މާލެ އަތޮޅުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ހަރަކާތްތައް އިތުރަށް ފުޅާކޮށް ހިންގާލަން އެ ދާއިރާގެ މެންބަރުން ބޭނުންވާކަމަށް، އެ ޕާޓީގެ ޗެއަރޕާސަންގެ މަގާމަށް ވާދަކުރައްވާ އިކޮނޮމިކް މިނިސްޓަރު ފައްޔާޒު އިސްމާޢީލް ވިދާޅުވެއްޖެއެވެ.
ފައްޔާޒުގެ ޓީމުން މި ހަފްތާގައިވަނީ، ޗެއަރޕާސަންގެ އިންތިހާބުގެ ކެމްޕޭނުގައި މާލެ އަތޮޅުގެ ރަށްރަށަށް ދަތުރެއް ކުރައްވާފައެވެ. ރަށްރަށަށް ވަޑައިގެންނެވުމަށްފަހު މިއަދު ފައްޔާޒު ވިދާޅުވީ، މާލެ އަތޮޅުގައި އެމްޑީޕީގެ ހަރަކާތްތައް އިތުރަށް ހިންގާ ޕާޓީގެ މެންބަރޝިޕް އިތުރު ކުރަންޖެހޭކަން، އެ އަތޮޅުގެ ރަށްތަކަށް ވަޑައިގެންނެވުމުން ވަރަށް ސާފުކޮށް މެންބަރުން ދަންނަވާފައިވާ ކަމަށެވެ.
"މިއަތޮޅަކީ އިގުތިސާދީ ގޮތުން ވަރުގަދަ އަތޮޅެއް. މާލެ އަތޮޅު މާބޮޑަށްވެސް އަޅުގަނޑުމެން ހިންގާލަންޖެހޭ." ފައްޔާޒު ވިދާޅުވިއެވެ.
ފައްޔާޒު މިފަދައިން ވިދާޅުވެފައިވާއިރު، އެމްޑީޕީގެ މިހާރުގެ ލީޑަރޝިޕާއެކު ޕާޓީ ނުހިނގާ ކަމަށް ފައްޔާޒަށް ތާއީދުކުރާ ފަރާތްތަކުން އަންނަނީ ބުނަމުންނެވެ. އެ ވާހަކަތަކަށް ބާރު ލިބިގެން ދިޔައީ، ސުންގަޑީގައި ފޯމު ހުށަނޭޅިގެން ވިލިމާލެ ދާއިރާގެ އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ ބައި-އިލެކްޝަންސްގައި ވާދަ ކުރުމުގެ ފުރުސަތު އެމްޑީޕީއަށް ގެއްލުމާއި ގުޅިގެނެވެ. އެ މައްސަލާގައިވެސް ޕާޓީގެ ލީޑަރޝިޕުން ދަނީ އެކި ހުއްޖަތްތައް ދައްކަމުންކަން ފާހަގަ ކުރެވެއެވެ.
ފައްޔާޒު މިފަދައިން ވިދާޅުވެފައިވާއިރު، އެމްޑީޕީގެ މިހާރުގެ ލީޑަރޝިޕާއެކު ޕާޓީ ނުހިނގާ ކަމަށް ފައްޔާޒަށް ތާއީދުކުރާ ފަރާތްތަކުން އަންނަނީ ބުނަމުންނެވެ. އެ ވާހަކަތަކަށް ބާރު ލިބިގެން ދިޔައީ، ސުންގަޑީގައި ފޯމު ހުށަނޭޅިގެން ވިލިމާލެ ދާއިރާގެ އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ ބައި-އިލެކްޝަންސްގައި ވާދަ ކުރުމުގެ ފުރުސަތު އެމްޑީޕީއަށް ގެއްލުމާއި ގުޅިގެނެވެ. އެ މައްސަލާގައިވެސް ޕާޓީގެ ލީޑަރޝިޕުން ދަނީ އެކި ހުއްޖަތްތައް ދައްކަމުންކަން ފާހަގަ ކުރެވެއެވެ.
ކިޔުންތެރިންގެ ހިޔާލު