ރާއްޖޭގައި ކޯވިޑް-19 އަށް ޕޮޒިޓިވް ވެގެން ފަރުވާ ދެމުން ދިޔަ އިތުރު މީހަކު މަރުވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ ) އިން ބުނީ، ކޯވިޑް ބަލީގައި މިއަދު މަރުވެފައިވަނީ އުމުރުން 54 އަހަރުގެ ބަނގުލަދޭޝް ރައްޔިތެއް ކަމަށެވެ. މިއަދު މެންދުރު 2:30 އެހާކަންހާއިރު އެމީހާ މަރުވީ ޓްރީ ޓޮޕް ހޮސްޕިޓަލްގައި ފަރުވާދެމުންދަނިކޮށް ކަމަށް އެޗްޕީއޭ އިން މައުލޫމާތުދެއެވެ.

މިއަދު ރާއްޖެ އިން މަރުވި ބިދޭސީމީހާއާއެކު ބަލީގައި ރާއްޖެއިން މަރުވި މީހުންގެ އަދަދު ވަނީ 6 އަކަށް އަރާފައެވެ.

ރާއްޖެއިން ކޯވިޑްގަައި މަރުވެފައިވަނީ ތިން ދިވެހިންނާއި ބަންގްލަދޭޝްގެ ތިން މީހުންނެވެ. ރާއްޖެއިން ކޯވިޑް-19 ޖެހުނު މީހުންގެ އަދަދު 1700 އިން މައްޗަށް އަރާފައިވާއިރު މިހާރުވެސް ބައްޔަށް ފަރުވާދޭ މައި ސެންޓަރު ކަމަށްވާ ޓްރީޓޮޕް ހޮސްޕިޓަލްގައި 12 މީހަކަށް ފަރުވާ ދެމުންދާ ކަމަށް އެޗްޕީއޭ އިން ހާމަކުރެއެވެ.