރޓީގެ ސެކެޓްރީ ޖެނެރަލް މިކަމަށް ދެއްވަންޖެހޭ އަހައްމިއްޔަތުކަން ނުދެއްވުމުގެ ސަބަބުން ކަމުގައި ވިޔަސް، މިއީ އެމްޑީޕީ އަށާއި ވިލިމާލެ ދާއިރާއަށް ލިބުނު ވަރަށް ބޮޑު ގެއްލުމެއްކަމުގައި ދެކިވަޑައިގަންނަވާ ކަމަށެވެ.
"މި ގެއްލުނީ އެމްޑީޕީއަށް ޔަގީން ގޮނޑިއެއް ކަމުގަ އަޅުގަނޑު ދެކެނީ. މިއީ މީގެ ކުރިންވެސް އެމްޑީޕީން ފުރަމުން އައި ގޮނޑިއެއް." ފިރުޒުލް ވިދާޅުވިއެވެ.
މި މައްސަލާގައި ޕާޓީގެ މިހާރުގެ ލީޑަރޝިޕްގެ ފަރުވާކުޑަކަން ފާހަގަ ކުރައްވަމުން އޭނާ ވިދާޅުވީ، ފައްޔާޒް އިސްމާއިލްގެ ޗެއަރޕާސަން ކަމުގައި ޕާރޓީގެ ސެކްރެޓޭރިއެޓްގެ ހިންގުންތެރިކަން މިއަށްވުރެ ހަރުދަނާ ކުރައްވާނެ ކަމަށް އުންމީދު ކުރައްވާ ކަމަށެވެ.
މި މައްސަލާގައި އެމްޑީޕީގެ އެތެރޭގެ އިންތިހާބުގައި ޗެއަރޕާސަންކަމުގެ މަގާމަށް ވާދަކުރައްވާ ފައްޔާޒުގެ ޓީމުންދަނީ، އެމްޑީޕީގެ މިހާރުގެ ލީޑަރޝިޕްގައި ތިއްބެވި، އިމްތިޔާޒު ފަހުމީއަށް ތާއީދު ކުރާ ފަރާތްތަކުގެ ހިންގުންތެރިކަމާމެދު ސުވާލު އުފައްދަވަމުންނެވެ.
މި މައްސަލާގައި އެމްޑީޕީގެ އާންމު މެންބަރުން ވަރަށް ބޮޑަށް ހިތްހަމަނުޖެހި ފާޑުކިޔާފައިވާއިރު ވިލިމާލެ ދާއިރާގެ ރައީސް ފިރުޒުލް ފިރާޒްގެ އިހުމާލު މިކަމުގައި އޮތްކަމަށް ބުނެ ބައެއް ފަރާތްތަކުން އޭނާއަށް ތުހުމަތުގެ އިނގިލި ދިއްކޮށްފައި ވެއެވެ.
މިކަމާއި ގުޅިގެން ފިރުޒުލް މިއަދު ވިދާޅުވީ، ބައި-އިލެކްޝަނަށް ނަން ހުށަހެޅުމަށް އިލެކްޝަންސް ކޮމިޝަނުން އިއުލާން އާންމުކޮށްފައިވަނީ 29 މާރޗް 2022 ވަނަ ދުވަހު ކަމަށާއި މި އިލެކްޝަނުގެ އެމްޑީޕީ ޕްރައިމަރީ އިއުލާން ކުރުމަށް ޕާރޓީގެ ސެކެޓްރީ ޖެނެރަލް އަރިހުގައި ޕާރޓީގެ ވަގުތީ ޗެއަރޕާސަން އެދިވަޑައިގެންފައިވާކަމަށް އޭނާއަށް ހަބަރު ލިބުނު ކަމަށެވެ.
އެކަމަކު ސެކެޓްރީ ޖެނެރަލަށް ޕްރައިމަރީ އިއުލާން ކުރެވިފައި ވަނީ އިލެކްޝަންސް ކޮމިޝަނަށް ނަން ހުށަހަޅަން ޖެހޭ ދުވަހުގެ ކުރީ ދުވަހު ކަމަށާއި ޕްރައިމަރީގައި ވާދަކުރަން ބޭނުންވާ ފަރާތްތަކުން ކުރިމަތިލުމަށް ފުރުސަތު ހުޅުވާލެވިފައި އޮތީ އެ ދުވަހުގެ ހަވީރު 4:00 ޖެހުމާއި ހަމައަށް ކަމަށެވެ. އެހެންކަމުން ޝައުގުވެރިވާ ކެންޑިޑޭޓުން ކުރިމަތިލާން ފުރުސަތު ދެވިފައި އޮތީ އެންމެ ދެގަޑިއެއްހާ އިރަށް ކަމަށް އޭނާ ވިދާޅުވިއެވެ.
