އެމްޑީޕީ ޗެއާޕާސަންކަމަށް ވާދަކުރައްވާ އިކޮނޮމިކް މިނިސްޓަރ ފައްޔާޒު އިސްމާއިލް, އައްޑޫ ސިޓީ ފޭދޫގައި ދަމާފަައި ހުރި ކެމްޕެއިން ބެނާތައް ކަނޑާލައިފިއެވެ.

އައްޑޫސިޓީ ފޭދޫގައި ދަމާފައިހުރި ފައްޔާޒުގެ ކެމްޕެއިން ބެނާތައް ކަނޑާލައި ގެއްލުން ދިނުމާއި ގުޅިގެން ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވީ އެއީ ވަރަށް ނާތަހިޒީބު އަމަލެއްކަމަށެވެ. އަދި ބެނާތައް މިހާރު ރަނގަޅުކޮށްފައިވާ ކަމަށް ނިހާދު ވިދާޅުވިއެވެ.

"އައްޑޫ ފޭދޫގައި ހުރި ފައްޔާޒުގެ ބެނާތައް ކަނޑާލި. އަހަރުން ގޮސް އަލުން މަރަމާތު ކުރީ! ވަރަށް ނާތަހުޒީބު ދޯ! އެންމެ ފުރަތަމަ އެފަދަ އެފަދަ ގެއްލުމެއް ލިބުނީ ފަޔާގެ ބެނާތަކަށްދޯ؟"– ނިހާދު ވިދާޅުވިއެވެ.

އައްޑޫގައި ހުރި ފައްޔާޒުގެ ކެމްޕޭން ބޭނާތަކެއް ކަނޑާލާފައިވާއިރު ގދ. ތިނަދޫގައި ހުރި އިންތިގެ ޕޯސްޓަރ ތަކަކަށް ގެއްލުންދީފައިވާ މައްސަލައެއްވެސް ވަނީ ފެންމަތިވެފައެވެ. އެކަމާ ގުޅިގެން އިންތިގެ ޓީމުން ބުނެފައިވަނީ ހަނދާންވަނީ ރައީސް ޔާމީންގެ ޒަމާނުގައި ފުލުހުން ފޮނުވައިގެން އެމްޑީޕީގެ ދިދަތައް އުފުރަން އުޅުނު ދުވަސްތަކުގެ މަތިން ކަމަށެވެ.

Addu Feydhoo gai Huri @faya_i ge banner thah kandaali. Aharun Goss Alun maraamaathu kuree! Varah Naa thahuzeeb Dho? Enme Furathama efadha gellumeh libunee Faya ge banner thakah Dho? https://t.co/dbXqdhTeWg pic.twitter.com/NfwqfqoR5a

— Feydhoo Meehaa (Mohamed Nihad) (@nihad_m) April 26, 2022

އަންނަ މަހު 14 ގައި ބޭއްވުމަށް ހަމަޖެހިފައިވާ އެމްޑީޕީގެ އެތެރޭގެ އިންތިހާބުގެ ކެމްޕެއިން ފޯރިގަދަވެފައިވާއިރު ދެކެނޑިޑޭޓުންގެ ޓީމްތަކުގެ މެދުގައި ބަހުގެ ޙަމަލާ ބަދަލުކޮށް އެއްބަޔަކު އަނެއްބަޔަކަށް ސާބިތު ނުހިފޭ އެތައް ތުހުމަތެއްވެސް ދަނީ ކުރަމުންނެވެ.