ރާއްޖެއިން ކޯވިޑް-19 އަށް މިއަދު އިތުރު 56 މީހަކު ޕޮޒިޓިވްވެއްޖެއެވެ.

އެންއިީއޯސީގެ ނޫސްވެރިންގެ ބައްދަލުވުމުގައި ތަރުޖަމާނު މަބުރޫކް އަޒީޒު ވިދާޅުވީ މިއަދު 56 މީހުން ބައްޔަށް ޕޮޒިޓިވްވެފައި ވާއިރު މީގެ ތެރޭގައި 27 ދިވެހިން ހިމެނޭ ކަމަށެވެ. އޭގެ ތެރެއިން އެއްވެސް ކްލަސްޓާ އަކާއި ގުޅުމެއް ނެތް ހުރީ އެންމެ މީހެއް ކަމަށް މަބުރޫކް ވިދާޅުވިއެވެ.

ޕޮޒިޓިވް ވި މީހުންގެ ތެރޭގައި ދެން ހިމެނޭ 29 ބިދޭސީންގެ ތެރެއިން ކްލަސްޓާއަކާއި ގުޅުމެއް ނެތް ހަތަރު މީހަކު ފާހަގަ ކުރެވިފައިވާ ކަމަށްވެސް އޭނާ ވިދާޅުވިއެވެ.

ރާއްޖެއިން ކޯވިޑް-19 އަށް ޕޮޒިޓިވް ވި މީހުންގެ ތެރެއިން 35 މީހަކު މިއަދު ރަނގަޅުވެފައިވާ ކަމަށްވެސް މިރޭ ހާމަކޮށްފައިވެއެވެ. މިއަދަދާއެކު ރާއްޖެއިން ބަލިން ރަނގަޅުވި މީހުންގެ އަދަދު 488 އަށް އަރާފައިވާ ކަމަށް މިރޭ މަބުރޫކް ވިދާޅުވިއެވެ.

ރާއްޖެއިން ކޮވިޑްގަައި މަރުވެފައިވަނީ ތިން ދިވެހިންނާއި ބަންގްލަދޭޝްގެ ތިން މީހުންނެވެ.