"އެ މުއްދަތުގެތެރޭގައިވެސް 2 ކެންޑިޑޭޓަކު ކުރިމަތި ލައްވާފައިވާ ކަމަށާއި، އަދި އޭގެ ކުޑަ ވަގުތު ކޮޅެއް ފަހުން އޭގެން އެއް ކެންޑިޑޭޓް ނަން އަނބުރާ ގެންދަވާފައިވާ ކަމަށް ޕާޓީން އަޅުގަނޑަށް މައުލޫމާތު ދެއްވާފައިވޭ. އެހާލަތުގައި ޕްރައިމަރީއެއް ނުބާއްވާ ބާކީ ހުރި ހަމައެކަނި ކެންޑިޑޭޓަށް ޕާރޓީގެ ޓިކެޓު ދޭގޮތަށް ޕާރޓީގެ އުސޫލުތައް މި އޮންނަނީ. ދެން އިއްޔެ އަޅުގަނޑުމެންގެ ކެންޑިޑޭޓްގެ ކެންޑިޑެސީ އިލެކްޝަންސް ކޮމިޝަނުން ބަލައިނުގަތް ހަބަރު ލިބުމުން، ވަގުތީ ޗެއަރޕާސަން ކުރެން އަޅުގަނޑު ސާފުކުރިން ކަން ހިނގައި ދިޔަ ގޮތް. ވަގުތީ ޗެއަރޕާސަން އަޅުގަނޑަށް މައުލޫމާތު ދެއްވީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ކަރަންޓު ކަނޑައިގެން ދިއުމުގެސަބަބުން އެތަނުން ލިބެންވާލިޔެކިޔުން ލިބުމުގައި ލަސްވެފައިވާ ކަމަށާއި، އަދި ކެންޑިޑޭޓް ޑީޖޭއަށް ވަޑައިގަންނަވާފައިވަނީ ޕާރޓީގެ ފަރާތުން ކެންޑިޑޭޓަށް އަންގާފައިވާ ގަޑިއަށްވުރެ 45 މިނެޓު ފަހުން، ގަޑިޖެހިގެން ކަމަށް." ފިރުޒުލް މިއަދު ވިދާޅުވިއެވެ.
އޭނާ އިތުރަށް ވިދާޅުވީ، ކެންޑިޑޭޓް ގަޑިއަށް ފަރުވާތެރި ނުވުމުގެ ސަބަބުން ކަމުގައި ވިޔަސް، އަދި ޕާރޓީގެ ސެކެޓްރީ ޖެނެރަލް މިކަމަށް ދެއްވަންޖެހޭ އަހައްމިއްޔަތުކަން ނުދެއްވުމުގެ ސަބަބުން ކަމުގައި ވިޔަސް، މިއީ އެމްޑީޕީ އަށާއި ވިލިމާލެ ދާއިރާއަށް ލިބުނު ވަރަށް ބޮޑު ގެއްލުމެއްކަމުގައި ދެކިވަޑައިގަންނަވާ ކަމަށެވެ.
"މި ގެއްލުނީ އެމްޑީޕީއަށް ޔަގީން ގޮނޑިއެއް ކަމުގަ އަޅުގަނޑު ދެކެނީ. މިއީ މީގެ ކުރިންވެސް އެމްޑީޕީން ފުރަމުން އައި ގޮނޑިއެއް." ފިރުޒުލް ވިދާޅުވިއެވެ.
މި މައްސަލާގައި އެމްޑީޕީގެ އެތެރޭގެ އިންތިހާބުގައި ޗެއަރޕާސަންކަމުގެ މަގާމަށް ވާދަކުރައްވާ ފައްޔާޒުގެ ޓީމުންދަނީ، އެމްޑީޕީގެ މިހާރުގެ ލީޑަރޝިޕްގައި ތިއްބެވި، އިމްތިޔާޒު ފަހުމީއަށް ތާއީދު ކުރާ ފަރާތްތަކުގެ ހިންގުންތެރިކަމާމެދު ސުވާލު އުފައްދަވަމުންނެވެ.
ކިޔުންތެރިންގެ ހިޔާލު